اقتباس المشاركة الأصلية كتبت بواسطة damasry مشاهدة المشاركة
بالتوفيق يا احمد بيه بس ليه مفكرتش ترجعه؟؟؟
الله يخليك يا باشا

مفكرتش لأكتر من سبب أولهم أن أصلاً موقع تومي مانع البيع خارج أمريكا........يعني لو حاولت تدخل عليه من مصر مش هيفتح معاك.....بتكلم عن ال online shop طبعاً....و ده علشان بيعملوا عليه خصومات جامدة بتوصل في بعض الأحيان ل 50%.

طبعاً ليها طريقة أنك تدخل و ميعرفوش أنك داخل من برة أمريكا.....بس تيجي تدفع بكريدت كارد لازم يكون أمريكي و لازم عنوان الشحن يكون على منزل فى أمريكا.....مينفعش عنوان أرامكس كمان :)

بس أنا أبن خالتي عايش هناك و كنت بدخل بختار الحاجة و أحطها فى ال shopping cart و أبعتله اليوزر و الباسورد و هو يعمل الأوردر و يوصل على بيته و بعد كده هو بيعتهولي بأرامكس.

يعني علشان أرجعه كنت لازم أرجعه الأول لأبن خالتي و بعد كده هو يرجعه هناك.......و دي كانت أول مشكلة.

المشكلة التانية أني كنت نازل مصر بعدها بأقل من شهرين و مش ضامن هيرجعلي قبل ما أنزل و لا لأ...........و لو مرجعش يبقى هيتبعت على مصر و دي بقى فيها جمارك و وجع دماغ.

و المشكلة التالتة أني كنت هدفع أرامكس رايح جاي على حسابي.

أنا بصراحة قولت أكيد هلاقيله بيعه.

و عموماً لو متباعش ممكن أوديه لحد يضيقه شوية و يقصره و خلاص.