الموضوع: كل ما يتعلق بالدايو الاسبيرو " مشاكل - قطع غيار "

المشاركة الأصلية كتبت بواسطة mohnsar

السلام عليكم
الحمد لله ............... كلاكيت تاني مرة حادث بالاسبيرو .


امبارح يدوب علي باب الشغل ومستعجل عشان رايح اسكندرية ( مش عارف اية حكاية اسكندرية معايا ) وتليفون من المدام الحقني عملت حادث ودمرت عربيتين غير بتعتي ...............
وطيران علي العبور لقتها خبطة كيا ريو كانت ركنة وش في وش وخدتها قدمها لحد ملبست في كيا كارينز وقفا ورا الريو
بعد متفهمت مع الناس اصحاب العربيات واعطتهم فلوس ورقم تليفوني حاولت ادور الاسبيرو لقتها قطعة كهرباء ( مفيش شرارة طلعة من البوبينة ) وفهمت انها كلت مطب مكنتش شيفاه وبعده معرفتش اية حصل حبت تركن داست فرامل لاكن العربية موقفتش المشكلة بقي ان ده حصل في منحضر قوي جدآ
ترجمت انا ان العربية بطلت من المطب لسبب ما فالفرامل بقت تقيلة معرفتش تدوس عليها جامد ( لسة جديدة في السواقة ) الحمد لله انها بخيير ( العربية طبعآ )
ركنت العربية وروحت المدام وطيرت علي اسكندرية ورجعت علي الشغل الصبح وان شاء الله هروح اقطرها لحد البيت وابدآ بقي رحلة البحث عن عدم الدوارة ( لو حد عندة كاتالوج الضفيرة يبقي تمام )
الخساير
1- اكصدام امامي
2- سربنتينة تكييف
3- السدر ( شكلي هزور بور سعيد الاسبوع الجاي )
وسمكرة ودوكو
الحمد لله

يا نهااااااااااااااااااااااا اااااااااااااااااااااااار " انت محظوووظ " بس الف حمدلله ع سلامه جماعتك والمهم انها بخير دي اهم حاجه
وابقي اتصل بيا وانت بتجرب العربيه واقولك تعمل ايه
ولو حبيت تنزل بورسعيد ان شاء الله هحاول ابقي معاك علشان اوديك لواحد صحبي اجيبلك باسعار اقل من اللى فاتت باذن الله
قدر الله وماشاء فعل

المشاركة الأصلية كتبت بواسطة ابو المجد

شباب ايه رايكم في الاسبيرو 94 اتوماتيك وفيتيسها يعمل كام والماتور وعايز اعرف سعر قطع الغيار دولوقتي كام في القاهرة او اي مكان وهل سعر 37000 كويس ولا غالي قوي

الموديل دا معايا وماشاء الله كويسة الموتور دلوقتي كامل بالفتيس عامل من 3 الاف ل 3500 وقطع الغيار كويسه بس دا هنا فى بورسعيد لكن معرفش اسعار القاهرة ايه .. عمتا لو في اي حاجه ابعتلي وانا هفيدك باذن الله

المشاركة الأصلية كتبت بواسطة madmsb

استاذ مصطفى
العربية مطلعه عينى و مش عارف اعمل ايه السحب على الطريق ممتاز بس لو ماشى سلانسيه و فى مطب لازم اكبس بنزين جامد قوى و احس فى شخلله فى الماتور و كنت عاوز اعرف سعر حساس الشكمان و حساس الكرانك هل الاحسن اغير ولا اسقط ماتور استيراد

البرجلة احتمال كبير تبقي سلوك البوجيهات
سعر حساس الشكمان 120 جنيه
حساس كرنك 80 جنيه
شخلله الماتور خلي الميكانيكي يبصلك ع القواعد
الموتور عندك عامل كام كيلو ؟

المشاركة الأصلية كتبت بواسطة madmsb

استاذ مصطفى
العربية مطلعه عينى و مش عارف اعمل ايه السحب على الطريق ممتاز بس لو ماشى سلانسيه و فى مطب لازم اكبس بنزين جامد قوى و احس فى شخلله فى الماتور و كنت عاوز اعرف سعر حساس الشكمان و حساس الكرانك هل الاحسن اغير ولا اسقط ماتور استيراد

معلش قبل ما ارد عليك هل لمبة الاتشيك بتنور عندك ؟؟؟؟
انت بتقول بتكبس بنزين جامد !!! علشان متبطلش منك ولا هي تقيلة في الطلعة ؟؟؟؟
العربية مانيوال ولا اتوماتيك ؟؟؟ اخر صيانه كانت امتى وغيرت ايه ؟؟؟

بالنسبة لسعر حساس الجكمان وحساس الكرنك صديقي عمرو رد عليك فيهم بس خد بالك قبل ماتشتري حساس الجكمان اعرف الاول القديم اللي راكب عندك طرفين ولا 3 طرف قبل ماتشتري !!!!

ايه علاقة تغيير حساس الجكمان والكرنك بأنك تسقط ماتور جديد ؟؟؟؟

ظهر عندى عيب فى العربية مدايقنى اوى الصبح اول لما ادور العربية وامشى بعد حوالى 100 متر لمبة الفتيس بتنور وتطفى والعربية بتتقل اوى فى الطلعة والفتيس مبيغيرش وبعد شوية ابطل وادور تانى كل حلجة تبقى تمام وتمشى زى الفل مع ان الراجل اللى انا اشتريت منه العربية قالى انه لسة جايب الفتيس ده استيراد اعمل ايه؟؟؟؟؟؟؟؟؟؟

بص الاول على الزيت بتاع الفتيس ناقص ولا لأ !!!!
لو الزيت سليم ومش ناقص ,,,,,, شيل القطاش السالب للبطارية لمده 5 دقائق واعمل ايديل ليرن وان شاء الله العيب يختفى

[QUOTE=MidoFawzy;3875398800]

المشاركة الأصلية كتبت بواسطة mostafa . Ahmed

بص الاول على الزيت بتاع الفتيس ناقص ولا لأ !!!!
لو الزيت سليم ومش ناقص ,,,,,, شيل القطاش السالب للبطارية لمده 5 دقائق واعمل ايديل ليرن وان شاء الله العيب يختفى[/quot
انا عملت كده يا استاذ مصطفى والعيب بيروح ويرجع تانى والزيت مش ناقص مستواه كويس
انا بفكر اغير الفتيس واخلص بس مش عارف هلاقيه فين وبكام هنافى القاهرة

طيب كشفت على الكونترول بتاع الفتيس والفيش بتاعته