نسيت اقول
العربية سكودا فليشيا موديل 95
تكييف وسنتر لوك بس
رقم العضوية : 142588
تاريخ التسجيل : 07May2013
المشاركات : 75
النوع : ذكر
الاقامة : القاهرة
السيارة: سكودا فليشيا
السيارة[2]: تويوتا كورولا
الحالة :
العربية رشه بره نضافه وفابريقه جوه وكل الميكانيكيه اللي شافوها بشكروا فيها وبيقولها حالتها ممتازة واللي جابهالي ميكانيكي اكتر من اخويا
بس تقريبا من ساعة ماجبتها كل اسبوع تقريبا مشكله
اول مشكله الدريكسيون فلت من العصاية اللي مسكاه من العجل وبيلف على الفاضي والحمد الله ربنا سترها وكنت ماشي في شارع زحمة على مهلي ولحقت نفسي ووقفت
رحت للمكانيكي وربط على الدريكسيون وقالي تمام
تاني مشكله كانت بتنتش على الاول والتاني رحت لميكانيكي تاني ونضف الكاربيتير بالهوا وقالي تعالى يوم تاني ننضفهولك باسبراي الكربيتير
قعدت اسبوع لحد مانتشت تاني ورحتله ونضفنا الكاربيرتير وبقت تمام
تالت مشكله مش لاقي لمبات عددات التابلوه وعملت حركة اني انقل مكان اللمبات اللي مش محتاجها لمكان اللمبات المحروقة زي ما موجود في موضوع شرح هنا
نور شوية بس لسه محتاج 4 لمبات تاني على الاقل
بعد كده مشكله السخونه
العربية الطبيعي بتاعها 90 وفي السفر 100 ومع التكييف بتقرب ل110 وبضطر اقفل التكييف تاني ولسه ماشوفتش ايه المشكله
بعد كده الفرامل بدأت تهرب مني ورحت لكذا ميكانيكي وقالولي الماستر
واول امبارح وانا رايح اشتري الماستر انا والميكانيكي من عند واحد بتاع استيراد الدريكسيون فك تاني والحمد الله ربنا ستر لتاني مره وكنت لسه ماطلعتش من الشارع بتاعنا ومعايا الميكانيكي اللي اعصابه سابت والمفروض انه على كلامه ربطه كويس والدنيا تمام
النهارده بقى الحركة الاوسخ
وانا مسافر على طريق الكريمات وقبل ما اوصل حلوان العربية بدأت تنتش جامد لحد مابقت ماتسحبش بنزين خالص
سحبت بنزين من الخرطوم وفتحت عمة الكاربرتير وحطيته وبرضه ماشتغلتش
وقفت في عز الضلمة ساعه تقريبا مش عارف اعمل ايه واقعدت احاول انها تدور
ابدا وانا واقف مرعوب حد يطلع عليا من الصحرا
لحد ماعدى عليا الحمد الله دورية مرور ووقفوا معايا واتصلوا بالقيادة بتاعتهم وجابوا منهم رقم شركة لقطر العربيات وكتر خيرهم فضلوا واقفين معايا ساعه تاني لحد العربية ماجات وشالت عربيتي ودفعت 300 جنيه غير اكرامية السواق ورجلي فوق رقبتي
اكتر حاجه حرقت دمي بقى النهارده اني بعد ماوصلت البيت بدور العربية لقيتها دارت زي الفل بس الاشارات والنورالعالي فاصل مع العلم ان الانتظار شغال والنور العادي ونور التابلوه شغال
والنور العالي بيشتغل لما بسحب الدراع لورا
انا راكنها دلوقتي تحت البيت وبكره بعد الشغل هوديها عند ميكانيكي تالت غير اللي بتعامل معاهم
انا جايب العربية من شهر ونص تقريبا وخلاص انا اتعقدت
تقريبا كل يومين او تلالته عند الميكانيكي ده غير مشاكل ورقها في المرور
ملفها في مرور ورخصتها مرور تاني في محافظة تانيه وماشي بتصريح وتوكيل ادارة
والدي بيقولي سيبهالي واخد عربيته الكورولا بس انا خايف عليه من مشاكلها
ياريت لو تنصحوني اعمل ايه بالظبط علشان انا بسافر كتيير تقريبا كل 4 ايام
ومش عايزها تقف معايا تاني
وياريت اسم ميكانيكي محترم مايشتغلنيش وبيفهم في الفليشيا في مدينة نصر علشان انا على قدي في ميكانيكا العربيات
رقم العضوية : 142588
تاريخ التسجيل : 07May2013
المشاركات : 75
النوع : ذكر
الاقامة : القاهرة
السيارة: سكودا فليشيا
السيارة[2]: تويوتا كورولا
الحالة :
نسيت اقول
العربية سكودا فليشيا موديل 95
تكييف وسنتر لوك بس
رقم العضوية : 130759
تاريخ التسجيل : 31Oct2012
المشاركات : 174
النوع : ذكر
الاقامة : zagzig
السيارة: marceds
السيارة[2]: opel
الحالة :
حضرتك جبتها بكام
رقم العضوية : 70595
تاريخ التسجيل : 14May2010
المشاركات : 129
النوع : ذكر
الاقامة : egypt
السيارة: اكسنت
السيارة[2]: جولف 2
دراجة بخارية: لا يوجد
الحالة :
بص حضرتك كل اللى بيحصل معاك حصل معايا بس للامانه من غير حكايه الدركسيون دا
اول ما كنت بشغل التكيف العربيه كانت بتوصل ل110 درجة حرارة
وساعات تانيه تقف خالص ومش تشتغل وبعد حوالى ساعه كده تشتغل لوحدها
ومن غير تكيف كانت بتسخن بردو وعملت كل حاجة ومافيش فيدة فى حكايه السخونه دى
وسحب وحش جدا
وكل كام شهر تجيب جوان وش سيلند
المهم بقى هقولك عليه التكيف اللى عندك متركب على العربيه مش الاصلى بتعها زى ما كان عندى وطبعا ضعيف جدا ومهما هتعمل انا اسف يعنى مش هيديك نتيجة كويسه
انا كنت زى حضرتك كدة والعربيه كانت فبريكه جوه وبره بس هى عربيه سيئة السمعه
وكان قرارى فى الاخر طبعا انى بعتها وخلصت منها وجبت اكسنت عربيه تحفه سحب وتكيف وشكل عام كويس وقطع غيار رخيصه والفرق بينها وبين الفليشيا مش مبلغ كبير وطبعا لما جيت بعت الفليشيا خسرت فيها جامد بس الحمد لله على كده واديها كانت تجربه
رقم العضوية : 136267
تاريخ التسجيل : 10Mar2013
المشاركات : 1,993
النوع : ذكر
الاقامة : none
السيارة: none
السيارة[2]: none
الحالة :
أنا شايف انك محسود ، والعربية دي نحس وقدمها مش كويس عليك وهتبهدلك وأمامك حل من اتنين:
الاول : وهو الافضل انك تبيعها وتجيب حاجة سهلة يمكن تغيير الاقدام يكون هو حل المشكلة
الثاني: لو مش مقتنع بحكاية النحس والحسد هو انك تشتري نص أمامي استيراد بحالة كويسة وتشيل ده وتحط ده بس يكون ميكانيكي متخصص معاك
وربنا يزيح عنك لأني مريت بنفس تجربتك ، وعشان كده بديك الخلاصة
وداعا
رقم العضوية : 118934
تاريخ التسجيل : 10Jan2012
المشاركات : 420
النوع : ذكر
الاقامة : مدينة نصر
السيارة: شيفورليه لانوس
السيارة[2]: سكودا فليشيا 97 glx
دراجة بخارية: لايوجد
الحالة :
من الاخر معظم الناس اللى بتبع العربيات بتاعتها المستعمله بتكون قرفت منها من كتر المشاكل وباين كدة انتا وزميلك وقعت فى النوعية دية طالما انتا مش شاريها من حد بيحب يصرف على العربية بتاعتة عشان تريحة.
الفليشيا عربية اعتمادية من الدرجة الاولى يعنى تقدر تعتمد عليها فى اى موقف سواء سفر لمسافات بعيدة او تحملها حمولة زائدة او لاقدر الله تنقذك من الحوادث لمتانتها وثباتها على الارض لكن عشان توصل لكل دة مطلوب منك الاتى
اول اربع شهور يعتبروا جس نبض لمشاكل العربية وتحضر مبلغ من 3000 الى 5000 وتروح لميكانيكى تخصص اسكودا بس ولما تغير قطع الغيار تغيرها بالاصلى ومينفعش تعتمد على العربية دية اول شهرين من شراءها لحد متكتشف كل مشاكلها وصدقنى هتصرف فى الاول بس فلوسك هتتمتع بيها بعد كدة ومش هتروح على الفاضى. متنساش العربية موديل 95 يعنى بقلها 18 سنة شغالة وعشان ترجع زى الاول لازم تصرف ومع احترامى للاكسنت لو العربيتين على الزيرو ونفس تاريخ التصنيع الفليشا تكسب
رقم العضوية : 131454
تاريخ التسجيل : 19Nov2012
المشاركات : 118
النوع : ذكر
الاقامة : المدينة المنورة & طنطا
السيارة: Lancer 2003
السيارة[2]: Cerato 2011
الحالة :
قدر الله و ما شاء فعل و دايما احمد ربنا
لانى مريت بنفس التجربة دى بس مع لانسر و فى السعودية معروفة هنا ان قطع الغيار غالية جدا جدا
و صرفت فعلا عليها فى اول 3 شهور 7000 الالاف ريال مع انى جايبها ب 11 الف
و طبعا بعد الخسارة دة لو هتبيع عمرك ما هتوصل لى 13000 بالعافية فكان لازن اكمل فى الخسارةو استحمل
و انتا قدامك الحلين من دلوقتى بس نصيحة بيع بكل امانة و اشترى اعلى من كده لان فعلا 18 سنه شغل يبقى هتصرف و كل يوم هتلاقى حاجة جديدة بتطلع فيها
رقم العضوية : 7018
تاريخ التسجيل : 06Mar2008
المشاركات : 6,388
النوع : ذكر
الاقامة : Cairo
السيارة: Mercedes C200
السيارة[2]: Golf MKII
دراجة بخارية: Honda CBR 400 FireBlade
الحالة :
رقم العضوية : 129293
تاريخ التسجيل : 11Sep2012
المشاركات : 897
النوع : ذكر
الاقامة : العاشرمن رمضان
السيارة: لانوس
السيارة[2]: شاهين
دراجة بخارية: مش بعرف أسوقها
الحالة :
رقم العضوية : 81989
تاريخ التسجيل : 05Oct2010
المشاركات : 3,826
النوع : ذكر
الاقامة : 7adayek el ahram
السيارة: ----------------------
السيارة[2]: ----------------------
دراجة بخارية: لا
الحالة :
العربية كل اللى محتاجاه من الاخر ............................ ميكانيكى بيفهم مش واحد بيلصم
[img2]http://nileup.com/up/uploads/nilemotors_13649876441.jpg[/img2]
المفضلات