رابطه مالكي الفيرنا ...الجزء الاول الاخير

**shaaban2008** · 19-05-2014 08:29 PM

المشاركة الأصلية كتبت بواسطة wael6

السلام عليكم
بالنسبة لفوانيس الشبورة ( ايه اسعارها وانواعها )
وهل هى عمليه للفيرنا ؟
ولا شكل فقط وتثبيتها ضعيف من الداخل ومعرض لاى خلع او سقوط ؟
وشكرا جزيلا

انا مركبها عندي من سنة وبصراحة تمام اوي لان النور الواطي كان دايما بيضايق اللي في وشي او اللي قدامي انا اشتريت طقم صيني ب 75 جنيه بس غيرت اللمبات بتاعته ب 2 كوري. وفيه كمان الطقم التيواني هتلاقيه في حدود 200 جنيه

**lelouch** · 24-05-2014 06:21 PM

السلام عليكم
انا جبت عربية فيرنا 2010 1600 سي سي عاملة 140 الف كم
الزيت اللي بستخدمه حاليا Mobil Special 20w50
الواحد كل ما يدور في موضوع التخليقي يتوه خصوصا اني بصراحة مش عارف ايه الانواع التخليقية وايه النصف (حاولت ادور مفيش كتالوج يقول ده ايه وده ايه(
هل ده افضل زيت يستخدم؟
ولو هغير ايه المتاح
ويا ريت لو يبقي الموبيل وشيل اكتر لاني في مطروح ومش واثق الاقي وولف وولفين والكلام ده (معلوماتي ضعيفة في الزيوت)
الف شكر مقدما

**RamyEskander** · 25-05-2014 08:43 AM

يا جماعة انا بقالى فترة بعانى من موضوع مراية الجنب عندى المرايا اتكسرت ومش لاقى استيراد غير زى بتاعة الفيفا والجديد سعره غريب شوية هل حد جرب الخامة قبل كدة ارجو الافاده

**wael6** · 06-06-2014 04:27 PM

السلام عليكم
الايريال اتقطم من اول عقله من تحت ومعدش بيقفل للاخر بس الراديو شغال والكاسيت عادى
هل ممكن يتلحم او يتظبط من جوه ولا لا ؟
ولو اتغير هيتغير جديد ولا استيراد ؟ وبكام من فضلكم؟
وللاسف السبب كان عربية مطافى وانا بميلها يمين ومدى اشاره والطريق كان زحمة ادامى جدا وفى كل الحارات
وكان جزائي انى يكسرلي الفانوس والاريال وحكة فى الرفرف وعوضي على الله
منتهى الاستهتار بمقدرات الناس

وللعلم راح لقه الحريقة اطفئت ورجع من نفس الطريق المعاكس وكان امامه الطريق السليم؟
منتهى الغباء والاستهتار

اسف للاطاله
وشكرا جزيلا

**wael6** · 06-06-2014 05:58 PM

السلام عليكم
ممكن اسال عن المهندس محمد عبد الجواد وسبب غيابه ووقفه ؟
ويارب يكون بخير
وشكرا

**gmslem** · 07-06-2014 03:49 AM

بسم الله الرحمن الرحيم

السادة الأفاضل ... عندي فيرنا 2011 لسه مغير لها زيت بيزول الخضر 10 آلاف كيلو من اسبوع و معه طقم سرفيس ..... و فلش للموتور

............ المهم فرحتني كثيرررر لأنها عملت أفضل معدل استهلاك بنزين ..... لأنها مشيت 425 كيلو ب 34 لتر بنزين 92

.... علما بان السرعة كانت من 110 إلى 70 و الطرق على الدائري و الاوتوستراد .... من الرماية - التجمع - مصر الجديدة - مدينة نصر - اكتوبر .........

شكرا لفرنتي

**wael6** · 12-06-2014 04:29 PM

لسلام عليكم
عربيتي فيرنا كامله من غير فوانيس شبورة
سالت على فوانيس الشبورة التايوانى 200 ج + زرار 70 ج
لمبتين اصلي 90ج + المصنعية اعتقد 50 ج
حوالى 410 ج او يزيد ؟

الكهربائي شار عليا وقالى اعملك كتاوت للعالى وكتاوت اخرى للواطى وتعتمد على الفوانيس افضل وكمان هتوفر التكلفة
وهعملهملك بحوالى 150 ج ؟
للعلم انا مغير لمبات الفوانيس الى لمبات فيلبس اصلي نفس الوات اللى نازل مع الفيرنا ومن غير تركيب كتاوت اضافيه ونورها شديد وكويس الحمد لله

وكمان فوانيس الشبورة لو جه عليهم مياه من الشارع وهما سخنين هيطقوا ويبوظوا ؟
بخلاف انهم معرضين للكسر ؟

متابع رايكم القيم
وشكرا جزيلا

**mabdo** · 14-06-2014 07:44 AM

يا جماعة الخير الفيرناوية
إليكم هذه التجربة ويعقبها استفسار.

عديت على مطب ابن جزمة وكنت مركب حمولة عائلية وزن ضخم، طبعًا حصل احتكاك بعلبة الشكمان الخلفية وبعدها بيومين العربية ابتدت تعمل صوت عالي.
اتضح إن علبة الشكمان اتكسرت من عند اللحام بتاعها بالماسورة، فكت خالص بس طبعًا فضلت متعلقة بالعلاقات الكاوتش بتاعتها.

رحت عند بتاع الشكمانات، قالي العلبة بتاعتها الأصلية -حسب كلامه- بـ 220
بصيت عليها لقيت شكلها مش لطيف والصاج بتاعها مختلف وأخف من اللي راكبة.
قلت له لا مش هاتشتغل معايا، طلع لي واحدة تانية -مستعملة- بس صاجها نضيف ومجلفن وصناعتها وتقفيلها شكله محترم وكدهوت، بكام يا عم قال لي بـ 120.
فيه فرق في الحجم، دي مبططة أكتر، يعني احتكاكها بالمطبات هايكون أقل، وهي عمومًا أقل في الحجم/ السعة بحوالي 15-20%

أنا كنت شاكك إن الحجم الأقل ممكن يزود سخونية الموتور (لأنه هايقلل من اندفاع الهوا الخارج مثلاً) ولكن حتى الآن راكبة بقالها حوالي 5 أيام والنهاردة أخدت بيها مشوار سفر 160 ك ومتوسط السرعة 100 ك/س والدنيا بيس........... لغاية دلوقتي..

بس كده

فيرنا فيرنا .. تاحيا فيرنا ..

الاستفسار بأة في المداخلة التالية

**mabdo** · 14-06-2014 07:46 AM

بالنوسبة لجهاز الإنذار
بيشتغل لوحده، كل شوية تيت تيت تيت تيت تيت تيت تيت تيت تيت
وحاجة بنت جزمة
المطلوب إما إلغاء إنه يعمل تيت تيتيتيتيتيتيتيتيت دي
إو تغييره بالكامل
عايز أجرب الأول العب فيه والغي التيتيتيتتيتيتي...
السؤال بأة..

أين يقع جهاز الإنذار في السيارة الفيرنا 2007؟
وسؤال كمان
هل من طريقة ما لضبط موضوع اليتتيتيتتيتيت ده عن طريق الريموت؟
حد عنده معلومات؟

فيرنا فيرنا .. تاحيا فيرنا ..

**medo_omara2009** · 15-06-2014 03:09 PM

[QUOTE=mabdo;3875622398]بالنوسبة لجهاز الإنذار
بيشتغل لوحده، كل شوية تيت تيت تيت تيت تيت تيت تيت تيت تيت
وحاجة بنت جزمة
المطلوب إما إلغاء إنه يعمل تيت تيتيتيتيتيتيتيتيت دي
إو تغييره بالكامل
عايز أجرب الأول العب فيه والغي التيتيتيتتيتيتي...
السؤال بأة..

أين يقع جهاز الإنذار في السيارة الفيرنا 2007؟
وسؤال كمان
هل من طريقة ما لضبط موضوع اليتتيتيتتيتيت ده عن طريق الريموت؟
حد عنده معلومات؟

فيرنا فيرنا .. تاحيا فيرنا ..[/QU
جهاز الانذار عموما بيبقي في حاجه اسمها حساس وده ممكن يعلي ويوطي اسال كهربائي عشان يوطيه شويه وبكده مش حتعمل معاك كده تاني ان شاء الله عن تجربه شخصيه

الموضوع: رابطه مالكي الفيرنا ...الجزء الاول الاخير

LinkBack

أدوات الموضوع

عرض

-

-

-

-

-

المواضيع المتشابهه

مبن الاول التكييف و لا الوش الاخير

رابطه مالكي الاوبترا

الجزء الاخير من سلسلة انا اسف يا .......

رابطه مالكي النيو اكسنت

الـــقرار الحاســــــــــــم( الجزء الاخير)

الكلمات الدلالية لهذا الموضوع

المفضلات

المفضلات

ضوابط المشاركة