السلام عليكم ورحمة الله وبركاته
بعد ثلاث ايام من الشراء اول مشكلة مع العربية
مش بتنطق :waaaht:
مع ان البطارية لسه جديدة من ثلاث ايام
للاسف مش بتتحرك من مكانها وانا مش عارف ايه السبب
عرض للطباعة
السلام عليكم ورحمة الله وبركاته
بعد ثلاث ايام من الشراء اول مشكلة مع العربية
مش بتنطق :waaaht:
مع ان البطارية لسه جديدة من ثلاث ايام
للاسف مش بتتحرك من مكانها وانا مش عارف ايه السبب
العين يا صديقي
واضح انك كنت راكب 127 ونقلت على سكودا
تفتكر الناس هتسكت؟ لازم تدبح صدقة للفقراء
والحمد لله انها جت في العربية مش في البني آدمين
ومبروك وربنا يكفيك شرها ويمتعك بخيرها
تلاقى البطاريه بايظة
انا مرة ركبت بطارية ونا واقف مع الراجل بطاريه بايظة وجابلى واحدة جديدة
يأما المارش فيه مشكلة
ومتنساش تدبحلك حاجة بأربع رجول عشان الحسد ولو ممعكش فلوس
إدبحلك فرختين
قولتلك يا زميلي ادبح اى حاجة للفقراء قدر الله وماشاء فعل
أولا خد الموضوع ببساطة لازم كدة فى الاول أنا لما جبت العربية استلمتني اول كام شهر اعطال متكررة وحاجات هايفة بس مع قلة خبرتي كنت بتعذب
المهم
خطوة خطوة
اتاكد ان البطارية سليمة جرب الانوار والكلاكس وهكذا او فكها واشحنها على تونجر
بعد كدة شوف المارش بيقوم ولا لاء
هل فيه شرارة ولا لاء تعرفها ازاي افتح سنة كونتاكت وقرب سلك البوجيهات من جسم العربية لو فيه شرارة يبقي تمام راجع على البوجيهات واحد واحد وراجع على سلوك البوبينة يمكن حاجة فاصلة
وبعدين راجع على مشط لااسبراتير ونصيحة خلي معاك طقم بوجيهات وموبينة ومش احطياطي لاي ظروف انا عامل كدة
متابعين معاك والله يكون فى عونك
السلام عليكم
و كل مشكله و ليها حلها
ان شاء الله
سياتك تتاكد انى فى شحن فى البطارية ازاى تضرب كلاكس و تنور النور تكة لو كلاكس او نور النور معاك
و تتأكد انى العربية فيها بنزين سعات بيسهو على الانسان و انا واحد منهم
ندخل على المرحلة التانية تاكد من توصيل الموبينة بالمشط و اتاكد من الموبينة و المشط ازاى افك كبل الاسبرتير هتلاقية فى نص غطاء الاسبرتير وواصل من الموبينه هتفكة وخلى حد يديك تكة مارش و قرب الكبل للاى معدن شو ف فى شرارة و له لالالالالالالالا
رابعا تتاكد من وصلات الاسبرتير لى الاربع بوجيهات تمسك كل كبل على حدا و لمسه بجسم الموتور وشوف فى شرارة و له لالالالالا
راجع و احنا هنا كلنا متابعين
ربك المستعان
لو العربية الكلاكس والانوار شغالين ومش بتنطق هيبقى حاجة من اتنين يا مارش يا اما المشط الالكترونى
المارش لف المفتاح واسمع كده هل فيه صوت لفة للمارش ولا لا في صوت والمارش بيلف ومش بيلقط يبقى نبص على المشط
يا جماعة الخير
انا علمى فى السيارات كعلمى فى الكيمياء
(:
بخصوص الدبح ان شاء الله حدبح لانى عندى اكثر من مناسبه
منها اخى لسه شارى عربية لانسر 2013 قسط
ولازم ندبح احنا الاثنين
انا معرفش اى حاجه فى كبوت العربيه
اه اعرف البطاريه ماشى قربه الماء اما اللى بتقولوا عليه مفيش
ان شاء الله اروح بيها مركز صيانه قريب من المنزل هو يشوف المطلوب
المشكله حتروح زق
ياعم ابراهيم ابوس دماغك استني شوية
متبقاش مستعجل
اتبهدل
اتعب
اتعلم
اعمل زي مابعمل
مش علشان توفر فلوس لالالالالالالالاء كدة كدة هتتصرف
علشان تبقي فاهم عربيتك فيها اية علشان لو ماشي فى الطريق
ممكن العربية تعطل على حاجة هااااااااااااااايفة وحضرتك تتبهل وتجيب ونش يشيلها وتدفع فلوس اد كدة ويطلع فى النهاية حاجة تافهة
افتح الكبوت
اتأمل
اتعلم واحدة واحدة
محدش مننا اتولد على كبوت العربية
كلنا بنعلم بعض
بنكمل بعض
اللى اعرفة بقولول لغيري
وغيري بيعلمني اللى معرفهوش
متااااااااااااااااااااااا ابع
طيب دلوقتى اقول لكم اللى حصل اول يوم وانا بستلم العربيه
انها بطلت برده ذى المره دى ولا نفع فيها زق ولا اى حاجه وجه كهربائى اسمه علاء من بين السرايات
ووضع بطارية ورحنا معاه اللى الورشة
وهناك قال ان العيب عيب بطارية ورحنا اشترينا البطارية
مع ان صاحبها كان بيقول فيه عيب فى الدينمو والبطارية لسه ملهاش سنه
المهم انا ريحت دماغى واشترينا بطارية جافه ذى ما قلت قبل كده
وسافرت بالعربيه الى البلد ورجعت وتمام التمام
بالامس رحت مشوار حوالى 20 كيلو طول المشوار البطارية بتنور وبتطفى
سألت واحد ميكانيكى معرفة بس بتاع موتوسكل فى الموضوع ده قال ان كده الدينمو عاوز يتشحن
اليوم صباحا جاى ادور العربيه عملت شششش مرتين بس بطى
المرة اللى بعدها مره
المره اللى بعدها فصلت ولم تسجيب خالص لاى حاجه
نسيت اقول
ان انا زوت المايه فى القربه لحد الغطا
مع العلم البوجيهات جديدة ولسه مغير زيت وتمام التمام
منتظر الرد من الاحباب
بص يا استاذ ابراهيم كتبتلك نصيحة قبل كدة نك تدخل على المواضيع المشروحة بالصور هتتعلم منها حاجات كتير
حضرتك بتقول العربية مابتدورش
ودة لية احتمالات كتير
البطارية فاضية
مشكلة فى المارش ومش هتكلم عنها علشان معلوماتي على قدي بالنسبة للمارش
مشكلة فى الاسبراتير
مشكلة فى الموبينة
مشكلة فى المشط الالكتروني
مشكلة فى البوجيهات
مشكلة فى سلك البوجيهات
بص انتا اسهل حاجة تبدأ بيها هتعمل اية افتح سنة كونتاكت يعني كانك هدور بس لف المفتاح تكة واحدة مش اتنين فك اى سلك من بتوع البوجيهات وقربة جدا او لمسة على اى حتة حديد فى حوض العربية
لو شفت شرارة طالعة يبقي كدة منظومة الكهرباء كلها تمام
كدة يا اما المارش فية مشكلة
أو مفيش بنزين واصل للكاربيراتير ودي تعرفها لما تفك الخرطوم اللى داخل على تغذية الكاربيراتير لو الخرطوم بيدخ بنزين يبقي تمام
لو مفيش يبقي الطلمبة بتاعت البنزين فيها مشكلة
اعمل الخطوات دي مبدأيا وانا ان شاء الله
عن الموضوع دة لو العربية عطلت اية الحاجات اللى ممكن تشيك عليها علشان تعرف العطل منين
عموما انا متابع معاك
باختصار شديد البطارية فاضية بسبب الدينامو
وشكلها محتاجة كتاوت شحن مش اكتر الموضوع بالمصنعة في حدود 50 او 60 جنيه والبطارية القديمة كانت سليمة برضة عشان كده الناس بتقولك اعرف المشكلة الاول وما تخليش حد يشتغلك
جيب كهربائي يشوف الدينامو والموضوع يتحل وممكن يحل الدينامو تحت بيتك ويصلحه وبعدين تدور ها زق بعد التركيب ومشوار واحد والبطارية تتشحن ...الموضوع سهل ان شاء الله
السلام عليكم ورحمة الله وبركاته
لسه راجع حالا بالعربية
العيب طلع ان البطارية نامت وانا السبب انى نسيت نور العربيه مولع
وعملنا توصيله والبطاريه اشتغلت ورحنا مشوار لهايبر علشان نشحن البطارية وجبنا 120 بالعربيه وماشاء الله تمام
حشوف بكره الصبح ان شاء الله حتشتغل ولا لا
لان الكهربائى قال الدينامو مفيهوش حاجه والموضوع كله بسبب نسيان النور (:
اولا مبروك على العربية الجديدة
شوفت انت ظلمت العربية ازاى وطلع العيب مش منها العيب منك انت اهم حاجة انك تطفى الأنوار وتقفل الشنطة كويس لو فيها نور شنطة ولما تزود قربة الرادياتير تزوده لغاية علامة ال max مش لاخر القربة ولازم تعمل صيانة للعربية وتغير الفلاتر وزيت الفتيس وزيت الفرامل وتغسل دورة التبريد وتحط فيها مية حمراء مش مية حنفية وتكون تركيز لايقل عن 33% وعلى فكرة احتمال تلاقى البطارية تدور بطئ علشان البطاريات الجافة لما بتفضى تماما محتاجة حوالى ساعتين على تونجر عند الكهربائى علشان تتملئ او تمشى مشوار على سرعة 100 مش اقل من ساعتين لكن لو شحنتها فى العربية 1/2 ساعة مش حتتملئ وتدور ضعيف وربنا يقويك !!!
ايه الكلام ده
انا فعلا زودت الماء بس مش عارف لغايه فين
وماء عادى
قول يا استاذ قول :waaaht:
شكلى كده انا اللى خربت عربيتى بايدى :N_no[1]:
وكمان السنتر بتاع العربيه باظ بس مش منى من السمكرى جارنا فك الباب علشان كانت اكره بتعلق وللاسف من ساعتها وانا ماشى العربيه بيتنور الاشارتين والانتظار
مش شرط ممكن تعمل بيها مشوار تانى يكون كبير شوية وهتشحن معاك عادى وحاول تروح للكهربائى وقول له عايز اقيس شحن البطارية وبناء عليه لو الشحن كويس هيبقى مفيش مشكلة من الدينامو وبطاريتك تمام
بالنسبة لمية الحنفية وللمرة المليون العربية دى بالذات مينفعش تحط مية حنفية لانها هتبهدلك الموتور من جوة بسبب الصدا اللى بتعمله فنصيحة روح هات مية خضرا اسبانى اسمها ايادا او هات توتال تركيزها 33 % مية حمرا ونزل مية الحنفية من دورة التبريد
حل المشكله تغيير كتاوت الشحن وكان ممكن اعلمك تغيرها بنفسك وتحت البطارية على الشحن وانسى....
على العموم انا ناوى اعمل موضوع ضمن سلسلة علم نفسك حشرح ليكم فيها ازاى تغير كتاوت الشحن بنفسك وفة 5 دقائف لا اكثر........ انتظرونى فى القريب العاجل هههههههههههههه
انا لسه راجع حالا من عند كهربائى
وقال لى السكونات بتاع الدينامو محتاجة تتصلح هى اللى فيها المشكله
وكان فى الاول بيقول كتاوت
انا رجعت البطارية الجديدة وهو هناك قاس الدينامو وقال فيه مشكلة
والبطارية عنده
سؤال ؟؟؟
هى البطارية الجافه بتتشحن
سؤال تانى ؟؟؟
كام سعر الدينامو ( جديد -- استيراد )
على فكرة انا غيرت شوية حاجات كده قيمة 2000 جنيه ايوه البشمهندس احمد جوده عارف
ومعلش بقى انا وصلت لمرحله صعبه جدااا لدرجه انا كرهت العربيه
ومحدش يقول صلح الدينامو
لان مينفعش اكون لسه شارى عربيه وبطارية جديدة وكمان مش بتدور
محتاج رأيكم لانى بجد على الاخر
استاذ ابو ابراهيم اهدى شويه كلنا مرينا بنفس الظروف اللى حضرتك بتمر بيها والكل اللى بيشترى مستعمل لازم يصرف شويه على العربية فياريت تصبر وانشاء الله ربنا حيعوض صبرك خير....
البطارية الجافة اه بتشحن انا مريت بنفس موضوعك بالظبط ولما غيرت البطارية وجبت جافة يدوبك شهر والعربية بتدور زك روحت للمحل بتاع البطاريات قاس وقال فية مشكلة عندك فى الشحن روحت للكهربائى اختبر الكتاوت اللى راكبها لقاها فعلا بايظه وطلب تغييرها روحت اشتريت الكتاوت ب65 جنية وركبها فى الدينموا كل دا والبطارية الجافة فى المحل على التنجر بتشحن لحد لما المبة الخضرا نورت ركبتها والحمد الله زالت المشكله....
عاوز اقول لحضرتك ياريت تروح لكهربائى فاهم امين يكشف اولا على كتاوت الشحن وانشاء الله يكون المشكله منها....
طالما قاعدة السليكونات وحشة انصحك تشترى دينامو استعمال كامل بالكتاوت انا اشتريتة لعربيتى ب 250 جنية من حوالى 6 شهور وماتحولش تصلح القديم واشتغالات الصنيعية حيكلفك على الفاضى والبطارية تتشحن وكلنا صرفنا على عربيتنا فى الأول لغاية ماتربيها على كيفك بعد كدة مش حتصرف اكتر من البنزين والزيت وبس وده بسبب بخل اصحاب العربيات دى !!
صلي على النبي واهدى ياريس
انا لسه جايب عربيتي من اربع شهور
ولحد دلوقتي لسه بغير في حاجات
بس اللي صرفته بدأ يجيب نتيجه والعربية كل يوم عماله تحلو في عيني اكتر
وده موضوع انا عملته بعد ماجبتها بشهرين تقريبا
http://www.nilemotors.net/Nile/354809-a.html
كنت زهقت منها بس بفضل الله وبفضل الشباب اللي هنا كملت معاها والحمد الله بدأت احب العربية رغم ان كنت بلعن اليوم اللي جبتها فيها مشكلتي ومشكلتك ان احنا اشترينا العربية من ناس ماكنتش بتصرف عليها ومشاويرهم كانت على قدهم ماكنوش بيقرصوا على العربية انا بسافر بالعربية اسبوعيا 400 كيلو غير مشاويري اليومية للشغل ومشاويري الخاصة والحمد الله العربية بقت كويسة معايا وعرفت كل مميزاتها وعيوبها
انا رأي تشوف ميكانيكي وكهربائي فاهم وتظبط واحده واحده
في حاجات بيبقى ضروري لازم تغيرها وحاجات ممكن تستنى
واصبر وان شاء الله هيجيلك خيرها
يسلم فومك يا كبير بالفعل كلنا هذا الرجل
والله العظيم أنا كنت شاري عربيتي مفيهاش غلطة متصينة من الاكصدام للاكصدام كل اللى كان فيها كانت محتاجة كبالن وبس والله غيرت الكبالن وجلب مقصات وبطاحات وشوية حاجات صغيرة وزيت وفلتر والله دخلت معايا فى 1000 جنية
دة غير كل شوية اعطال بسيطة وبردو قطع غيار ومصاريف
المهم يا استاذ اكرامي هون على نفسك وبص لقدام لما العربية ان شاء الله تقف على حيلها هتحس بكل جنية صرفتو عليها والله كل المستعمل كدة لازم تصرف تصرف لحد متعرف كل مسمار فى العربية
بالنسبة للدينامو هات بتاع المرسيدس تمنه حوالى من 200-225 تقريبا وهيكون افضل من بتاع الفليشيا والشحن بتاعه بيكون كويس وريح نفسك من الكتاوت والسليكونات وخلى بالك طويل العربية اللى تفضل 13 سنة او اكتر وميتصرفش عليها فى صيانة لازم هتعمل كده بس ميزة الفليشيا ان قطعة الغيار معمرة يعنى هتشترى وهتصرف شوية بس هتتبسط بعد كده
تغيير السليكونات سهل جدا وبيرجع الدينامو لحالته
فعلا الكهربائى قال ان السكونات بايظة وعاوز دينامو استيراد وهو بيرشح لى دينامو شاهين
بس مش عارف انا مش مستريح للموضوع ده
بس بعد كلامك ممكن افكر فى موضوع المرسيدس ده بس عاوز اعرف منين اجيبه والاسم ايه
و لى طلب هو الدينامو الجديد بيكون صينى ولا الاصلى بتاعها
برجاء الرد للاهمية علشان عاوز اعرف وحشترى غدا ان شاء الله
وهل الجديد من عند ابوالحسن ولا منين
شكرا لكم
الجديد بيبقى صينى وتقريبا تمنه 350 جنية لو عاوز الأصلى يبقى استعمال وانا افضل انك تشترى استعمال !!
هات دينامو استيراد افضل وبرشحلك بتاع المرسيدس وبعد ماتجيبه وتركبه عالعربية خلى الكهربائى يقيس الشحن بتاعه
جبت دينامو اصلى جديد ب 700 جنية من غير الطرمبه والمروحه
بس للاسف لم يركب على العربيه والكهربائى قال مينفعش يركب
المهم رجعته تانى لــ ابو الحسن واخذت التانى وقال فعلا ده بتاع العربيه اللى بتنزل بتكييف
وكان حيدينى واحد فيكا صينى واول امس قال ب 350 واليوم قال ب 500 طبعا انا رفضت الموضوع واخذت فلوسى
كان فيه ميكانيكى جنب الكهربائى وقال انا عندى دينامو ذى ده وفعلا اخذناه ب 200 جنيه والكهربائى قاس الشحن بعد ما شال الكتاوت اللى فيه لانه قال انها بتطلع 24 والمفروض يكون 12 المهم ركب كتاوت من عنده وحسبها ب 40 جنيه وشلنا الثمن من 200 وقال روح هات البطارية بتاعتى من عند بتاع البطاريات وخليه يقيس لك الدينامو
المهم ذهبت واخذت بطاريتى الجافه بعد ما تم شحنها طبعا هى لسه ملهاش 15 يوم بس هناك شاف القياس قال لى الدينامو فيه مشكلة
قلت ليه ؟؟؟ قال القياس 12.50 الى 12.70
رجعت للكهربائى قال عادى مفيش مشكله ده القياس الطبيعى
هل المعلومة دى صح
المهم انا جيت بالعربيه من عند الكهربائى لغاية البيت ومعتش معايا بنزين
دورت الصبح دارت بس بعد 3 مرات
منتظر على بالليل اشوف الدنيا فيها ايه
ومنتظركم
اخر الاخبار
الدينامو المفروض سليم والبطارية ايضا
طلع فيه ماس فى العربيه هو اللى بيخلى البطارية تنام
منتظر اشوف فين الماس ده