التو 2006 للبيع

**unmask_man** · 25-08-2008 03:22 PM

سوزوكى التو موديل 2006 موتور 1000 سى سى 4 سلندر ، 5 غيار ، تكييف ، سنتر لوك ، زجاج كهرباء ، هاف باور ، كوتش جديد يابانى اصلى ، عقد صيانه فى التوكيل لمدة 3 سنوات ، كاسيت و سماعات يابانى ، عداد 40 ألف ، فبريكه برا و جوه مطلوب 42000 اللون فضى

**عبد الرحمن اسامه** · 25-08-2008 03:34 PM

انا عندي زيها بيضه، موديل ٢٠٠٧، انت ممكن اعرف بتبعها ليه، و هل في اي نصايح بخصوص العربيه؟

**unmask_man** · 25-08-2008 03:45 PM

عشان هجيب عربيه اكبر إن شاء الله

**unmask_man** · 25-08-2008 03:50 PM

نصيحتى ليك انك تحافظ عليها لو مش محتاج عربيه اكبر لانها من العربيات اللى بتوفر كتير فى البنزين يعنى انا بسافر بيها اسكندريه بنص التانك كمان تقريبا مفيهاش اعطال يعنى الحمدلله عمرها ما وقفت بيا لاى سبب و كفايه انك مش بتشيل هم الركنه

**عبد الرحمن اسامه** · 25-08-2008 04:38 PM

بصراحة العربية معايا منذ سنه و ربع كده ممتازه جدا، عامل بيها ٣٥٠٠٠. العربية تحفة بجد مش حاسس بأي نقص فيها، غير بس نظرة الناس ليا ان العربية صغيرة شكلها من برة ميديش بس اول لما حد يركب جواها يتخض من وسعها الداخلي، و يقول نفس الكلمه السمعتها كذه مره "شكلها من بره ميديش خالص"، و كمان بسافر بيها مرتين علي الاقل كل شهر مابين المنصوره، الاسماعيليه و الاسكندريه و مفيش اي مشكلة، بس خايف اسافر بيها مرس مطروح انت ايه رأيك.

تعرف حد تاني من ملاك العربية دى، ايه رأيك نعمل موضوع لملاك العربية و كل واحد يأدم نفسه و يقول موديل عربيته زي مبتوع السيريون عالمين و غيرهم كتير.

**unmask_man** · 25-08-2008 07:12 PM

انا سافرت بيها مطروح و محستش باى مشكله نهائى ، اتوكل على الله و اطلع بيها متقلقش.

**mindvision** · 25-10-2008 11:43 PM

هو سؤال غريب شوية...
بس هل العربية لسة موجودة ؟!!؟

**afy** · 26-10-2008 02:45 AM

ya gama3a el 3arabya ma3 omy wa 2a5oya bysafer beha men alex le matrouh 3ala toul wa sa3ten wa nos kman
begad ma3 enha soghyera bs mesh mot3eba fel safer