باقلى فترة طويله اعانى من استهلاك الوقود والحمد لله والشكر لله الدنيا باقت حلوة شوية
سبق واشتكيت من الموضوع ده وغيرت رشاش ومافيش فايده ...المهم عملت الاتى :
فى مشكلة الارا بى ام مش ثابت بالذات والعربية باردة والكل قرر السبب ايدل لرن وما اشتريش جديد لازم استعمال رحت اشترى واحد لاقيت فتح ونصب وجر وكلام يجيب مغص قررت مع المعانده لتاجر عندنا فى اسكندرية اشترى منه فير كامل بالفيش مكون من : رشاش + تيبى اس + دفران + ايدل لرن وطبعا كل ده راكب فى جسم الكربراتير كامل كله على بعضة المهم بدأ ب 800 جنيه مع الفصال وصل الى 600 .. اعتمدت على الله وركبته وبدأ يظهر ضبط استهلاك الوقود ونصحنى كهربائى اغير مع الفير ده كمان حساس المياه اللى هو الكولنت بس للأسف لازم من التوكيل لان اللى فى السوق مضروب نسبة شحن الزئبق اللى بداخلة مش صحيحة فبيكون شغله مش تمام اشتريت واحد من منصور شفروليه عمل 168.5 ...
وبدأت الاحظ الاستهلاك بقى افضل من الاول بكتير بالذات الاستهلاك داخل البلد والزحمة والتكيف والاشارات الحمد لله افضل بكتير قوى ............
انا حبيت انقل لحضارتكم تجربتى دى لان الكتير بيعانى من مشكلة استهلاك الوقود .. واتمنى انى اكون افدتكم ... وعفوا للاطاله ...