اعمل ايه واتصرف ازاي؟؟

**khalidgamala** · 14-06-2013 07:41 AM

السلام عليكم
ازيكوا يا شباب؟
انا لسه عضو جديد وكمان لسه مشتري هوندا سيفيك 93 اتوماتيك امبارح
انا عاوز مساعدتكم بجد وضروري في حاجه محيراني جدااا وقلقاني كمان
اللي اشتريت منه العربيه قالي ان الموتور خفيف وهيعد معاك سنتين بس انا كنت لبستها خلاص عشان مش انا اللي اشتريتها ده حد تبعي قولتلولوا يجبهالي وبعد ما اشتراها عرفت الموضوع ده
فيعد ازنكوا يعني ايه الموتور خفيف؟؟
ولما الموتور بيبقي خفيف ايه اللي بيحصل؟؟؟ يعني ايه الحاجه الوحشه في كده و هغير ايه كل شويه؟؟ واللي هغيروا ده اجيبوا منين وبكا؟؟
وهوه سعر ماتور السيفيك الاوتوماتك 93 كام؟؟
وسعر العمره كام؟؟
وهل اعملها عمره ولا اشتري جديد؟؟
وهل يا تري فيه استيراد؟؟ ولو فيه فين وبكام؟؟
ياريت يا جماعه تتعاونوا معايا لاني جديد علي الهوندا خالص
وشكرا مقدما

**ahmedshetewy** · 14-06-2013 07:52 AM

x شوف ياباشا اولا 1000 مبروك على العربية وربنا يباركلك فيها
x ممكن تروح عند اى حد يشوفلك كبس العربية ضعيف ولا لا
x وهل العربية بتدخن ولا لا ولون الدخنة ايه
x وقولى بس انتى عندك ماتور ايه
X ولو فى حاجة فى المكنة فكك من شغل العمرة
X شورت بلوك او بلوكة كاملة وريح دماغك
X قطع الغيار موجودة فى الحرفيين او بورسعيد والسعر حسب نوع المكنة

**khalidgamala** · 14-06-2013 08:29 AM

المشاركة الأصلية كتبت بواسطة ahmedshetewy

x شوف ياباشا اولا 1000 مبروك على العربية وربنا يباركلك فيها
x ممكن تروح عند اى حد يشوفلك كبس العربية ضعيف ولا لا
x وهل العربية بتدخن ولا لا ولون الدخنة ايه
x وقولى بس انتى عندك ماتور ايه
x ولو فى حاجة فى المكنة فكك من شغل العمرة
x شورت بلوك او بلوكة كاملة وريح دماغك
x قطع الغيار موجودة فى الحرفيين او بورسعيد والسعر حسب نوع المكنة

الله يبارك فيك يا باشا
بس اروح عند مين عشان يشوفلي كبس العربية والدخنه؟؟ انت تعرف حد كويس؟؟
بصراحه مش عاوز حد مش فاهم يلعب فيها وخلاص
واعرف نوع الموتور عندي ازاي؟؟ هوه رقمه مكتوب عليه؟؟ اقصد الموديل وكل حاجه ولا اهرفه منين؟؟
وايه شورت بلوك والبلوك الكامله ديه؟؟؟ معلش اصل انا جديد جداا في مواضيع المواتير ده
ياريت توضحلي

**khalidgamala** · 14-06-2013 08:45 AM

يعني ايه شورت بلوك وبلوك كامله؟؟؟ وايه مكونات كل واحده؟؟
ايه الفرق بين الشورت بلوك والبلوك الكامل والموتور الجديد والموتور الاستيراد؟؟؟
ايه المكونات الزياده اللي موجوده في الموتور الجديد مش موجوده في البلوك الكامله او الشورت بلوك؟؟

**AHMED_HAMDY** · 14-06-2013 08:48 AM

السلام عليكم

الف الف مبروك الاول شراء السياره وربنا يباركلك فيها ويكفيكشرها وتكون سعاده ليك دايما

بص ضرتك علشان تعرف كود الموتور بالطريقه دي

ده شكل الكود :

وتعرفه كدا

بالنسبه لو عايز ميكانيكي كويس عندك في الحرفيين فيه جاسم وعصام دول الي اسعارهم حلوه وكويسسييين مش غاليين قوي

وانا بفضل عصام عن جاسم مع ان ناس هنا هتعارض وتقول جاسم بس من تجربه بجد معا واحد صحبي مع الاثنين وفضل معاهم فتره عصام كان الافضل ......

بس قولنا برضه وهنا ناس هتساعدك الموتور بيدخن ولا لاء ؟؟؟

فيه نقص في الزيت ؟ ؟ ؟
وبالنسبه للحلول

فالعمره مش مفضله بالنسبالي لانها لو مش معموله 100% ومش هتتعمل كدا مش هتاخد منها حاجه مرضيه ليك

ممكن تجيب شورت بلوك ( بلوكه بوش سلندر ) من غير ادوات تغذيه وكدا هتوفر عليك كثثير قوي من 2500-3500

او موتور كامل استيراد من 4500- 6000 جنيه بكل ادواته فتيس وكنترول وضفيره

**AHMED_HAMDY** · 14-06-2013 12:45 PM

جديد ازااااي مفيش مواتير جديده خالص للهوندا غير لو هتجيب موتور ال 2010 بقى او المواتير دي ومش هتركب عندنا !!!

او هتركب وبقصه طويله !!!

والسعر مش غالي خالص انت عندك موتور ال 1600 sir دلوقتي فيه ناس بتبيعه ب 13000 واكثر واقل حاجه بسيطه
وفيه التايب ار وصل 20000 واكثر وكل دول استيراد

الاستيراد بتاخد وعلى تجربه

وممكن تاخده من نص عربيه والعداد عندك ممكن مش ببقى معدي ال 30000او ال 50000
انت اعرف موتور الي عندك ايه الاول واكتب الكود بتاعه حتى
وهتلاقي حلول كثيره
ومش لازم تجيب موتور كامل بدل م الفتيس عندك سليم وكويس هات شورت بلوك وريح نفسك وانقل ادوات التغذيه وبكدا هتوفر كثييييير

ميكانيكي هياخد مصنعيه من 300 : 400 جنيه وتغيير سيور وفلاتر وبس واكبس الموتور وان شاء الله كله يبقى تمام مع حضرتك

**AHMED_HAMDY** · 14-06-2013 12:48 PM

بص الاول شورت بلوك يعني البلوكه + وش السلندر

ثاني حاجه ادوات التغذيه المقصود بيها المارش والدينامو والحساسات وكل حاجه من الاخر راكبه على البلوكه

ثالث حاجه مش شرط اما تغير موتور تغير فتيس وحسب برضه يعني ممكن تعوز تغير ولا لاء علشان كدا قولت لحضرتك قولي كود الموتور عندك
بس في الاغلب مش هتغير فتيس
رابع حاجه العمره مش بتتعمل على وش السلندر بس هوه الوش بيطلع وبيروح مخرطه ممكن يتعمل فيه شغل لو مش سليم وممكن مش يتعمل فيه شغل

والشغل كله في البلوكه ( البساتم ) ممكن طقم شمبر
وممكن يتغير جلد صباب
ولازم في الاخر برضه الجوان بتغير علشان فتحت الموتور

والعمره مش بفضلها خاااااااااااااالص وعندك برضه بقيت الاعضاء وناس عندها خبره اكثر مني بس الاغلب مش بيفضل العمره

**AHMED_HAMDY** · 14-06-2013 07:34 PM

المشاركة الأصلية كتبت بواسطة Muahmmad Honda

[SIZE="5"][COLOR="DarkOrchid"]واحدة واحدة على الراجل بس الراجل مش فاهم اى حاجة .. :)

انت حضرتك شايفني يعني اتعصبت عليه او قولتله حاجه بتدل اني مش بقوله براحه او مش بحاول اساعده

انا بشرحله يمكن على قد معلوماتي مش شايف برد باسلوب متسرع او حاجه !!!!!!

-

الموضوع: اعمل ايه واتصرف ازاي؟؟

LinkBack

أدوات الموضوع

عرض

-

-

-

-

المواضيع المتشابهه

ازاي اعمل الحركه دي ؟

اعمل ملف pdf ازاي ؟

اعمل السبوع ازاي؟

ازاي اعمل موقع .com

الكلمات الدلالية لهذا الموضوع

المفضلات

المفضلات

ضوابط المشاركة