الكاسيت kenwood

**Ahmed Lotfy** · 17-06-2013 11:09 AM

اولا انا عايز اعرف الكاسيت الkenwood اللى فى الصني الشكل القديم كويس ولا لا .

ثانيا انا قررت انى اغير السماعات وان شاء الله هاجيب سماعات الkenwood ال 400 وات الاصلية فهل هى مناسبة مع الكاسيت وسعرها عامل كام وفي اى سماعات مقترحة من حضراتكم .
ثالثا وانا بشوف سماعات العربيه اللى راكبه لاقيتها goldi وبصراحه اول مرة اسمع عن النوع دة فهل النوع دة كويس .

**Ramy Rateb** · 17-06-2013 01:25 PM

بالنسبة للكاسيت أستأذنك فى الرقم اللى عليه عشان أعرف موديله.
بالنسبة للسماعات هل اللى حضرتك هتجيبهم بيضاوي و لا دائرى .. الأصليين عبارة عن دائرى مقاس ١٦ فلو جبت السماعات الجديدة دائرى ١٦ هيركبوا على طول بدون تعديل .. أما لو جبتهم بيضاوي هتضطر أنك تقص فى الصاج على المقاس الجديد(اللى بيتقص حتة صغيرة لتحويل المكان من دائرى لبيضاوى).
السماعات بيبقى مكتوب عليها ٣٠٠ او ٣٥٠ او ٤٠٠ وات بس فيه رقم تانى هو اللى بيوضح قدرة السماعة الحقيقية اسمه rms و ده كل ما يكون عالى كل ما تكون السماعة أقوى. لكن برضه بيخضع للأخر لقوة الكاسيت . يعنى ممكن تجيب سماعات قوية لكن الكاسيت خرجه ضعيف فساعتها مش هتأخد قدرة السماعات كلها.
السماعات الأصلية "جولدى" تعبانة جداً.