يا ريت يا درش انت او الاستاذ محمود لو عندكم صورة لاماكن الفيوز اللى فى الصالون أكون شاكر ليكم لان الرسمه اللى ع الغطا مش هيا نفس الاماكن
يا ريت يا درش انت او الاستاذ محمود لو عندكم صورة لاماكن الفيوز اللى فى الصالون أكون شاكر ليكم لان الرسمه اللى ع الغطا مش هيا نفس الاماكن
حاجه اول مره برضو تحصلي انهرده
نزلت الصبح بدري ادور العربية دارت من اول تكه عادي جيت ازود بنزين لقيتها اتكتفت وقامت فاصلة
جيت ادور تاني ولا حياه لمن تنادي
قعدت ساعه وبعدها دورت دارت عادي وجيت ازود بنزين عملت نفس القصة
اول حاجه قولت يمكن الرداخ بصيت عليه كله تمام والفلتر تمام وموصل بنزين للموتور والرشاشات تمام
جيت بقي للكهربا بصيت على كل الفيش لقيت كله ف مكانة
جبت واحد جاري قولتله لما اقولك تدور دور بعدها قومت طلعت السلك اللى طالع من الموبينه وقولت اشوفهها موصله كهربا ولا لأ لقيتها قاطعة النفس ...
قومت فاككها ورحت سألت عليها لقيت الصيني ب 180 و الاصلي جديد ب 300 لكن لسه مسألتش استيراد عامله كام
انا بقي خايف اغيرها ويطلع العيب من مكان تاني مثلا من فبره كونتكات او حاجه ف الكنترول مع انى مسكت الفيشة اللى واصلة فى الموبينه وطلعت منها الترمله وجيت لمستها ارضى لقيتها واصلها كهربا
ف قولت احتمال 99% تبقي موبينة او مشط ... ف طبعا لو رحت جبت موبينة والعربيه مدارتش طبعا استحاله الراجل يرجعها تاني ... فهل الاحتمالات دي انا كده صح ولا غلط مع العلم انا اول مره اغير موبينة لان الموبينة اللى ف العربية دي بقالها اكتر من 10 سنين متغيرتش ومحدش يستغرب
يلا شورو عليا اعمل ايه
أولا تاكد من فيشة البوبينة
ثانيا ـاكد من الفيش الموجودة على الاسبراتير
و بالنسبة للبوبينة بتتفحص بالطرقة اللى فى الكتالوج
http://www9.0zz0.com/2013/10/19/14/998585565.jpg
و لو فيه إستفسار تحت أمرك
بالتوفيق
تسلم حبيب قلبي ع الرد بس انا جربت فيشة البوبينة لقيتها واصلها كهربا .. بس نسيت اقول ان الكبال لما طلعته من البوبينه كان مصدي ... ف جيت اشوف البوبينه ذات نفسها مطلعه كهربا ولا لا ف واحد صحبي عنده خلفيه اكتر مني ف الكهربا ف جاب مفك ودخله ف البوبينه وقالي دور ف لقي البوبينه مش بتشرز معاه .. فهل لو فيش الاسبراتير فاصله مش المفروض البوبينه هي اللي بتدي كهربا للاسبراتير ..
سألت ع الموبينه انهرده ولقيتها ب 100 جنيه استيراد والمشط ب 150
أعتقد تمن المشط فى نفس الحدود بس مش عارف البوبينة بكام
على العموم إتفق مع التاجر على التجربة
يعنى تاخد البوبينة و تركبها لو إشتغلت العربية تدفع تمنها
و لو لأ ترجعها و كذلك مع المشط
أو لو عرفت توصل بالعربية لغاية عنده و تجربها قدامه
أنا عملت كدة مرة و مطلعش العيب من أى حاجة فيهم
وأخد حاجته تانى
الراجل اللى بتعامل معاه بقالي 7 سنين ويعزني جدا ولو جيت اخد منه طرمبه مثلا يديني 3 ويقولي جرب واللى تبقي حلوة خليها وهات الباقي وبحاسبه لما ارجعله ... راجل عنده ضمير جدا
ربنا يسهل يومين كدا هنزله علشان مش عارف اتحرك اليومين دول ماسك شفت بليل فى الشغل هجرب واشوف واقولك باذن الله
انا عندي موبينة جديده يا عمرو اشتريتها وما استخدمتهاش لو عايزها ابعتهالك تجرب بيها لو اشتغلت حلال عليك
دلوقتي أجدعان انا قولت انزل اجرب العربيه وانا عارف ان الموبينة بايظة ... قولت ادور انا وحظى ولما جيت ادور لقيت المارش بيكح كأن البطارية ضعيفة ... بس البطارية كويسه شغلت الكاسيت وشغلت كل انوار العربيه مع الكلاكس وكله تمام بس مش عارف ايه حكايه المارش اللى طلعتلي فى البخت دي .. انا شاكك ان ممكن يكون المشط هو اللى عامل كده ...