الموضوع: بداية المشاكل

المشاركة الأصلية كتبت بواسطة المنسي

.... معلش سؤال هو حضرتك منين؟؟؟؟

من ارض اللواء

طيب دلوقتى اقول لكم اللى حصل اول يوم وانا بستلم العربيه
انها بطلت برده ذى المره دى ولا نفع فيها زق ولا اى حاجه وجه كهربائى اسمه علاء من بين السرايات
ووضع بطارية ورحنا معاه اللى الورشة
وهناك قال ان العيب عيب بطارية ورحنا اشترينا البطارية
مع ان صاحبها كان بيقول فيه عيب فى الدينمو والبطارية لسه ملهاش سنه
المهم انا ريحت دماغى واشترينا بطارية جافه ذى ما قلت قبل كده
وسافرت بالعربيه الى البلد ورجعت وتمام التمام
بالامس رحت مشوار حوالى 20 كيلو طول المشوار البطارية بتنور وبتطفى
سألت واحد ميكانيكى معرفة بس بتاع موتوسكل فى الموضوع ده قال ان كده الدينمو عاوز يتشحن
اليوم صباحا جاى ادور العربيه عملت شششش مرتين بس بطى
المرة اللى بعدها مره
المره اللى بعدها فصلت ولم تسجيب خالص لاى حاجه
نسيت اقول
ان انا زوت المايه فى القربه لحد الغطا
مع العلم البوجيهات جديدة ولسه مغير زيت وتمام التمام

منتظر الرد من الاحباب

باختصار شديد البطارية فاضية بسبب الدينامو
وشكلها محتاجة كتاوت شحن مش اكتر الموضوع بالمصنعة في حدود 50 او 60 جنيه والبطارية القديمة كانت سليمة برضة عشان كده الناس بتقولك اعرف المشكلة الاول وما تخليش حد يشتغلك

جيب كهربائي يشوف الدينامو والموضوع يتحل وممكن يحل الدينامو تحت بيتك ويصلحه وبعدين تدور ها زق بعد التركيب ومشوار واحد والبطارية تتشحن ...الموضوع سهل ان شاء الله

المشاركة الأصلية كتبت بواسطة ayman20100

باختصار شديد البطارية فاضية بسبب الدينامو
وشكلها محتاجة كتاوت شحن مش اكتر الموضوع بالمصنعة في حدود 50 او 60 جنيه والبطارية القديمة كانت سليمة برضة عشان كده الناس بتقولك اعرف المشكلة الاول وما تخليش حد يشتغلك

جيب كهربائي يشوف الدينامو والموضوع يتحل وممكن يحل الدينامو تحت بيتك ويصلحه وبعدين تدور ها زق بعد التركيب ومشوار واحد والبطارية تتشحن ...الموضوع سهل ان شاء الله

جزاك الله خيرا اخى

هو على ما اعتقد هى المشكلة كده
لان صاحب العربيه قال محتاجه كتاوت والدينامو
على العموم احنا استفدنا بطارية جديدة (:

السلام عليكم ورحمة الله وبركاته
لسه راجع حالا بالعربية
العيب طلع ان البطارية نامت وانا السبب انى نسيت نور العربيه مولع
وعملنا توصيله والبطاريه اشتغلت ورحنا مشوار لهايبر علشان نشحن البطارية وجبنا 120 بالعربيه وماشاء الله تمام
حشوف بكره الصبح ان شاء الله حتشتغل ولا لا
لان الكهربائى قال الدينامو مفيهوش حاجه والموضوع كله بسبب نسيان النور (:

المشاركة الأصلية كتبت بواسطة aw2100

ولما تزود قربة الرادياتير تزوده لغاية علامة ال max مش لاخر القربة
وتغسل دورة التبريد وتحط فيها مية حمراء مش مية حنفية وتكون تركيز لايقل عن 33% وعلى فكرة احتمال تلاقى البطارية تدور بطئ علشان البطاريات الجافة لما بتفضى تماما محتاجة حوالى ساعتين على تونجر عند الكهربائى علشان تتملئ او تمشى مشوار على سرعة 100 مش اقل من ساعتين لكن لو شحنتها فى العربية 1/2 ساعة مش حتتملئ وتدور ضعيف وربنا يقويك !!!

ايه الكلام ده
انا فعلا زودت الماء بس مش عارف لغايه فين
وماء عادى

قول يا استاذ قول
شكلى كده انا اللى خربت عربيتى بايدى

وكمان السنتر بتاع العربيه باظ بس مش منى من السمكرى جارنا فك الباب علشان كانت اكره بتعلق وللاسف من ساعتها وانا ماشى العربيه بيتنور الاشارتين والانتظار