بالصور تغيير طبب مياه الموتور الامامية
بسم الله الرحمن الرحيم
السلام عليكم ورحمة الله وبركاتة
اعضاء المنتدى الكرام حبيت انقل تجريبتى فى تغير طبب المياه الامامية اللى تحت الفرن والحمدلله عملتهم بنفسى
فى البدايه الحمدلله انها معملتهاش معايا وانا ماشى كنت هدمر الموتور الللى حيلتى
انا كنت بغير بوجهات وجيت ادوس كام دوسة كدة والاقى مية متنزل من تحت الفرن
وكل ما ادوس المية تزيد
المهم نبدا بسم الله
نفك كابل البطارية السالب
ونفك فيشة حساس الشكمان
ونفك الصاجة اللى على الفرن وهى مربوطة بثلاث مسامير 12
http://nileup.com/up/uploads/nilemotors_13714669871.jpg
ودى صورة بعد ماطلعت
http://nileup.com/up/uploads/nilemotors_13714669872.jpg
وبعدين هيظهر القرن بالشكل دة
http://nileup.com/up/uploads/nilemotors_13714669873.jpg
قبل مانفك الفرن هنفك المشترك الاول من تحت
نرفع العربية ونحجرها ونجيب دواسة وننزل تحت
وهناخد معانا بيبة طويلة 14 او لقمة 14 ويد
وانا مامعيش لا ده ولا ده وفكيت بمفتاح واتزليت زل السنين
الاول هنفك المسمارين اللى مسكين فى البلوك من تحت
http://nileup.com/up/uploads/nilemotors_13714669876.jpg
وبعدين نفك الثلاث مسامير اللى فى المشترك
http://nileup.com/up/uploads/nilemotors_13714669877.jpg
وبعد كدة ننزل المشترك من الفرن ونسيبة تحت
http://nileup.com/up/uploads/nilemotors_13714669878.jpg
فيه حاجة وانت بتفك من تحت خليك بعيد عن المسمار اللى بتفكه
عشان لو فيه رايش ماينزلش فى عنيك
وبعدين هنطلع فوق ونفك المراوح عشان نوسع لنفسنا
http://nileup.com/up/uploads/nilemotors_13714669874.jpg
المروحة التانية بتكون نفس المسمارين
وزيادة كمان مسمار عند الطبة بتاع الريداتير
ونبتدى نفك الفرن ونطلعة من مكانة
http://nileup.com/up/uploads/nilemotors_13714669879.jpg
http://nileup.com/up/uploads/nilemot...7146698710.jpg
هيظر معانا الشكل دة
http://nileup.com/up/uploads/nilemotors_13714676961.jpg
الاربع طبب اللى موجودين فى البلوك
وبيكون فيهم طبة ورا قاعدة الباور ودى اغبى حاجة
لانك لازم تفك التكييف والقاعدة بتاعتة والباور والقاعدة بتاعتة
وانا عشان ماعنديش وقت غيرت طبة واحدة اللى هية كانت بتجيب ميه
ودى صورتها هية بتجي ميه
http://nileup.com/up/uploads/nilemotors_13714676962.jpg
بعدين هنجيب مفك عادة صغير زى دة وشاكوش
http://nileup.com/up/uploads/nilemotors_13714676963.jpg
ونبتدى ندق على الطبه من جنب واحد فقط ونخلى بالنا ان لو المفك دخل جوه الموتور وانت بدق هيكسر الشمايز
والشاكوش بردة خلى بالك لحسن يخرم الريداتير
وبعد الطبة هتطلع بالمنظر دة
http://nileup.com/up/uploads/nilemotors_13714676964.jpg
ونشدها ببنسة
http://nileup.com/up/uploads/nilemotors_13714676965.jpg
ودى مكانها فى البلوك هنصفرة كويس بصنفرة خشنة
http://nileup.com/up/uploads/nilemotors_13714676966.jpg
ونحضر الطبة الجديدة وهية مقاسها 34 لو روحت لواحد متخخص دايو هيطلعهالك على طول
وثمنها 5 جنيهات
http://nileup.com/up/uploads/nilemotors_13714676967.jpg
وبعدين نحضر معجون لحام ارنديد
وبيكون انبوبتين يضافه على بعض
وثمنة 10ج
http://nileup.com/up/uploads/nilemotors_13714676968.jpg
وبعد كدة هنعمل شويه معجون ونحطهم على الطبة من وارا وعلى الاطراف اللى هتركب على البلوك
ويسلام لو فيه لقمة 24 قصيرة نبيت بيها الطبة يبقى تمام قوى
وانا طبعا ماعنديش فازلتنى لما بيتها بالشاكوش بس
http://nileup.com/up/uploads/nilemotors_13714676979.jpg
وبعدين هنجيب بردوة شوية معجون ونطيفهم على الطبة من برة
والمرة بردة على كل الطبب
وكدة نيجى للتقفيل
بالنسبة للجوانات
لو جوان الفرن طلع حلتة وحشة غيرة وهو بـ 20ج
انا ركبت القديم لانة بحالتة
وجوان المشترك لو مش سليم هتغيرة بـ 10ج
وكدة مبروك عليك
نركب فيشة حساس الشكمان وكابل البطارية ونذود المايه
وبعدين ندور ونعمل ايدل ليرن
وناخد هوا من دورة الميه وننتظر لغاية ما المراوح تشتغل مرتين تلاتة
وفى النهاية احب اقول
لو ملكش فى الفك والتركيب احسلك بلاش
عشان ممكن المك زى ماقولت يدخل جوة الموتور وتكسر شمايز
ويبقى كدة الموتور اترمى فى الزبالة
او ممكن الشاككوش يخبط الريداتير يخرمة
من الاخر
اى حد هيعمل الموضوع دة
هيكون على مسؤليتة الشخصية وانا مش مسؤل
شكرا اعضاء المنتدى الكرام
لحسن استماعكم والسلام عليكم ورحمة الله وبركاتة
:36_1_34[1]: