خيبة الله علي النيسان الياباني و الـ 118 حصان

**SeaShark** · 15-06-2013 09:06 PM

احكيلكو علي اللي حصل مع عربيتي انهارده

عربيتي نيسان صني 2010 و طبعا الواحد مفترض انا معاه موتور قوي بما انه 118 حصان و ياباني و 1600 سي سي طبعا موتور مش جبار لكن برضه يعتبر كويس

يعني لما بمشي في طرق القاهرة الزحمة و السرعة اخرها 80 - 120 لو علي الدائري او المحور بس الواحد كان بيعتقد انه معاه موتور كويس يوم ما يعوز يقفل عداده او ياخد منه اداء محترم علي طريق سفر العربية مش هتكسفه و لكن للأسف حصل و خذلتني العربية انهارده

العربية بقالها معايا 3 سنين و نص و كنت بحترمها جدا و انهارده عشان زي ما قولت بقالي كتير ما سفرتش بيها و لسه مغير الكاوتش و مركب فلتر هواء رياضي (كماااان) قلت لما اطلع علي طريق السخنة اجريها شويه و افتح الموتور لحد البوابات كده و ارجع تاني.

العربية بتوصل لحد 150 - 160 بــــطــــلـــــوع الـــــروح و حالفة ما تعدي الـ 160 ابدا و كل ما احاول ادوس بنزين اكتر تقول مسقطة علي التالت و الار بي ام يوصل لـ 6000 لفة و صوت الموتور يعلي جدا و مفيش حاجة تحصل برضه 160 اخرها ليه مش عارف فعلا اول مره اكره العربيه دي بالشكل ده مع اني بعاملها احسن معاملة و الصيانة دايما في التوكيل و عامله 66000 كيلو متر يعني لسه العربية شباب

اراهنكم ان الـ 118 حصان دي اشتغالة و العربية دي اخرها 100 حصان بس
اهو التوكيلات تقول اللي تقوله هو في حد هيروح يقيس الموتور كام حصان

طيب ايه السبب الوجيه اللي يخليها تبءي عامله كده مش فاهم
امال ياباني ايه اللي واجعين دماغنا بيه و المواتير الياباني و ابعد عن الكوري

انا بصراحة بعد انهارده بقول المواتير الكوري احسن مليون مره من الياباني و ده عن تجربة مش كلام و خلاص

انا اعتقد هي ممكن تجيب 200 بس علي طريق اسكندرية الصحراوي يعني لو الواحد نوي في اول الطريق في القاهرة يقفل العداد ممكن يعرف يقفله عند العجمي كده!!!!

من الاخر انا مش هركب ياباني تاني بعد كده الماني و كوري و بس

**mikology** · 15-06-2013 09:43 PM

لا ياباشا انت غلطان
الصنى انا ركبتها موديل 2005 وطلعنا بيها السخنه وجمعت بسرعه وكان ماشى 210 تكييف و بنزين 80 والله بنزين 80 :)
هى مشكلتها فى مطبات الهوا بس
وده اللى خلانى اشتريها اليومين دول
بص هو انا شاكك ان فلتر الهو عامل تأثير عكسى فى العربيه - جرب تشيله و رجع الاستوك وشوف الفرق هايبقى ايه و قولى

**ahmed salah90** · 15-06-2013 09:50 PM

يا عم انا معايا 2011 مانيوال و بشغل التكيف و العربية بتجيب 180 مستريح و انا مبحاوليش اجييب اكتر من كده و العربية ممتازهو مع الكيك داون العربية بتجمع بسرعه

**lamada** · 15-06-2013 10:05 PM

غير الفلتر اللى انت حاطه لانه غالبا السبب

**lamada** · 15-06-2013 10:06 PM

وبلاش تضخيم للامور و الافكار و الحكم الغير موضعى و غير سليم

**kabara** · 15-06-2013 10:28 PM

و انا سافرت بيها من القاهرة للغردقة و وصلت معايا ل 200كم في الساعة و خفت ازود عن كدة عشان مطبات الهوا و اتخدت مخالفة محترمة علي 185 كم

**Ahmod** · 15-06-2013 10:29 PM

هو فيه عوامل كتير ممكن تكون مأثرة على سحب العربية عندك

زي فلتر الهوا وفلتر البنزين وزيت الماتور وحالة البوجيهات فحاول تفحص الحجات دي وتتاكد انها كلها تمام واللى محتاج يتغير غيره !!!

لكن عموما النيسان صني - خصوصا الاتوماتيك - سحبها ضعيف فحاول تتعايش معاها غير كدة انت مضطر انك تبيعها وتجيب حاجة ماتورها اقوى شوية من كدة

**KoKyKa** · 15-06-2013 10:42 PM

شيل ده عنده يرتاح دة مندة

وهو خسارة قريبة أحسن من مكسب بعيد

بض يا بأشا انت أحسن حاجة بيع العربية فورا سيبك من الصنى

وهات واحدة كورئ من بتوع اليومين دول

و ريح أعصابك مفيش حاجة فئ الدنيا ده و الله الزغل عليها

انت سلامتك بالدنيا كلها

شكرا

**SeaShark** · 15-06-2013 10:57 PM

المشاركة الأصلية كتبت بواسطة mikology

لا ياباشا انت غلطان
الصنى انا ركبتها موديل 2005 وطلعنا بيها السخنه وجمعت بسرعه وكان ماشى 210 تكييف و بنزين 80 والله بنزين 80 :)
هى مشكلتها فى مطبات الهوا بس
وده اللى خلانى اشتريها اليومين دول
بص هو انا شاكك ان فلتر الهو عامل تأثير عكسى فى العربيه - جرب تشيله و رجع الاستوك وشوف الفرق هايبقى ايه و قولى

هجرب اعمل كده مع ان الفلتر اللي انا مركبه محترم و زي الستوك بالظبط بيركب في مكانه و مفيش اي تعديل و المفروض انه بيزود السحب مش بيقلله لانه بيزود الهواء في غرفةذالاحتراق و مع ذلك هجرب برضه و شكرا