خوفي الزيادة على العربية

**mazagngi2010** · 14-06-2013 05:28 PM

انا عكسك تماما
وفيه اوقات بانسى انا كنت راكنها فين اصلا
من الاخر العربيه جايه علشان تشيل عنى هموم المواصلات مش جايبها علشان تكدرنى وتزعلنى وتقلقنى على الفاضى

**Land_Cruiser** · 14-06-2013 05:32 PM

علشان تريح نفسك تخيل ان اي حاجه لو لاقدر الله باظت فيها انك تقدر تصلحها و ترجعها زي ما كانت بالضبط و انت هتلاقي الشعور ده حدته خفت كتير عندك و طبعا لازم قبل كده تبقي حاطط في دماغك ان كل شيء مقدر و مكتوب سواء خير او شر و اننا فقط بناخد بالأسباب لما بندور علي ركنه كويسه او في مكان آمن علشان تبعد عن نفسك شبهه الإهمال يعني مش عيب لما تركن بعيد شويه بس في مكان كويس او انك لو رايح مشوار في مكان زحمه او قلق انك تروح بتاكسي لو ده هيريحك لكن براحتك و في ناس كتير بتعمل كده المهم تبقي مرتاح نفسيا و خلاص

**KoKyKa** · 14-06-2013 05:40 PM

شكلها أول عربية تجبها

كلنا كدة فئ أول عربية لدرجة انى. كنت بغطيها.

بس مع أول حدثة قلبك حيجمد

بعد الشر طبعا

ومع الوقت 3 4 سنين

حيبقى تركنها صف عاشر

**minicooper20** · 14-06-2013 06:05 PM

ايه يا جدعان انتو جيبين عربيه تتمتعو بيها ولا تبقا لود عليك
نصيبك هيصيبك
حوطها فى جراج ممكن جراج يولع
العربيه واسيله مش غايه
اركب و اتمتع و سيب الباقى على الله هو الحافظ
الحذر لا يمنع قدر
و فى الاخر العربيه دى بفلوس و انتا الجايب الفلوس و زى مجبتها تقدر بفضل الله تجيب تانى
استمتع يا كبير

**reda elgohary** · 14-06-2013 06:27 PM

الله عليكم هو ده الكلام ،،وزي ما قال أحد الآعضاء الحذر لا يمنع القدر

**طارق _عبد السلام** · 16-06-2013 02:48 AM

اللى يركن على العربيه عادى جدا دى بقت حاجه طبيعيه

ومن جهه الخوف طبعا الغربال الجديد له شده

انا مابيفرق معايا غير الاغبيه بتوع المسمار ويجيب جنب العربيه ويرسم خرايط
ده انا استويت منهم ده من فجرهم كان معايا بولو فبريكه واترسمت كبوت واجناب وسقف شوفت الافتراء ولاد الك..................

وكان معايا ايه فايف واحد كاتب اسمه واسم حبيبته على الكبوت بمسمار غير شويه تحابيش حاجه فضيحه وتحرق الدم
والفانتازيا ممكن بس اسيبها خمس دقايق الاقى عليها سحبه جديده بمسمار العربيه جديده والخربوش الجديد بيظهر فى ثانيه ولعلمك كل العربيات اللى انا ذكرتها فبريكه كلها
لما كنت راكب عربيات رشه بره كانوا بيحافظوا عليها :) ومحدش بيقرب لها
باشا كبر دماغك واتمتع بعربيتك نصيبك هيصيبك

**ayman_kamal** · 16-06-2013 11:55 AM

كلنا هذا الرجل والله انا باركن العربيه فى اماكن امنة وممكن الف لغاية ما المكان المناسب يفضى ورغم عن ذلك العربيه بتتخبط وبتجرح و بتتخربش و حاجة تقرف صعب جدا ان الواحد يحافظ على عربيته نظيفة لامعة 100 % في هذه البلد امبارح نازل رايح مشوار لاقيت العربية مردومة مونة و اسمنت كنت ناوي اعمل بليكة بس ملاقيتش اللي عمل كده قلت حسبي الله و نعم الوكيل الناس في مصر مافيش اخلاق و لا ضمير و انها املاك ناس و يمكن شقيانين فيها

**ahmedteam** · 16-06-2013 12:09 PM

كل الناس اللى تعبانه فى الفلوس هتلاقيهم خايفين على العربيات و ده شعور طبيعى و انسانى و انا كمان بخاف عليها بس بلاش الخوف ده يتحول لخوف مرضى انا جايب العربيه علشان تريحنى مش انا اللى اريحها

و زى ما قال كل الناس الحذر لا يمنع القدر ممكن تبقى راكن فى مكان و شجره تقع العربيه او اى حاجه تحصل

اعمل اللى عليك و خد احتياطاتك و اسبابك و سيبها على ربنا اللى نصيبك فيه هتشوفه لو كنت فين

و لا تنسى قرأه الاذكار و ربنا هو الحافظ

-

الموضوع: خوفي الزيادة على العربية

LinkBack

أدوات الموضوع

عرض

-

-

-

المواضيع المتشابهه

دخان اسود عند الزيادة على السلانسيه

اسعار كيا و هيونداى بعد الزيادة

ازاي نشيل الدهان الميتالك الزيادة بعد رش العربية ؟

ابشروا..الزيادة 30%

دعوة عامة بعدم الزيادة عن 100

الكلمات الدلالية لهذا الموضوع

المفضلات

المفضلات

ضوابط المشاركة