هو ينفع اركب سوست اسبورت زى ايباخ او ايبيكس للار بى

**khaabas** · 16-06-2013 10:55 PM

هو ينفع اركب سوست اسبورت زى ايباخ او ايبيكس للار بى من غير ما اغير اى حاجة او جنوط يعنى على الفابريكة وتمنهم كام ؟؟؟

**toty_305** · 17-06-2013 01:34 AM

-يا باشا دي هيونداي أنت مالك مقلق كده هي جامده كده أكتر من كده أنا بحذرك هتمشي على الحيط

**ICE_MAN** · 17-06-2013 01:49 AM

المشاركة الأصلية كتبت بواسطة khaabas

هو ينفع اركب سوست اسبورت زى ايباخ او ايبيكس للار بى من غير ما اغير اى حاجة او جنوط يعنى على الفابريكة وتمنهم كام ؟؟؟

طبعا ينفع ياباشا .. انا مركب ايباخ عندى فى ال HD على الجنوط و المساعدين الستوك و تمام التمام يس خد بالك ان العربية هاتوطى كتيير و ممكن تخليك تفكهم تانى يوم من المطبات -كان معايا واحد صديقى ركبهم فى MD و فكهم تانى يوم و رجعناهم..

نصيحتى ليك ركب strut bar اللى هو الامامى العلوى هايعمل معاك شغل جامد ولو محتاج تزود ثبات ركب السوست .. انا مركب الاتنين عندى.

**MohammedAladel** · 17-06-2013 01:55 AM

توطى تروح فين تانى أكتر من كدا ! لما المساعدين بتوعك يبوظوا غيرهم بمساعدين رياضيين لو مش هيوطوا العربية غير حاجة بسيطةغير كدا بلاش اساسا عربيات هيونداى واطية جدا ومع ذلك كله بيقول ثباتها فى الضياع !

وفكرة حلوة ال strut bar ركب العلوية ولو معندكش السفلية ركبها برضه أكيد هتفرق بس برضه العربية هتمسك العربية أكتر فى المنحنيات .... بس يبقى تركب كله ورا برضه لأنى أعرف إن عربيات هيونداى بتلعب جامد من ورا ع السرعات وفى المنحنيات

ومع ذلك أعتقد إن العربية مش هيزيد ثباتها زى لما تغير السست بسست رياضية وانخفاض العربية نفسه هيساعد فى ثباتها
بس لما تبقى العربية محملة أعتقد إن العربية هتمشى تحك فى الأسفلت

**khaabas** · 17-06-2013 08:49 AM

أممم الف شكر يا باشاوات وابتدى بالبارات الامامية العلوية
بالنسبة للبارات هل فيه انواع معينة ادور عليها وله موش هتفرق

**ICE_MAN** · 17-06-2013 01:50 PM

المشاركة الأصلية كتبت بواسطة khaabas

أممم الف شكر يا باشاوات وابتدى بالبارات الامامية العلوية
بالنسبة للبارات هل فيه انواع معينة ادور عليها وله موش هتفرق

العفو يا زعيم .. البارات دور على ultra racing و هاتعمل search الاول على ال web site بتاعهم بنوع العربية و تجيب ال part number بتاع البار اللى انت عايزة و تدور بيهم فى المحلات .. السعر انا كنت جايبه ب 500 جنيه الامامى العلوى.

**khaabas** · 17-06-2013 02:05 PM

معلش بقى يا باشا انا اسف هتعبك معاى دخلت على السيت بتاعهم Ultra Racing Product Catalog
لقيت كل الهيونداى حتى الالنترا md بس مقلتش الاكسنت اخرهم لحد 2008
ينفع بتوع الالنترا hd يركبوا عندى

**ICE_MAN** · 17-06-2013 06:15 PM

مفيش تعب ولا حاجة ياباشا .. بالنسبة لل hd ماعتقدش ينفعوا عندك .. ممكن ال md تكون اقرب بس برضوا مش متأكد و مش عايز أفتى

انا شايف ان حضرتك من بورسعيد .. ممكن تعدى على حمادة غزى و هو اللى هايديلك المفيد فى الموضوع ده

**ICE_MAN** · 17-06-2013 06:18 PM

المشاركة الأصلية كتبت بواسطة ice_man

مفيش تعب ولا حاجة ياباشا .. بالنسبة لل hd ماعتقدش ينفعوا عندك .. ممكن ال md تكون اقرب بس برضوا مش متأكد و مش عايز أفتى

انا شايف ان حضرتك من بورسعيد .. ممكن تعدى على حمادة غزى و هو اللى هايديلك المفيد فى الموضوع ده .. و على فكرة انا جايب بتوعى منه.

معلش انا غلطت فى المشاركة دى .. السوست هيا اللى من عنده .. لكن برضوا اعتقد هايفيدك برضوا فى البارات.