ايه اخبار الشارك ال 1.6

**M I D O** · 26-06-2013 11:52 AM

المشاركة الأصلية كتبت بواسطة ahmed travco

السلام عليكم...
انا معايا 2013 اعلى فئة وبصراحة بصراحة... عربية فوق الممتازة!!! عمري ما ندمت ولا هندم اني فضلتها على كل العربيات في الفئة دي... وعمري ما كنت ماشي بيها وبصيت على كورولا او حتى سيفيك او فانتازيا وحسيت بغيرة.. بالعكس عربية شكلها جبار لا تمل منه وتحس انها لافتة النظر والناس محترماها وعارفة ان اللي راكبها فاهم وغاوي... بس نصيحة يا ريت اعلى فئة علشان تستمتع زيادة...
العربية ثباتها خراااافي بجد (ودة اللي كنت بدور عليه بالسعر دة)... انا بشتغل في مرسى علم وبسافر كل يوم 70 كيلو مرتين على طريق استغفر الله العظيم... انا في شركة سياحة وطبعا بيبقى تحت ايدينا عربيات كتيييير في الشركة او ايجار زي الكورولا والصني والسيراتو والكروز والريو القديمة وغيره... بجد كاداء على الطريق الشارك لا تقل عن الالماني... تجيب 200 عااادي جدا بدون خوف او فرامل رائعة... صوت موتورها انا شايفه ميزة بيحسسك انك معاك وحش... سحبها جميل واستهلاكها في البنزين انا شايفه معقول جدا... اعلى فئة ب168000 فيها جنوط وفتحة سقف وسبويلر وفوجات وابانوس في التابلوه والابواب الامامية وcd شاشة باللمس و6 سماعات زائد صب ووفر جبااار في الشنطة على نظام صوتي rockford مالوش حل واحسن من بتاع الكورولا والفانتازيا بفرق ملحوظ.. طبعا فرامل abs, ebd وسمارت كي وايموبيلايزر وكنبة خلفية تطوى بالكامل الخ الخ... اعتقد دي حاجات مرضية جدا في عربية متينة وقوية واعتماديتها ممتازة بالسعر دة...

النقطة اللي عايز اعيد التاكيد عليها هي ثباااات العربية واللي عايز يتاكد يجرب يسوقها وبعدين يسوق الكورولا والبومة مثلا واي حاجة كوري طبعا وهيحس بالفرق الكبير في التقل ع الارض والاتزان في المنحنيات ومطبات الهوا بفضل العفشة الخلفية الملتي لينك...

اذا كان هناك عيوب في العربية فممكن فعلا عزل الهوا الى حد ما وانا قلت قبل كدة انه كان المفروض يبقى افضل في عربية بالمستوى المبهر ده بس عموما مفيش حاجة حلوة بتكمل... والشنطة اصغر من شنطة البومة... بس!!!! غير كدة فوق الممتازة...

اسف على الاطالة بس حبيت اسهب في تفاصيل علشان فعلا انا صعبان عليا العربية دي في مصر وحاسس ان مش كتير مديها حقها وببقى فرحان لما بشوفها في الشارع او الاقي حد بيفكر يشتريها....

ربنا يوفق الجميع!!

وبالنسبة لقطع الغيار عاملة ايو لاني قرأت في منتدي مرة ان المرايات عاملة 2500 جنية تقريبا

**Ahmed TRAVCO** · 29-06-2013 10:34 PM

المشاركة الأصلية كتبت بواسطة m i d o

وبالنسبة لقطع الغيار عاملة ايو لاني قرأت في منتدي مرة ان المرايات عاملة 2500 جنية تقريبا

انا لسة شاريها من اربع شهور ويادوب فلتر زيت وكدة... بس عموما قطع الغيار الاصلية في اغلب العربيات نار... اسأل كدة على مرايات البومة في التوكيل وهتلاقيهم برضه بحوالي 2000 جنيه... انما اللي اعرفه ان موضوع الفوانيس الزينون اللي ب6000 جنيه ده خلاص انتهى علشان العربية اتشال منها الزينون في 2012...

وبعدين لو معاك سيراتو جديدة او ريو او الكلام ده تتخيل ان المرايات الضم او الفوانيس الليدات بتاعتهم هتبقى رخيصة؟؟ لا طبعا... بلاش تخوف نفسك وتوكل على الله وهات عربية تحسسك بالامان على الطريق في السرعات العالية والمنحنيات واللحظات الخطرة لا قدر الله...