الموضوع: خامات ال lci او السخانات الضوئىة

يا جماعه
الطريقه هى هتروح عند اى محل بتاع خامات بلاستيك زى الى بتركب فى باب العمارات الى بتكون شبه الازاز وبعد كده تجيب من عندو حاجه اسمه عود اكليرك مدور بيكون جاهز مش لوح وانتا الى بتلفو ثم تجيب لمض ليدات من باب الوق 12 فولت من عند بتوع الاليكترونيات
اه صح عود الاكليرك مقاسات كتير اختار الى يناسب شغلك
يعنى الطبيعى 10 ميلى
وتتضع العود على خشب وحطو فى ميكرويف بتاع تسخين الاكل لثلاث دقائق وبعد كده كون الشكل الى يعجبك بس بتكون لابس جوانتى حرارى علشان درجه الحراره شديه وتجيب شنيور اصغر بونطه وتفتح من القطر الى على الحرف 2 سم على قد المبه ليد
وتركبها بداخل الفتحه وتوصل سلكتين وحده كهربا وحد قردى وتوصلهم مكان لمض العربيه وبكده انتها الشرح اى حد محتاج مساعده تحت امركم
تم بحمد الله

والله أنا برضة قعدت أدور وموصلتش لحاجة، بس من إللب أنا شايفة شكلها كده إن الشغل إللي بيتعمل هنا بيحا؛ي ال lci في الشكل بس، تقريبا كده بيستخدمو ستيكرات (فينيل) ويفرغوه بالشكل المطلوب، مثلا تكسي الفانوس كله فينيل أحمر شفاف ونعدين فوقيه طبقة فينيل أحمر أو إسود معتم كتفرغ بالشكل المطلوب وفوقيها طبقة فينيل مصنفر شفاف ومن وراه الإضاءة ليدات أو عادي هتديك نفس شكل ال lci بس بطريقة أبسط. ده إستنتاجي الشخصي، معرفس صح ولا غلط. أصلي كنت شغال في موضوع اليفط والدعاية ده زماااااااان :)

انا هحاول اشرحلكو الموضوع
انت بتجيب الفانوس الاصلي وبتملاه من الناحية الفاضية بالفوم السائل وبعدين تستني لما ينشف وبعدين تخرج الفوم
هتلاقيه واخد شكل الفانوس من جوه ودي اسمها استمبه او Mold
تاخد حتة الفوم دي وترسم رسمة ال LIC زي ما انت عاوز تخليها بارزة
وبعدين تحطها علي ماكينة التشكيل الحراري وتجيب شيت الاكريليك وتحطه في الفرن وبعدين تحط الشيت فوق الجهاز وتشفط الهوا
هتلاقي الاكريليك خد شكل ال LIC اللي انت عاوزه ولما تنشف تفرغ الجزء اللي انت مش عاوزه وتصنفر ال LIC بصنفرة 2000 وطبعا مع وجود المية المستمرة علي الاكريليك
وبعدين تجيب خرطوم LED من التوفيقية وتحطه ورا الاكريليك ووراه ورق فويل عشان يعمل عاكس وبعدين تفتح الفانوس وتلزقها في ظهر الباغة بتاعة الفانوس وتقفل
ومبروك عليك ال LIC والفانوس الجديد

طبعا انا عارف ان فيه ناس مش هتفهم انا بقول ايه علشان مفيش صور
بس انا دلوقتي بصمم ماكينة التشكيل الحراري وعامتة هي عبارة عن صندوقين خشب ومكنسة كهربائية وان شاء الله لما اعمل الموضوع ده هصورهولكم
واي استفسار انا تحت امركم

فى انتظار الصور ضرورى

ايه برضوا الفوم السائل ؟؟؟