اي طريق من غير قوانين تنظمة هيبقي طريق موت
ده حال البلد كلها مش الدائري بس
عرض للطباعة
اي طريق من غير قوانين تنظمة هيبقي طريق موت
ده حال البلد كلها مش الدائري بس
أخطر حاجه على الدائري من وجهة نظري هيه العربيات اللي بتبقى شايله زلط ودبش مش متغطي وتلاقيه عامل هرم فوق حدود صندوق العربيه وكأن الشويه اللي فوق دول هما اللي هيحللو أجره الحموله لكن بسبب الشويه اللي فوق دول (الكريمه) تلاقيه في كل مطب بينطر شويه على العربياه اللي وراه أو جنبه.
أفضل حاره للسواقه عليه هيه فعلا تاني حاره شمال بس مش عشان حاجز الاسمنت بس ولكن عشان تبقى ماسك العصايه من النص اللي بيحب يعدي من اليمين يعدي واللي بيحب يعدي من الشمال يعدي وانت ماشي في طريقك مستقيم. بس متستغربش لو شمالك فاضي وعلى يمينك عربيه وواحد ييجي ورا العربيه اللي على يمينك ويقلبله نور ويركب على ضهره أصل فيه ناس عندها كيف تعدي من اليمين حتى لو الشمال فاضي.
ده طريق crazy taxi
هههههههههههههه دة طريقي كل يوم رايح جاي من البيت للاكاديمية
اه و اه من الدائرى ..
بخصوص الناس ارجو تهدئة السرعة فى الاماكن الخاصة بعبور المشاه حتى لو مش طريقهم علشان معلش الروح غالية فى 60 داهية الصاج اهم حاجة البنى ادمين يا جماعة وبلدنا طبعا معندهاش الثقافة دى بس احنا لازم تكون عندنا
الله ينور عليك
حاجة كمان بما اني من اللي عايشين على الدائري اكتر منا عايشة في بيت اهلي ودة بما ان سكة شغلي كلها دائري من اول مابخرج من البيت لحد ما اوصل شغلي و 40 كيلو رايح و 40 جاي
الدائري مش للناس اصحاب سرعات دون ال 80 .. ومحدش يقوللي الحارة اليمين ولا الشمال للي عاوز يمشي على مهله لان مع العقليات الي بتسوق على الطريق دة القاعدة دي اتكسرت خصوصا التريلات والمقطورات والنقل التقيل بشكل عام
ياتمشي على 90 وانت طالع عشان كل الي حواليك بيكونوا معديين ال 100 ياتمشي على سرعتك دي وحتلاقي نفسك اتفرمت .. حتى لو حبيت تيجي شمال وسمعت كلام الناس الحافظة مش فاهمة ان دي الحارة البطيئة حتلاقي الف واحد يديك فلاشر يعمي عنيك وياسلام لو مركب زينون عشان توسعله .. يايحاول يتخطاك مع تقليبتين نور عالي ودة لو مؤدب يعني
النهاردة بس قررت اني اقلل سرعتي وبعد ماكنت ببقى طايرة على 120 قررت اقللها لما دخلت في محور المريوطية ولسة بقرر اخد حارة الشمال الي خدعوك فقالوا بطيئة لقيت نفسي حتفرم بين عربية مقطورة وبين عربية نقل طلعولي معرفش منين وامتى .. ومن ساعتها حرمت امشي بطئ
وعلى فكرة انا مابسوقش سواقة الحريم الغريبة دي .. انا سواقتي مدية على رجالي اكتر واقل سرعة عندي 90 وباخد غرز مقفول ومفتوح وكل الانواع وبعرف افك من الزحمة وبستغل الاماكن الفاضية في الطريق عشان اسلك للي ورايا
للاسف مع الدائري مفيش مقاييس او ثوابت ولو فيه ثوابت تحت في الشوارع العادية بتتهدم فوق على الدائري .. وربنا يكفينا شره
تسلم ايدك ..... طريقة كتابتك جميلة و متزهقش و بجد عدااك العيب و ازح :d