السلام عليكم يا فيرناوية ..

عندي مشكلة .. هيا صحيح هايفة بس مضايقاني !
بمناسبة عيد الفطر اللي فات كل سنة وأنتم طيبين . قولت طالما كلنا بنلبس جديد في العيد يبقى ليه فيرنتي حبيبتي ماتلبس هيا كمان حاجة جديدة؟!
روحت جبتلها طقم كفرات نيكل للمرايات وللمقابض ، وعراقات جديدة للكراسي علي فوّاحة علي كام حاجة كده .. عشان أروشنها وأبسطها علي الآخر ...
المهم ركبت الكفرات ... كله ركب باللزق الدبل فيس زي الفل ..لكن فيه مقبض واحد غلس مش راضي يثبت .. ودايماً بيسيب اللزق وبيفك .. ، جربت غيرت له الدبل فيس برضه مش عاوز يثبت !
بعدها بكام يوم لاقيته فاكك وعيّل في الشارع بيشد فيه !! ... ياوااد سيب المقبض ياواااد !! ... ولا هوه هنا !
طبعاً روحت نازل له كان الحمد لله ربنا وفقه وقدر يخلع المقبض تماما ً !... شكرته علي تعبه واخدته منه وقولتله غووووور ياااد من هنا !
دلوقتي موضوع الدبل فيس ده مش قد كده ! .. فكنت بافكر هل ممكن استخدم لصق السيليكون بتاع الزجاج في اني الزق المقبض في الباب مباشرة ؟؟
او ممكن استخدم مسدس شمع مثلا ً
ياترى ده هايبقي له تأثير على صاج العربية و الدهان ؟؟
فكروا معايا ياجماعة ربنا يخليلكوا فيرنواتكم يارب