لمبة الاعطال فى الاسترا 1200 بتنور احياناً

**إبراهيم المصرى** · 19-06-2013 06:21 PM

كشفت النهارده عند واحد فى الحى السادس مدينة نصر قالو عليه كويس متخصص كشف فقط وقال ان العيب فى حساس الايه جى ار ولازم يتغير ومفيش اى اعطال اخرى وعرفت انه بيجبوه استيراد فى حدود 300 او 350 وفهمت انه بعد ما يركب نكشف تانى بالجهاز ونشوف الاخبار ياريت اللى عنده فكره يفدنا بيها يبقى كتر خيره وشكراً

**إبراهيم المصرى** · 21-06-2013 01:14 AM

تم تنضيف الحساس واللمبه طفت ومبقتش تنور الا والعربية مبطله والكونتاكت مفتوح امبارح قابلت بالصدفه ولد ميكانيكى كان شغال مع الميكانيكى اللى كنت بصلح عنده فى الاول وعلشان انا عارفه محترم وعلى خلق وكان اكتر حد فى الورشه بيفهم لانه اساسا كان شغال فى التوكيل سلمنا على بعض باهتمام وقالى انه ساب الورشه القديمه وفتح ورشه فقلته هجيلك اباركلك وتانى يوم خطر على بالى اتصل بيه واخد رأيه فى موضوع الحساس وقلتله ان اللى كشف بالجهاز قال ان الحساس لازم يتغير قالى بسرعه مين قال كده الكلام ده مش صح تعالالى وانا هنضفه ونشوف وفعلا روحتله ونضفه واللمبه طفت وبتنور بس لما بفتح الكونتاكت وبتطفى فوراً لما العربية بتدور وجربت فى مشوار كبير زى الفل وبكره هجرب تانى واقلكم الاخبار بس لو فى حد عنده فكره او نصيحه ياريت ميبخلش بيها والف مليون شكر للأعضاء الكرام وبالاخص طنانى باشا

**محمد الباشا** · 22-06-2013 01:26 AM

المشاركة الأصلية كتبت بواسطة إبراهيم المصرى

تم تنضيف الحساس واللمبه طفت ومبقتش تنور الا والعربية مبطله والكونتاكت مفتوح امبارح قابلت بالصدفه ولد ميكانيكى كان شغال مع الميكانيكى اللى كنت بصلح عنده فى الاول وعلشان انا عارفه محترم وعلى خلق وكان اكتر حد فى الورشه بيفهم لانه اساسا كان شغال فى التوكيل سلمنا على بعض باهتمام وقالى انه ساب الورشه القديمه وفتح ورشه فقلته هجيلك اباركلك وتانى يوم خطر على بالى اتصل بيه واخد رأيه فى موضوع الحساس وقلتله ان اللى كشف بالجهاز قال ان الحساس لازم يتغير قالى بسرعه مين قال كده الكلام ده مش صح تعالالى وانا هنضفه ونشوف وفعلا روحتله ونضفه واللمبه طفت وبتنور بس لما بفتح الكونتاكت وبتطفى فوراً لما العربية بتدور وجربت فى مشوار كبير زى الفل وبكره هجرب تانى واقلكم الاخبار بس لو فى حد عنده فكره او نصيحه ياريت ميبخلش بيها والف مليون شكر للأعضاء الكرام وبالاخص طنانى باشا

طيب يا استاذ ابراهيم فين الميكانيكى ده واروحله لان انا عربيتى استرا 2000 والميكانيكى بتاعى بيخاف يفك بلف الايدل ويقولى لو اتفك هيبوظ
ولو تقدر تبعتلى نمرته وانا اكلمه ونمرتك لو سمحت على الخاص طبعا
وشكرا ليك قوى