الموضوع: استشارة فى بولو 1999

المشاركة الأصلية كتبت بواسطة karim ibiza

طالما الأساسيات نضيفة والعربية مش متهانة يبقى توكل على الله
والموتور مش قصة
ممكن تشيله وتسقط واحد تانى بـ 3 - 4 ألاف جنيه

متشكر جدا" للرد و انا شايف ان الاساسيات سليمه بس اصل انا كل المواضيع اللى دخلتها و لقيتها بتتكلم عن البولو لقيت الناس بيقولوا ان لازم نبص كويس جدا" على حالة العربية و لازم تكون حالتها ممتازه علشان ما تتعبكش بعد كده ده اللى خلانى اسأل هنا قبل ما اتوكل على الله واشترى
و يا ترى السعر المناسب يكون كام

المشاركة الأصلية كتبت بواسطة Karim Ibiza

فعلا الأوروبي عموما لازم تكشف عليه كويس وتشوف النواقص وحالة الموتور بالكشف كومبيوتر عشان تقدر تحدد المصروف اللي عايزاه وتنقصه من ثمنها لان الحاجات دي بتصرف جامد وهتتعبك لحد ما ترجعها لأصلها تاني

عموما السعر طبعا حسب الحالة وكمان حسب الكماليات اللي فيها
لو فاضية هتعمل 30-32
لو تكييف وباور وزجاج كهرباء وشغالين يبقي 33-34

يا نهااااااااااااااااااااااا ر عذرا" للمقاطعه بس انا امبارح كنت قاعده مع واحد اكتر من ساعتين عايزه اخد واحده فيها تكييف بيفصل (قال فيوز) سنتر مش شغال عايزه بلى امامى شمال وتقريبا ديسك و اسطوانه .. الباب اليمين مبيفتحش من بره عايزه عجل على الأقل 2 امامى وهو ماسك فى 38 الف وانا واخويا نقوله 37
سبحان الله انهارده الصبح بالصدفه شوفت واحده فيها زجاج كهربا امامى و التكييف و السنتر شغاليين هو بيقولى بس الموتور مش قد كده فعايزه أكشف فى مكان محترم ممكن تقولى فين قريب من جسر السويس النزهه او ابعد شويه لو أفضل ؟؟؟؟؟؟ و شكرا جزيلا و اسفه على الأطاله
لو هتقل عليك هى فابريكه بره و جوه ... و موضوع الموتور قالى هتمشى بى شويه و بعدين تغيرى أحسن فتعمل [COLOR="rgb(65, 105, 225)"]فى حدود كام[/COLOR] كده فى رأى حضرتك عامله 111 الف كيلو

لاقيت المراكز دى فى الموضوع المثبت بس مش عارفه دول يعنى يكشفو عند عمليه البيع ولا دول صيانه و تصليح فقط ؟؟؟
شكرا مقدما"

محمد سمير
شارع ال40 من شارع جسر السويس خلف حديقة بدر - محطة الجراج
تليفون 0122354589
صيانة و بجانبة محلات بيع قطع الغيار جديد و استيراد.

مركز تكنو وان
العنوان الحرفيين على الطريق الدائري بجوار جراش السوبر جيت

شارع جوزيف تيتو و انت رايح ناحيه الحرفيين. تالت U-turn فى تانى يمين هتلاقع الشارع بيحود شمال. هو بعد مرسيدس على اليمين.
موقع المركز على الخريطة:
n30.130937 e31.380663 - Google Maps

مركز الخواجة عند جديقة بدر جسر السويس ناس محترمة وامينة 01224637951

المشاركة الأصلية كتبت بواسطة karim ibiza

للأسف مش هقدر أفيدك فى أماكن الكشف فى القاهرة لأنى من اسكندرية

بالنسبة للعربية التانية:
معتقدش ان فيه عربية موديل 99 فابريكة بره الا لو كانت حالة شاذة
عموما متفرحيش انها فبريكة بره لأن ممكن تلاقى فيها برومة فى دواخل تخليكى ترشيها كلها خصوصا فى الشنطة من جوه فى ضهر الاكصدام

بالنسبة للسعر زى ما قولت قبل كده لو كاملة وكل حاجة شغالة يبقى 34 و35 لو مفيهاش الهوا
وشيلى منها 3 او 4 الاف جنيه ثمن الموتور
يعنى لو فعلا فبريكة زى ما بتقولى يبقى خلصيها على 32 وممكن تزودى 500 كمان لو عجباكى قوى
بس بصى على حالة الصالون والطابلوه خصوصا الهوايات والفريم اللى فى النص لانه فى الغالب بيكون مكسور وسعر فى حدود 400 جنيه والطابلوه كامل بـ650 جنيه
وحالة الكاوتش والبطارية لأن الحاجات دى برده مش رخيصة

جزاك الله خير الجزاء والله وفيت و كفيت ..... انا كتبت الحاجات اللى حضرتك قولت عليها و هاخد بالى إن شاء الله ... انا نويت إذا لم أوفق فى العربيه دى كمان هشوف حاجه ألتو 1000 حديثه شويه لانى تعبت جدا من لعب البياعيين
و أخيرا" شكر ا جزيلا أخى الكريم

فعلا الهوايات اللى فى الجمب فى الاتنين اللى شوفتوهم كانو مش شاغلين و فى واحده كان الفريم اللى حضرتك تقصده مكسور والراجل قال هيعمل الحته المكسوره عموله عشان الطابلو كلو غالى .....