سونا مين يا باشا
طيب يا ريت يحضرنا و يقولنا رأيه ايه في الموضوع ده.
عرض للطباعة
هههههههههههههههههههههههه
معايا 2010 برضه مانيوال مش اتوماتيك ولو انى مش من هواة السرعة لكن مرة جبت بيها 170 على طريق الاسماعيلية الصحراوى والعادى 120-140 ولما الطريق يكون رايق 150-160 عادى جداااا بدون اى معاناة
والاتوماتيك ناس هنا برضه جابت بيها 180
مربط الفرس هو السواق اللى يطلع منها كل طاقتها ورجله حساسه ويعرف امتى يشد وامتى يرخى بالاضافة لعوامل كتير تتاخد فى الاعتبار اولها ضغط الاطارات والبوجيهات وتشغيل المكيف واتجاه الرياح على الطريق وجودة البنزين وغيرها
اذا كنت حضرتك مركب فلتر هواء رياضى مخروطى .. انصحك فورااااااااا تشيله عشان بيتعارض مع حساسات العربية المسؤولة عن خلط البنزين بالهواء وضمان احتراقه بالكامل .. والافضل منه الفلتر الاستوك الرياضى مع الابقاء على العمة والانبوبة زى ماهما
وفى الاول والاخر العربية دى زى الست .. عمرك شوفت واحد اتجوز واحدة وهو مش بيحبها ولا طايقها واستمروا مع بعض ؟!!!!
والله يا باشا انا رجلي حساسة و كل حاجة و بسوق من ١٦ سنة من و انا في المدرسة و طول عمري غاوي جري و طبعا عقلت اوي لما كبرت عن زمان لكن كل فترة كده برضه بحب استعيد الزكريات
الفلتر اللي انا مركبه فلتر سيموتا تايواني زي الستوك بالظبط و راكب في نفس المكان و نفس مقاسه و كل حاجة و كنت قافل التكييف كمان عشان العربية تبءي مرتاحة و ااخد منها اخرها
مش بحط بنزين غير في موبيل و وطنية و بس و الصيانة دايما في التوكيل كل ١٠٠٠٠ كم و الكاوتش جديد و كله علي ٣٠ نيتروجين العربية مظبوطة علي الاخر امال انا طلعت اجربها ليه
و انا علي ١٦٠ حاولت ازود بنزين بحرص و العربية كانت بتسقط تالت و الار بي ام ٦٠٠٠ لفة و داخل علي الاحمر و العربية صوتها بيعلي جدا كان الموتور هينفجر فكنت بشيل رجلي بدل ما تجيب فتيس عشان شوية جري
انا مش كاره العربية ولا حاجة انا بس زعلت منها عشان الموضوع ده بس ان شاء الله هنتصالح يعني :)
بس انا مش لاقي اي تفسير يمكن تكون مخنوقة عشان مش بقرص عليها كتير او مش بسافر كتير مش عارف بس انا مش عايز اهينها برضه ما انا ممكن افتح الموتور و كل حاجة بس ده مس الطبيعي المفروض الموتور ادائة دائما مظبوط طالما كل حاجة تمام
كون انك مش بتقرص عليها بقالك فترة دا مش مبرر أبدا وملهوش علاقة نهاااااااااااائى بخنقة العربية
شوف الرد اللى انا كتبو و قولى ايه رأيك ؟ ممكن تكون دى المشكلة عندك
بص يا باشا
انا معايا صنى 2010 و داخله على 70000 كيلو و معظمهم سفر و خصوصا على طريق القاهره - الغردقه مرورا بطريق السخنه و احيانا كثيره طريق شرم الشيخ و هقولك ملاحظاتى على العربيه
العربيه دى بتتاثر اوى بالهوا و المطالع و لو لاحظت هتلاقى الطريق لحد البوابات كلها طالع و بحس بالمشكله دى اوى فى المنطقه دى بس بعد كده الدنيا كويسه معظم الطريق و على طريق شرم الشيخ و انت رايح شرم العربيه بتسحب كويس (انا جبت بيها 200) وانت راجع بتبقى زى ما بتقول كده و السبب الهوا بيكون معاك و انت رايح شرم و عكسك و انت راجع
اسف على الاطاله و يا ريت اكون افدتك
لمبة الاوفر درايف كانت منوره ؟ عشان دى لو منوره العربيه اخرها التالت و بتوصل 170 و يكون ار بى ام عند 7 و ده عن تجربه و اول ما تقفل الاوفر درايف تنقل رابع و تكون 170 و ار بى ام 4.5 انا عربيتى نيسان صنى 2008 اى اكس اعلى حاجه جبتها 195 كم/س
وجهة نظر تحترم و انا فكرت فعلا في الموضوع ده لان العربية و انا راجع كان ادائها احسن و طبعا الهواء عامل مهم جدا اي عربية في الدنيا لو في سرعة رياح قوية في عكس اتجاه السير هتأثر علي السرعة بصفة خالصة و الاداء بصفة عامة ممكن يكون ده سبب
طبعا كل ما تزيد سرعة العربية مقاومة الهواء بتزيد لكن خلي بالك ان في فرق بين وجود مقاومة هواء ( موجودة في كل الحالات طبعا ) و بين وجود رياح عكسية بالاضافة لمقاومة الهواء الطبيعية و دي طبعا مشكلة.
لا يا باشا طبعا كنت واخد بالي لان كان هيبان جدا ان العربية مش بتنقل رابع