فى عرسة فى العربية ..... لانوس 2

**ahmedhilmy** · 18-06-2013 01:17 AM

دخلت من المكان اللي هي محبوسه فيه دلوقتي لأن العرسه بتخرج من مكان دخولها و نظرا لأنها كانت عايزه تهرب من هنا يبقي ده مكان دخولها هتلاقي طبه عندك في الشنطه - الاريال - فايز تنك البنزين اي حاجه في المنطقه دي مش متركبه صح المهم تخرج الأول و بعدين اغسل العربيه بجاز علشان يخفي ريحتها و بالتالي مش هتدخل تاني

**Ahmed-SAMIR** · 18-06-2013 02:03 AM

المشاركة الأصلية كتبت بواسطة dedo_ryo

الشيح و عن تجربه انا اللي قالي عليها بتاع البنزينه و انا بشحم زمان لقي عضم في الكابوت قالي هات شيح و لفه في شاش و علقه و فعلا من ساعتها مشوفتش العرس خالص الا لما الشيح راح مفعوله و ربنا يخلصك منها بسرعه

حلوة برضه فكرة الشاش دى

**casper9114** · 18-06-2013 02:03 AM

بص يا باشا ان خبرة قديمة مع الكائن المقظظ دة كان عندى 131 و كنت كل مرة اركبها لازم اخبط عليها عشان تجرى بص جطييط شيح ولا حتى سم فران مش هيعمل مفعول العرس بتشم الريحة بتعتها و بتيجى عاليها و بعدين بتدخل و بتخرج من نفس المكان حتى لو فتحتلها الببان كلها و متدورش عليها هى اكيد خرجت من ساعت منتا شفتها مش هتستنى كل دة

يص ديما العرسة بتدخل من كارتيرة الى فوق العجل الانها بطلها بسهولة اتاكد من الدليات و الكرتيرة و بعدين اغسل العربية غسلة تضيفة و سيبك من البريسول لو شامتوا هتؤلك كماااااان و ربنا يجعل كلمنا خفيف عاليها

**MITSUKERO** · 18-06-2013 10:26 AM

مصيدة

انا كان عندي فار و دخل ساعة ما كنت سايب العربية بتعمل طقم شنبر و الحل مصيدة جابته في نفس اليوم

حط بس حاجة بتغريها انها تدخل و المصدية يفضل انها تبقي جديدة

**VANTROY** · 18-06-2013 04:09 PM

دلوقتى انا عايز اعرف المكان اللى دخلت منه ؟

عندى طبب الشنطة سليمة وفى مكانها ... والاريال متركب تمام ... يبقى هاتدخل ازاى من الشنطة؟

وتانى حاجة عايز اعرفها ... هى العرسة دى لو فى الشنطة تدخل الصالون ازاى والعكس ....

انا شفتها دخلت تحت التابلوه ناحية الدرج وبعدها بساعة لقيتها فى شنطة العربية عند الاستبن ...

ايه المكان المشترك بينهم

انا جبت سم فار وحطيته على حته لحمة نية فى شنطة العربية على امل انها تجوع وتاكلها وربنا يرحمنا منها

**E_medo77** · 18-06-2013 04:35 PM

المشاركة الأصلية كتبت بواسطة vantroy

دلوقتى انا عايز اعرف المكان اللى دخلت منه ؟

عندى طبب الشنطة سليمة وفى مكانها ... والاريال متركب تمام ... يبقى هاتدخل ازاى من الشنطة؟

وتانى حاجة عايز اعرفها ... هى العرسة دى لو فى الشنطة تدخل الصالون ازاى والعكس ....

انا شفتها دخلت تحت التابلوه ناحية الدرج وبعدها بساعة لقيتها فى شنطة العربية عند الاستبن ...

ايه المكان المشترك بينهم

انا جبت سم فار وحطيته على حته لحمة نية فى شنطة العربية على امل انها تجوع وتاكلها وربنا يرحمنا منها

بص يا باشا ... انا كانت عندى عرسه زيها وكانت مبهدله العربيه قرف وريحه معفنه وكنت سادد كل الفتحات الموجوده تحت الاستبن بتاعه تصريف المياه وفى الاخر لاقيت لما فكيت فبر الجنب اليمين فى الشنطه (اللى هى واخده من اول الفوانيس كده لحد الكنبه )فتحه زى فتحه تانك البنزين كده منها للصاج الخارجى ثم للشارع قمت قافلها كويس بورق جرايد كتييييييييير ومن بعدها مالاقتش العرسه تانى

**مصطفى-حسن** · 18-06-2013 05:53 PM

زى ما قلت لك على الخاص
هجاوبك هنا
عشان تبقى المعلومة يستفيد منها الحميع
وبالصور كمان
الاول هبدأ بالحاجات السهلة
وبعد ما تبص عليها
نخش على الاماكن الصعبة
وهستعين بصور التقطها اثناء عملية عزل الصالون بالكامل
الاول صدر العربية
الاماكن اللى ممكن تخش منها العرسة او الفار

لكن بما انك بتقول ان العرسة اختفت تحت درج التابلوة وبعدين ظهرت فى الشنطة
فدة معناة انها بتمشى فى العلبة اليمين اللى تحت
ودة معناة انك محتاج ترفع العربية
وتفك العجلة اللى قدام يمين
وتشيل الفبر
وتبص فى المنطقة دى وتفحصها كويس
من التجويف من الداخل
ومن تحت عند اماكن تثبيت الرفرف اليمين
فية طبب فى الحتة دى مدارية شوية
ودة معناة ان المكان الوحيد الى بتستخبى فية وهية مطمنة هيا العلبة اليمين اللى تحت
ودى صورتها

ربنا يستر ومتموتش فى العلبة
هتكرة العربية
وتكرة نفسك
من ريحة العرسة لما تموت
ومش هتعرف تطلعها من العلبة الا بتضحية مؤلمة
فالحق بص على الحاجات اللى قولتلك عليها لانى قريت انك حطيت لها لحمة مسممة
وانا مكمل معاك

**msafa** · 19-06-2013 02:51 AM

انا كان عندي سعاد الله يمسيها بالخير
كانت في الشنطة و عايشة حياتها عادي و يا ما سافرت معايا و مش عارف هي فين

سروجي الله يكرمه وصل للفيبرة و سدها
و راحت سعاد