حادثة لعربيتى سوبر اكشن فى عربية فيرنا

**YoussefMostafa** · 25-08-2008 08:26 PM

قدر الله وماشاء فعل

والمهم انك بخير وان شاء الله ترجع زي الاول

**momenhamdy** · 25-08-2008 09:14 PM

المشاركة الأصلية كتبت بواسطة khaledmekawy2008

هى الخبطة مجبتش وش العربية كله جابته من الجنب والخبطة اتوزعت على الكبوت والرفارف لكن مجتش من الوش بالظبط ولازم العربية تكون دخلت فى حاجة ناشفة وجامدة اكتر من الفيرنا

كلامك مظبوط و بعدين في حاجة احب اوضحا ان الايرباج مش بتفتح غير و لو قدر الله ان الخبطة تدخل لحد نصف الكبوت ( توصل الي اول الموتور )

**affosah** · 26-08-2008 03:53 AM

توضيح للموضوع على حد علمي حضرتك لو كنت لابس حزام الأمان كان الايرباج فتح لأنه مربوط بسينسور الحزام

أنا عملت برضو حادثة من شهر بالعربية اللانسر
إتخبطت بدبش كبير والحجرة كانت كبيرة وكنت ماشي على سرعة فوق الستين وزيت الموتور وقع والعجل رجع وإتبهدلت

رحت على التوكيل وعملت المقايسة طلعت 15000 جنيه

بس الحمدلله أثناء التصليح التكلفة نزلت وتكلفت 6500 جنيه بس لأن في حجات طلعت سليمة والفتيس ماتغيرش
خلال أسبوع إستلمت العربية

الحمدلله على كل شيء وإن شاء الله ترجع زي الأول وأحسن

**hazem_khidr** · 26-08-2008 06:30 AM

قدر الله و ما شاء فعل
الحمد لله ان الاير باج ما فتحتش كانت اتكلفت كتيييييييير اوي
ان شاء الله العربيه ترجع لوضعها
يدوب تغير فوانيس و رفرين و كبود و اكصدام و حترجع زيرو تاني ان شاء الله
اعتقد انك تعملها بره التوكيل يبقي ارخص بكتير و فيه صنايعيه كتير كويسه
بيشتغلوا في العربيات الجديده
بالنسبه للاكصدام بيجي من التوكيل لون الفيبر و انت بترشه بلون العربيه

**مصراوي جدا** · 26-08-2008 11:24 AM

استاذ خالد انا قلت أرد على حضرتك في اسعار قطع الغيار هنا أفضل من الخاص حتى يستفيد الجميع

هو حسب الصور المرسلة فالحادثة برضه مش بسيطه ولا يمكن تحديد التلفيات من الصور لكن لازم يتعمل معاينة للعربية ومقايسة

طبعا نظرا لكثرة الحوادث فهناك قائمة انتظار لعمل المقايسات

ممكن حضرتك تجيب العربية يوم 9-9 ويتعمل مقايسة لها تاني يوم

مبدئيا أسعار قطع الغيار في التوكيل للحاجات اللي ممكن العربية تحتاجها كالتالي (الأسعار شاملة الضريبة) :

- اكصدام أمامي 1600 جنيه
- كساحة اكصدام أمامي 1950 جنيه
- فانوس أمامي 1075 جنيه (موقف الفانوس الشمال يتحدد بالمعاينة)
- كبوت 1475 جنيه
- رفرف يمين 970 جنيه ومثله رفرف شمال

قد تحتاج العربية الى

- ردياتير 2200 جنيه
- سربنتينة تكييف 3000 جنيه

وده المعاينة اللي هتحدده وكذلك المصنعية لا يمكن تحديدها الا عند عمل المقايسة

**aif** · 26-08-2008 11:47 AM

قدر الله وماشاء فعل ...الحمد لله ان الاصابات في الحديد .....فداك 1000 عربية .... الحمد لله على سلامتك ... وربنا يعوضك خير ان شاء الله

**M_HaFeZ** · 26-08-2008 05:25 PM

المشاركة الأصلية كتبت بواسطة khaledmekawy2008

وعشان خاطر صاحب الفيرنا وهو نقيب شرطة كتفه فيه شبه تمزق وجروح تانية اتنازلت عن المحضر

حضرتك تنازلت عن المحضر علشان هو نقيب شرطه ولا علشان الاصابات ؟؟
فى كلا الحالتين هو أخطأ ولازم يتحمل نتيجه غلطه طالما كان استهتار مش غصب عنه

**khaledmekawy2008** · 26-08-2008 05:30 PM

المشاركة الأصلية كتبت بواسطة M_HaFeZ

حضرتك تنازلت عن المحضر علشان هو نقيب شرطه ولا علشان الاصابات ؟؟
فى كلا الحالتين هو أخطأ ولازم يتحمل نتيجه غلطه طالما كان استهتار مش غصب عنه

لا انا ما اتنازلتش عشان هو نقيب شرطة عشان الاصابات اللى حصلتله وكان معاه عريس وعروسة اتبهدلو هو كان بيزفهم وهو كمان ماشى من غير رخص خالص يعنى كان رايح فى الحديد فقلت بلاش ابهدله واغرمه كتير واحتمال كان يسيب شغله وكمان كان بيلعب كرة يد فى نادى طلائع الجيش فاتنازلت

-

الموضوع: حادثة لعربيتى سوبر اكشن فى عربية فيرنا

LinkBack

أدوات الموضوع

عرض

-

-

-

-

-

المواضيع المتشابهه

سعر سوبر اكشن 2009

لانسر سوبر اكشن

لانسر سوبر اكشن

عايزة عربية لانسر سوبر اكشن

لانسر سوبر اكشن

الكلمات الدلالية لهذا الموضوع

المفضلات

المفضلات

ضوابط المشاركة