ممكن بعد اذن ملاك a4 2008

**nanas** · 25-08-2008 06:04 PM

بعد اذنكم عايز اعرف جميع امكانيات اوكتافيا a4 لانى مقبل على شرائها مانيوال +مثبت سرعه (125900) ياريت اعرف كل كبيره وصغيره عنها
وشكرا

**teeka** · 25-08-2008 10:11 PM

السلام عليكم
انا فى نفس حيرتك ومش عارف اعمل ايه وخاصة ان الكل بيشكر فيها بس الخوف ان اللى بيشكر يكن عنده خلط بين A4، A5
بس بالبحث على النت لقيت الموضوع التالى وانا جبته
وياريت لو حد من الخبراء يعلق ويرد علينا
وفقا الله واياكم لما فية الصالح ولخير

التالى كله منقول

العربيه فى منتهى الجمال موضوع وقف التصنيع ده حكايته ان العربيه زى محنا عارفين بقالها سنين بتتصنع ولكن تتطور التكنولوجيا فيها كل سنه لتواكب التطور لان العربيه كان عليها اقبال كبير الشركه الام قررت مد تصنيعها الى عام 2009 مع نزول الشكل الجديد a5 والعربيه عملت مبيعات اكتر مليون سياره على مستوى العالم وده دليل على جوده العربيه والتوكيل هنا فى مصر نظرا للاقبال عليها بعت يجيب شحنه 250 عربيه a4 بس .
وبالنسبه الى قطع الغيار بالنسبه الى الانسر والصنى متقاربه الى حد كبير او يمكن ارخص.
العربيه سوقها حلو اوى فى المستعمل لان الشباب بيحبوها (اسال اى حد على الاكتافيا ) ما يالك بالجديده وسعرها مبنزلش كتير هى بتحافظ على سعرها اوى.
زى محنا عارفين ان العريبه تصنع تبع شركه فولكس فاجن(الاوكتافيا فقطa4,a5 وليست باقى الاسكودا) الموتور موتور البورا وكل التوكنولوجيا المانى والفيتيس والعفشه.... ولكن الكامليات فقط زى الفوانيس والفرش والزجاج تشيكى مما يجعل قطع الغيار مثل الكامليات زى الفوانيس رخيصه .
العربيه واسعه من بره ومن جوه طول السياره 4.5 متر وعرضها 1.73 متر وارتفاعها 1.43متر وارتفاعها عن الارض 13.4 سم
مما يجعلها اكبر من الانسر الصنى والتيوتا.
العربيه فيها فوانيس شابوره (لو تلاحظ هتلاقى عدسه داخل الفانوس الكبير ده فانوس الشابوره) فهو مدمج مع الفانوس الكبير
بها ايرباج للسائق وabs ومساحه الشنطه 528 لتر وده كتير اوى وتزداد مع طى المقاعد الى 1328 لتر وبها سخان على المريات الجانبيه للشبوره وسخان على الزجاج الخلفى وبها قضبان حديد من الجانب والاكصدام به عمود صلب ليس فيبر.
شكلها شيك اوى من جوه
بالاضاف الى كمبيوتر رحلات فى التابلوه لمعرفه معدل استهلاك الوقود وطول المسافه متوسط السرعه والوقت للرحله.... الى جانب المعرفه عند فتح كل باب على حده يوجد رسمه مصغره للسياره فى التابلوه واى باب مفتوح.
متوسط استهلاك الوقود للمانوال 7.1 لكل 100 كم والاتوماتك 8.1 لكل 100كم
اقصى سرعه للمانوال 190 كم والاوتوماتك 187 كم والتسارع من الصفر الى 100كم فى 11.8 ثانيه للمانوال و14.1 للاوتوماتك
سعه التانك 55 لتر والعجل 15 انش
الموتور اربعه اسطوانات 102 حصان عند 5600لفه وعزمه 143 نيوتن.متر عند 3400 لفه فى الدقيقه.
الفرق بين المانوال والاوتوماتك فقط الفيتيس والتكيف فى المانوال بكر ولكن فى الاوتوماتك بالمس فقط.
بها اربعه سماعات وراديو كاسيت
زجاج ملون وخفض اناره الكابينه تدريجيا
مريات كهربا وزجاج كهربا مع تغيير زضع عجله القياده فى الاربعه اتجاهات امكانيه تحريك الكراسى
شاشه بيانات الكترونيه فى لوحه العدادات
بها مساحه خلفيه برشاش مياه
تحكم كهربائى فى فتح الشنطه والتنك البنزين وبها فانوس خلفى علوى للفرامل خمسه مساند راس وامكانيه ظبت مستوى اضائه الكشافات الاماميه ثلاث مستويات وثلاث سرعات للمساحات
بالاضافه الى بعض الكماليات الخفيفه مثل مثبت للورق فى الزجاج الامامى و................
من الاخر عربيه من الاخر طبعا فى فئتها

**teeka** · 25-08-2008 10:15 PM

اسف على الاطالة بس انا عرفت ان موديل 2009 موجود بالسوق ويزيد تقريبا الفين جنيه اللى انت قولته يا ترى الكلام صحيح ولا ايه

**SaNisSro** · 26-08-2008 11:20 AM

بص يا باشا سكودا A4 مفقوده في السوق بشكل كبير نتيجة المبيعات الي حققتها وخصوصا المانيوال..طبعا ده عشان هية اوكتافيا ورخيصة..بدل الاسعار الغريبة الي في a5 اما الفرق الساسي بينهم والي طورتو شركة فولكس فاجن هية المساحة الاكبر لل a5 فالعربية زادت مساحتها خصوصا في المقاعد الخلفية + بعض الكماليات الي ممكن الاستغناء عنها مقارنة بالسعر..اما العربية صدقني قليلة في السوق قوي ومعنى انك لاقيتها دي حاجة حلوة قوي

**MM_Mohsen** · 27-08-2008 07:31 PM

A 4 موجودة بالتوكيل مانيوال مفيش منها اتوماتيك حسب علمى و عيب اوكتافيا الاساسى هو الفتيس الاتوماتيك اللى عمره قصير و يحتاج تغييره و طبعا سعره غالى و عليه فالمانويل افضل لهذه العربية بالذات .. المفروض اخر موديل هو 2009 الا اذا غيروا رأيهم و جهاز الشرطة اشترى مؤخرا عدد كبير من a4 ..
عيبها الثانى المقاعد الخلفية ضيقة و اخيرا فكمالياتها اقل بكتير من a5 لكن سعرها اقل بكتير و تستاهل فلوسها لمتناتها و مقارنة بسيارات اخرى خفيفة لا تناسب شوارعنا .. الاوكتافيا من افضل العربيات اللى تتمتع بمتانة عربيات زمان .. عن نفسى محبش العربيات الخفيفة و عجبنى فى تويوتا افينسيس انها مختلفة عن الكورولا و الياريس فهى قوية و اتزانها عالى و تقريبا نفس وزن الاوكتافيا لكن اكثر نعومة فى القيادة ..

**usama_ra1** · 31-08-2008 12:55 PM

موديل 2009 فعلا نزل و موجود في التوكيل . و السعر لموديل 2009 هو 126900 بمثبت السرعه و 128000 بمتبت سرعه و Cd و 125700 من غير مثبت سرعه . دي الموديلات الموجوده دلوقتي بس كله منول مافيش اوتوماتيك بينزل خلاص