رابطه مالكي الفيرنا ...الجزء الاول الاخير

**verna2008auto** · 10-11-2013 02:39 PM

المشاركة الأصلية كتبت بواسطة kogypt

السلام عليكم
احمد عبد السلام
فيرنا 2009 مانيوال هاف اوبشن
عامله 96000 كم
بمناسبة ان ديه اول مشاركة ليا كنت عايز اعرف ازاى اعرف ان الدبرياج عايز يتغير من قبل ما يعملها و يبوظ و كمان عايز اعرف بلى العجل اعرف ازاى انه عايز يتغير و بيتغير على كام؟

الف اهلا وسهلا بيك ..

ياباشا شرفت ..

بالنسبه لسؤلاتك ... ممكن بس تقولي هوا الواحد مننا ممكن ياخد الدوا الاول وبعد كده يجيله اعراض المرض وبعد كده يروح للدكتور ..؟؟!!!

طبعا مش ممكن ..
ايوه ممكن اننا نكشف وقائي ..ونعمل تحاليل وقائي ..لاكن العلاج وقت المرض .. شفانا الله وعافانا ..

ده كلامي معاك بالنسبه للفيرنا ..
يعني ما تستبخلش فيها زيت محترم وتغيره في المعاد
تغيير سيورك في المعاد والفلاتر برده
نوع البنزين والفلتر
كل ده (( تمام التمام ))

لكن تروح لميكانيكي او مركز صيانه تقله (( هيا العربية ها تعملها معايا امتا )) ده ما ينفعش
بالنسبه لعرض بلي العجل ..صوت عالي (( فوووو )) وبكده يتغير ... ما عملش الصوت .. ما تفكرش اصلا تيجي نحيته..

والفتيس ((( شرحه ..)) يعني ماشي تمام التمام .. ماتفتحش علي نفسك ..
مش كيييييده واله ايييه

**fa_hashem** · 11-11-2013 11:49 AM

المشاركة الأصلية كتبت بواسطة verna2008auto

انت تاعب نفسك ليه ..
بالنسبه لمكان تشتري منه اي كلبس بلاستك اي خرطوم كاوتش اي شيء تحلم بيه
( بدايه ش جمال عبد الناصر من ناحيه نزله السلام من الدائري بالتحديد نزله رقم 17 ) المنطقه دي اسمها بدايه الحرفيين .. في هناك محل مشهووور جدا اسمه المصريين .. عنده اللي بتحلم بيه .. ومش ها يكلفك حاجه .. غير الخرطيم ..وادعيلي (( بكلبساته ))

شكرا ياباشا علي سرعة ردك بس دلوقتي اللي أنا فهمته أن سبب دخول المياه جنب السواق أن الخراطيم عايزة تتغير صح و الخراطيم ديه هي المسئولة عن تصريف الميه اللي بتنزل في المزراب صح الكلام كده

و شكرا ليك مرة تانية

**kogypt** · 11-11-2013 12:22 PM

المشاركة الأصلية كتبت بواسطة verna2008auto

الف اهلا وسهلا بيك ..

ياباشا شرفت ..

بالنسبه لسؤلاتك ... ممكن بس تقولي هوا الواحد مننا ممكن ياخد الدوا الاول وبعد كده يجيله اعراض المرض وبعد كده يروح للدكتور ..؟؟!!!

طبعا مش ممكن ..
ايوه ممكن اننا نكشف وقائي ..ونعمل تحاليل وقائي ..لاكن العلاج وقت المرض .. شفانا الله وعافانا ..

ده كلامي معاك بالنسبه للفيرنا ..
يعني ما تستبخلش فيها زيت محترم وتغيره في المعاد
تغيير سيورك في المعاد والفلاتر برده
نوع البنزين والفلتر
كل ده (( تمام التمام ))

لكن تروح لميكانيكي او مركز صيانه تقله (( هيا العربية ها تعملها معايا امتا )) ده ما ينفعش
بالنسبه لعرض بلي العجل ..صوت عالي (( فوووو )) وبكده يتغير ... ما عملش الصوت .. ما تفكرش اصلا تيجي نحيته..

والفتيس ((( شرحه ..)) يعني ماشي تمام التمام .. ماتفتحش علي نفسك ..
مش كيييييده واله ايييه

يا باشا الف شكر على الرد الجميل ده و كلامك سليم 100/100 بس اللى عايز اقولوا ان دايماً فى مقدمات لأى حاجة زى ما انت قولت كده على بلى العجل لو عمل فوووووو بيتغير يبقى اكيد بردوا الدبرياج ليه مقدمة و لا ايييييييييه

**wael6** · 18-11-2013 12:32 AM

السلام عليكم
العربيه فيرنا تاكسي غاز ماشيه حوالى 37 الف كم

1- دواسة البنزين بتعلق فى اول الدوسه
انا كنت فاكر المشاية اللى حاشره فى الدواسه لكن اكتشفت ان الدواسه نفسها تقيله لدرجه انها بتقف ثم اضغط جامد تشتغل ؟
هل ده له علاقه ان ال rpm ساعات فى اول التشغيل بيكون عالى ويفضل عالى لحد ما تسخن او لما ادوس بنزين ؟

2- ايه افضل زيت للموتور لا يزيد عن 5 الاف كم
انا حاليا بحط شل الاصفر

3- الهوايه اللى بتركب ع الابواب من الخارج بكام ؟

4- الصدادات الطويله اللى بتركب ع الاكصدام بكام ؟

شكرا جزيلا

**verna2008auto** · 19-11-2013 09:55 AM

المشاركة الأصلية كتبت بواسطة wael6

السلام عليكم
العربيه فيرنا تاكسي غاز ماشيه حوالى 37 الف كم

1- دواسة البنزين بتعلق فى اول الدوسه
انا كنت فاكر المشاية اللى حاشره فى الدواسه لكن اكتشفت ان الدواسه نفسها تقيله لدرجه انها بتقف ثم اضغط جامد تشتغل ؟
وارد جدا يكون العيب في سيلك البنزين الحديد .. ووارد جدا انه عاوز يتزيت فقط
ميكانيكي ب 10 جنيه يعملهالك

هل ده له علاقه ان ال rpm ساعات فى اول التشغيل بيكون عالى ويفضل عالى لحد ما تسخن او لما ادوس بنزين ؟
موضوع ال RPM ده شغل حساسات .. نضف حساساتك الاول
[youtube]http://youtu.be/GfVqZdmUaBI[/youtube]
[youtube]http://www.youtube.com/watch?v=GfVqZdmUaBI[/youtube]

2- ايه افضل زيت للموتور لا يزيد عن 5 الاف كم
انا حاليا بحط شل الاصفر
خليك فيه .. كويس

3- الهوايه اللى بتركب ع الابواب من الخارج بكام ؟
انزل التوفيقيه .. هناك كل ما لز وطاب
4- الصدادات الطويله اللى بتركب ع الاكصدام بكام ؟
انصح بعدم تركيبها .. شكلها مش كويس

شكرا جزيلا

**verna2008auto** · 19-11-2013 10:07 PM

المشاركة الأصلية كتبت بواسطة hema60

من احب العربيات علي قلبي كنت هاشتريها بس جبت لانوس عشان انا طويل واللانوس واسعة ممكن حد يقولنا ايه الفرق بين الاتنين ولصالح مين

كلية التربية الرياضية - جامعة بنها

الاتنين ((( اخوات وحبايت )))

**verna2008auto** · 23-11-2013 01:12 PM

هالووو اصدقائي واحبائي ..
من يومين كده حسيت ان الدركسيون مش تمام ..
بمعني اني اجي اشده يمين .. يجي بالعافيه .. ومايرجعش بسرعه ...

شكيت في حجات كتير .. بس والحمد لله فتحت الكبوت وبصيت علي الاربه الخاصه بزيت الباور ...
ولقيت النتيجه ... كان الزيت في القعر .. وناقص ....
وبابص علي الخرطوم الكاوتش اللي رايح للاسكترا لاقيته مشقق ومنفس زيت ..

وبالفعل .. جه وقت العمل ..
كان عندي خرطوم واشتريتله قفيزين ...
تم فك القديم (( سهل جدا )) وتركيب الجديد ...

ومليت القربه ب ATF 220 زيت الفتيس الاوتوماتك ...
ووالحمد لله الدنيا بقت تمام ... والدركسيون اتظبط...

**wael6** · 24-11-2013 10:31 AM

بالنسبة لزيت الفتيس بينزل امتى
العربيه حتى الان ماشية حوالى 35 الف كم
وهل الافضل زيت موبيل 75-85 ولا ايه ؟
وبياخد كام لتر ؟
وشكرا

**wael6** · 24-11-2013 10:36 AM

بالنسبة لسهولة القيادة والمساعدة فى الرؤية
اجيب مرايات بانوراما الكبيره اللى زى اللى بتركب فى ال 7 راكب البيجو
ولااجيب شاشه وكاميرا؟
وهل الكاميرا منفصله عن الشاشه ولا الاتنين واحد
وبتركب الكاميرا فين ؟
وافضل نوع وسعر ليهم ايه ؟

متابع حضراتكم
وشكرا جزيلا

**verna2008auto** · 24-11-2013 10:45 PM

المشاركة الأصلية كتبت بواسطة wael6

بالنسبة لزيت الفتيس بينزل امتى
العربيه حتى الان ماشية حوالى 35 الف كم
وهل الافضل زيت موبيل 75-85 ولا ايه ؟
وبياخد كام لتر ؟
وشكرا

للاسف مش ها اعرف اجاوبك ... لان عربيتي اوتوماتك

..
في الاوتوماتك بتاخد ATF 320 موبيل 2.6 لترات فقط لاغير ..
وبيتغير كل 40.000 الف وبغيره بنفسي ..

الموضوع: رابطه مالكي الفيرنا ...الجزء الاول الاخير

LinkBack

أدوات الموضوع

عرض

-

-

-

-

-

-

-

-

المواضيع المتشابهه

مبن الاول التكييف و لا الوش الاخير

رابطه مالكي الاوبترا

الجزء الاخير من سلسلة انا اسف يا .......

رابطه مالكي النيو اكسنت

الـــقرار الحاســــــــــــم( الجزء الاخير)

الكلمات الدلالية لهذا الموضوع

المفضلات

المفضلات

ضوابط المشاركة