حكايتي مع مرور فيينا- النمسا

**dr_click** · 25-08-2008 11:02 PM

ذهئت من ركب المترو في فينا wa-أنا ريح الشغل وطلع في دماغي اني اشتري عربية
فطبعا زي أي حاجة هنا دخلت على النت
لقيت volkswagen عندها site ظريف فيه car configurator تقدر تركب العربية بتاعتك وكل حاجة مع سعرها
المهم ظبت العربية ولاقيت ليهم كتير car agents اخترت أقربهم ورحتلو بال-configurations الرجل كان ظريف جداً كالعادة وقالي كمان شهر معجبنش الكلام وقلتلو ليه قلي علشان الطلب بتروح المصنع وتتعمل هناك علشان كدة بتاخد وقت

أنا الموضوع مكنش فارق أوي بس أترزلت شوية عليه فقلي مكن يدني عربية لغيت ما عربتي تيجي أنا أزبهليت شوية وقلتلو لا شكرا شهر ok

طبعن قبل الشهر بيوم قال العربية موجودة فرحتلو عطني شوية ورق و قالي دا لشركة التأمين، فرحت مكتب شركة التامين ودفعت الفلوس وأخد عنواني والكلام د كان الصبح ورجعت الشغل بعد الضهر لقيت واحد محترم مع ظرف ولوح مرور جايلي وبيدهملي رحت بيهم car agent ركبهملي وبس خلاص مشيت بالعربية طبعا أنا مكنتش مبسوط علشان كنت عايز أحس اني عملت حاجة وأكتر حاجة ضايقتني اني مارحتش مخزن اللوح

تم النقل للمنتدى العــــــــــــام
مشرف العــــــــــــــــــام

**Nile_Storm** · 25-08-2008 11:12 PM

مبروك العربيه ياباشا
حزنتنا علي حال توكيلات العربيات و المرور في بلدنا

**megane_man** · 25-08-2008 11:37 PM

عمار يا نمسا

**MohabSaeed** · 26-08-2008 12:02 AM

المشاركة الأصلية كتبت بواسطة dr_click

ذهئت من ركب المترو في فينا wa-أنا ريح الشغل وطلع في دماغي اني اشتري عربية
فطبعا زي أي حاجة هنا دخلت على النت
لقيت volkswagen عندها site ظريف فيه car configurator تقدر تركب العربية بتاعتك وكل حاجة مع سعرها
المهم ظبت العربية ولاقيت ليهم كتير car agents اخترت أقربهم ورحتلو بال-configurations الرجل كان ظريف جداً كالعادة وقالي كمان شهر معجبنش الكلام وقلتلو ليه قلي علشان الطلب بتروح المصنع وتتعمل هناك علشان كدة بتاخد وقت

أنا الموضوع مكنش فارق أوي بس أترزلت شوية عليه فقلي مكن يدني عربية لغيت ما عربتي تيجي أنا أزبهليت شوية وقلتلو لا شكرا شهر ok

طبعن قبل الشهر بيوم قال العربية موجودة فرحتلو عطني شوية ورق و قالي دا لشركة التأمين، فرحت مكتب شركة التامين ودفعت الفلوس وأخد عنواني والكلام د كان الصبح ورجعت الشغل بعد الضهر لقيت واحد محترم مع ظرف ولوح مرور جايلي وبيدهملي رحت بيهم car agent ركبهملي وبس خلاص مشيت بالعربية طبعا أنا مكنتش مبسوط علشان كنت عايز أحس اني عملت حاجة وأكتر حاجة ضايقتني اني مارحتش مخزن اللوح

ااااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا اه

حضرتك روحت بالكنفجريشن الى """ حضرتك "" اختارته و الراجل قالك " شهر !!!!! " وتكون عندك .. و عرض عليك عربيه لغايه ما العربيه تجيلك ... وقبل الشهر مايخلص " بيوم " قالك العربيه وصلت .
و روحت دفعت التأمين .. و اللوح جاتلك لغايه عندك !!!!!!

لا يا مستر كليك .. لو حضرتك فاكر ان النمسا اكتر الدول المتحضره ... لا والف لا ..... مصر ام الدنيا فيها تسهيلات اكبر من كده بكتير ..... مش تدخل على النت وتختار مواصفات الكلام ده ... لا لا ... تحلم بالعربيه الى نفسك فيها .. و مش بتكلم على تويوتا و هيونداى و اشباه العربيات ديه .. انا بتكلم على لمبورجينى و فيرارى ... محرد تحلم بس بيها ... و تدعك طبق الفول ف يطلعلك الغول

بقولك شبيلك لبيك ... والعربيه تكون عندك فى لمح البصر

و من غير نت ... شوفت بقى

صدقنى .. فى بلدنا ... كل حاجه سهله .... كل حاجه جميله

تلاقى مساحات حضرا شاسعه .... مافيش زباله ... فى نظام و قانون دقيق جدا بيديك حقك و بياخد حق الناس من الغلطان ..... مافيش بلطجه .... مافيش قله ادب ... الناس محترمين جدا .... و """" بيحترمو خصوصياتك جدا جدا جدا"""" ... لما تركب عربيه محدش يحقد عليك و يكحتهالك ... لما تمشى فى الشارع مع بنت حلوه محدش يبص عليك ..

كل حاجه عندنا تمام التمام ...... ياراجل انتا ايه الى مقعدك فى بلد زى النمسا ... بيجيبو العربيات للناس بعد شهر ..... ده كلام ده

انا بقول ارجع بلدك مصر احسن ... بجد بجد حترتاح جدا جدا جدا جدا

--------

بعيد عند الكلام الى فوق ده..... بجد .. الف مبروك على عربيتك و ربنا يديك خيرها ...

ياريت لو تكلمنا شويه عن النظام فى النمسا ... واسلوب الحياه هناك

**Islam_galal** · 26-08-2008 12:04 AM

يا دكتور ليه كده
هو احنا ناقصين

**Ahmed Samy** · 26-08-2008 12:26 AM

يا دكتور
انت مش جيت على الجرح و بس

دا انت فتحته على الأآآآآآآآآآآآآآآآآخر و عصرت فيه لمونة

**د-احمد عبد اللطيف** · 26-08-2008 01:00 AM

المشاركة الأصلية كتبت بواسطة dr_click

بعد الضهر لقيت واحد محترم مع ظرف ولوح مرور جايلي وبيدهملي رحت بيهم car agent ركبهملي وبس خلاص مشيت بالعربية طبعا أنا مكنتش مبسوط علشان كنت عايز أحس اني عملت حاجة وأكتر حاجة ضايقتني اني مارحتش مخزن اللوح

دا اكيد حاصووول شلمبرجر الراجل ده خدوم قوي بس ياريتك كنت شفته بحاجه احسن ينكد عليك في التجديد اصل الراجل مش جاي لغاية عندك كدة لله
بس ليه ياراجل ماقلتش كنت كلمتلك شوارزجر يكلم رئيس نيابة النمسا بخصوص موضوع اللوح ده اصل زي ما انتا عارف مرور النمسا مافيهوش لوحات و مستنيين اللوحات الجديده اللى لسه حاتنزل في اكتوبر 2190 , لو كنت قلتلي كنت جبتلك 11 ملاكي كاليفورنيا اصل شوارزنجر ده راجل ذوق ذوق قوي و بيحب يخدم

حرام عليك يا راجل عقدتني وانا عايش في امريكا امال اللي في مصر يعملوا ايه

**bee** · 26-08-2008 01:21 AM

الي في مصر بيتقعدوا لسبب بسيط
ان العقد دي الحاجه الوحيدة الي لسه ببلاش :)

**Chicco** · 26-08-2008 01:27 AM

كندا أجدع ......بعت email لاقرب توكيل تويوتا و حجزت تست درايف لعربية راف ٤و بعدين جربت نص العربيات اللي في صاله العرض .....استقريت علي كورولا بس كنت عايزها بمواصفات خاصة ......بعتوا يجيبوها من مقاطعة تانية و أستلمتها مترخصة و بنمرها بعديها بأسبوع ....التأمين خلص بالنت طبعا .... تعيش تورنتو حرة مستقلة