عيب ايه ده ؟

**nouranwar** · 18-06-2013 09:56 AM

كنت ماشي بالعربية في اشارة و جايبها علي ال d عادي فجأة العربية بطلت !!! ركنت و نزلت شوفت الزيت و الموتور مفيش اي حاجة
بعد يومين ماشي عادي و وقفت في اشارة لقيت العربية بترجرج جامد جدا و شبه هتبطل جبتها علي ال n الرجرجة هدت شوية بس لسه موجودة جبتها علي ال d تاني رجعت ترجرج بصراحة كسرت الاشارة علشان متبطلش مني وقفت في الاشارة اللي بعديها العربية سليمة ولا فيها اي حاجة !!!
ايه المشكلة ديه ؟ و حلها ايه ؟

**Gelgel2004** · 18-06-2013 10:10 AM

التوكيل على طول يا عم نور
راجع الكمبيوتر و يكشف على الحساسات و البوابه
تحياتى

**med_mor** · 18-06-2013 11:35 AM

معلش يا جماعة انا مشترك جديد ولسة جايب رينو كليو 2001 فرنساوى وكانت كويسة جدا ولكن انهاردة بدور العربية الصبح غابت قوى لحد ما دارت ودى اول مرة تعملها وتانى حاجة دايما لما ابقى ماشى على الصلنصية واجى امسك فرامل اسمع صوت خبطه خفيفة من قدام اكن الماتور بيتحرك ويخبط فى العربية ومش عارف من ايه ده .

**wsamir** · 19-06-2013 11:10 AM

بس المشكلة دى حصلت معايا و كنت عامل بالعربية 4000 كيلو بس قبلها كنت مفول من بنزينة مصر للبترول فرحت فولت من امارات و حطيت منظف دورة بنزين علبة سودا مش فاكر اسمها و مشيت بيها مشوار حلو العربية ظبطت لوحدها من غير حاجة دلوقتى انا عمل 9000 و الموضوع متكررش تانى

**wsamir** · 19-06-2013 11:16 AM

المشاركة الأصلية كتبت بواسطة med_mor

معلش يا جماعة انا مشترك جديد ولسة جايب رينو كليو 2001 فرنساوى وكانت كويسة جدا ولكن انهاردة بدور العربية الصبح غابت قوى لحد ما دارت ودى اول مرة تعملها وتانى حاجة دايما لما ابقى ماشى على الصلنصية واجى امسك فرامل اسمع صوت خبطه خفيفة من قدام اكن الماتور بيتحرك ويخبط فى العربية ومش عارف من ايه ده .

صوت الخبطة ده ممكن يكون قاعدة من قواعد الموتور او الفتيس عايزة تتغير نفس الموضوع حصل في العربية بتاعتى القديمة و كان مع الفرامل احس بخبطة في الموتور و طلعة القاعدة الكاوتش بتاعة الفتيس مقطوعةو هى السبب

**Gelgel2004** · 19-06-2013 12:22 PM

المشاركة الأصلية كتبت بواسطة nouranwar

استاذ محمد منورني في قسم الرينو :)
واحشني جدا والله يا استاذ محمد
التوكيل فاشل جدا معايا يا استاذ محمد بقولهم علي العيوب بتطلع بنفس العيوب !!!

الله يخليك
افتقدناك فى قسم الفيات
لكن انت منور المنتدى
ممكن تراجه منسق القسم
و ان شاء الله يفيدك
تحياتى...

**nouranwar** · 20-06-2013 03:47 AM

معتقدش انها من البنزين علشان فولت من كذا بنزينة و برضه لسه موجودة
انا كنت راكن النهاردة و طالع بالعربية بدوس بنزين علشان تمشي حاسس انها مسدودة اخدت كام ثانية كده و سحبت معايا و بالليل رجرجت برضه بصيت علي ال rpm لاقيته بيطلع حاجة بسيطة جدا جدا سواء كنت علي المور او ال d الكلام ده و هي بترجرج
هل ده يكون عيب بوابة زي مقريت هنا علي المنتدي ولا يكون عيب ايه
و استهلاك البنزين عندي 10,9 فده كده عالي و لما بقولهم في التوكيل بيقولولي بتختلف من بنزينة للتانية كلام لا يعقل بصراحة و شكلهم مش عايزين حد محترم يتعامل معاهم و لما جيت اشتكي مهندسة الصيانة في فرع العامرية بكبمهم في التليفون علشان اشتكيها حولوني عليها و كلمتها طبعا معرفتش اشتكيها لنفسها :)