الموضوع: رابطه مالكي الفيرنا ...الجزء الاول الاخير

المشاركة الأصلية كتبت بواسطة bassem samir

انا اسمي باسم سمير و معايا فيرنا 2013 gls وبجد حابب انضم ليكم يا جماعة بس عندي مشكلة الاول العربية عاملة 3990ك بس فيها مشكلة ان بعد ماعملت صيانة 1000ك ظهرت صريخ في الملفات فرحت تاني فعملو ظبط زوايا وبعدين بعد ماعديت ال 3000ك لقيت رجرجة بعد 90 فرحت عند بتاع كاوتش رصص العجل لقيت ان العجلتين الادامانيين كانو ضايعين المهم بعد ماعملت الترصيص ظهرت الرجرجة بس بعد ال100ك في العربية مش في الدركسيون و صوت تقطيع خفيف في الشكمان بيظهر اكتر لما باشغل التكييف
فياريت ارجو الافادة .... اعيد الترصيص ولا اعمل ايه؟؟؟؟ وحكاية التقطيع اللي في صوت الشكمان تبقي ايه؟؟؟
والف شكر على زوقكم

هاللو باسم باشا بيك (( مومبيك ))
والف مبروك علي فيرنتك وانضمامك لكل الفيرناويه ((( المتعصبين المنحازين الجامدين )))


خلينا نقسم (( الظواهر اللي انتا بتشفها في الفيرنا )) انا مش ها اقول مشاكل انا ها اقول ظواهر
نقسمهم الاول

يا مومبيك وبناء علي (( خبرتي )) المعمليه العلميه الفزه

موضوع الكاوتش ده ممكن تصبر عليه بالبلدي لغايه ما يطبع يعني شهر كمان كده

الحاجه التانيه بلاش الهاس هاس .. عربيتك زي الفل .

.ومش ممكت يكون فيه تقطيع في الشكمان الا لو لاقدر الله اعتقد كان البنزين مغشوش واله فيه شيء مش تمام

طيب الحل اليه
1- رقم ال 4 فرد كاوتش بتوعك عشان تعرف مين اللي كان قدام ومين كان ورا بعد مده
2-لما ترصص الكاوتش (( انصحك انك اصلا تفك الحديد وتشغل ماكينه الترصيص علي الجنط الحديد بس عشان تعرف انهي جنطين كويسين وتخليهم قدام .. وبعد كده ركب عليهم الكاوتش ورصص عادي
3-بعد الموضوع ده .. امش عادي مده شهر او 2 والله الكاوتش بتاعك ها يطبع علي عفشه العربية وهايبقي تمام