هل ينفع اشغل خطين فودافون بنفس الرقم

**Farouk84** · 14-06-2013 02:38 PM

السلام عليكم اخواتى فى المنتدى,

دى اول مشاركه ليا فى المنتدى بس انا متابع نايل موتورز من فتره كبيره وحابب انكم تقبلونى معاكم.
باختصار انا معايا موبايل سامسونج نوت 2 على خط فودافون بس بصراحه حجمه مشكله ليا وانا سايق العربيه خصوصا لما اطلب حد او حتى ارد على مكالمه.
كنت بفكر لو فيه نظام فى فودافون اقدر اكون بيه يكون معايا شريحتين لنفس الرقم واحط خط فى فى النوت 2 والتانى فى موبايل نوكيا صغير معايا لسهوله الاستخدان وانا سايق.
برضه احب اعرف لو ده تم اى واحد فيهم ممكن اخليه ماستر يعنى هوا اللى اقدر اعمل بيه المكالمات واقدر احول بعد كده ع النوت 2.
لو فيه حد جرب الكلام ده ياريت يفيدنى.

**SHNORY** · 14-06-2013 02:48 PM

اللي ممكن تعمله انك تعمل تحويل لرقمك لما حد يطلبك من جهازك علي الرقم اللي في الجهاز التاني وترد منه

**hugan** · 14-06-2013 03:03 PM

كنت في فرع من فروع اتصالات امس
وكان في اعلان عن تشغيل شريحه واحده لخطين ومش نفس الشركه
يعني اتصالات وموبينل مثلا
بس كنت مستعجل ومسائلتش عن الاعلان

**Sh_sunsea** · 14-06-2013 03:11 PM

المشاركة الأصلية كتبت بواسطة hugan

كنت في فرع من فروع اتصالات امس
وكان في اعلان عن تشغيل شريحه واحده لخطين ومش نفس الشركه
يعني اتصالات وموبينل مثلا
بس كنت مستعجل ومسائلتش عن الاعلان

يا راجل - ده انا احول فيها لاتصالات

بالنسبة لفودافون افتكر اني شوفت مرة حاجة بتتكلم عن شريحتين لنفس الخط - علشان القصة الي انت بتتكلم عليها بالضبط دي - بص على الموقع كده هتلاقيها

**Farouk84** · 14-06-2013 03:47 PM

المشاركة الأصلية كتبت بواسطة aboamina

اهم حاجة تبطل تستخدم سامسونج نوت وانت سايق ده هو لوحده محتاج ايديك الاتنين...

يعني الموضوع محتاج اخطبوط :e_braces[1]:

بس بجد النوت 2 ده حكايه

**dramir1** · 14-06-2013 03:48 PM

بس لو عملت تحويل لرقمك في النوت على رقم تاني في النوكيا كل مرة حد هيتصل بيك على رقم النوت هتتحاسب على انك بتتصل من النوت للنوكيا وبالتالي لو هتعمل كدا يبقى تخلي الرقم اللي في النوت على باقة فيها الدقايق لفودافون مجانا والنوكيا يبقى فودافون بردو

**Karim_Mohy** · 14-06-2013 05:06 PM

فيه يافندم ...شريحتين لنفس الرقم من فودافون......بس لازم يكون خط فاتوره....وشريحه واحده فقط اللي هاتستقبل وممكن ترسل من اي واحده فيهم.....وفيه اكواد علشان تختار مابين الشريحه اللي عايز تستقبل عليها
تحياتي

الموضوع: هل ينفع اشغل خطين فودافون بنفس الرقم

LinkBack

أدوات الموضوع

عرض

-

-

-

-

-

المواضيع المتشابهه

عايز احول من فودافون لاتصالات بنفس الرقم ايه رايكو؟

فرصة نادرة 5 خطوط مميزة بنفس الرقم على كل الشبكات المصرية

خطين فودافون مميزين 010 و 0100 (السعر للخط 100 جنية)

خطين فودافون مميزين لأعلى سعر !!!

الكلمات الدلالية لهذا الموضوع

المفضلات

المفضلات

ضوابط المشاركة