المشاركة الأصلية كتبت بواسطة mohamed wagdy
فيه موضوع كده محيرنى من ساعة مااشتريت فيرنتى وقلت اكيد هلاقى الاجابه هنا
الموضوع باختصار انى لما اشتريت العربيه كانت متفوله فكنت عايز اعرف البنزين الى فيها ده 92 ولا 80 فمشيت بالعربيه وكنت لما بهدى على المطب ادوس بنزين مره واحده لاقيت العربيه بتسحب كويس جدا ومفيش اى تسقيف او كركره حتى لما كنت بطلع عالتانى كانت العربيه بتطلع معايا كويس جدا من غير اى تسقيف . بعدها بيومين قابلت صاحب العربيه الى انا شاريها منه فبندردش مع بعض فبيقولى انت هتحطلها بنزين ايه ؟ قولتله زى مانت معودها 92 طبعا . قالى البنزين الى فيها ده 80 مش 92 بس انا ظابط كهربتها عال 80 عشان كده مدياك سواقة 92 . قولتله ازاى . قالى انا كنت الاول بحطلها 92 لحد من 6 شهور كنت فى اسكندريه وكنت مع واحد صاحب قالى فيه ميكانيكى هنا ممكن يظبطلك كهربة العربيه عال 80 وتمشى بالعربيه كانك حاطط 92 فقولت اجرب وروحناله ركب حاجه كده ( هوه قالى بس انا مش فاكر فين بالظبط ) وقالى اجرب وكانت العربيه فاضيه بنزين فولت 80 ومشيت بالعربيه ومحستش خالص انى حاططلها 80 قالى ومن ساعتها وانا باحطلها 80
فانا مش عارف ازاى الفيرنا بيتظبطلها كهربا عال 80 وهيه اساسا انجيكشن . ويا ترى الكلام ده له تاثير سلبى عالعربيه مع العلم انى حاطتلها بنزين 80 وفعلا مش حاسس نهائى ان ده 80 لان السحب كويس جدا مفيش تسقيف او اى اصوات حتى لما بدوس بنزين جامد مره واحده او اشد مع اى حد
بس فيه حاجه واحده انا ملاحظها ومش عارف ده له علاقه بالموضوع ده ولا لا .
العربيه وهيا بارده وانا بسخنها بيبقى فيها رعشه كده فى الموتور بس مجرد ما اتحرك بالعربيه مفيش اى حاجه نهائى
فمش عارف افولها 80 ومفيش اى ضرر عالعربيه
ولا افولها 92 لان كده له تاثير مش كويس عالموتور
افيدونى