لاصحاب المستعمل.... بتزود ميه كل اد ايه.... استطلاع

**romioromio** · 18-06-2013 11:37 AM

السلام عليكم
سؤال لاصحاب المستعمل الله يجزاكم خير
بغرض الاستطلاع وعشان اعرف انا عربيتي كده في العادي ولا الميه بتنقص فوق الحد

بتملا عربيتك ا بتزود الردياتير كل كم يوم او كل اد ايه

انا معايا ياريس 2008 جايبها من شهر ونص
قعدت شهر محتطش نقطة مياه

بس من ساعة معرفت ان فيها تسريب
وانا بقي عندي وسواس كل يوم بزودها ميه ((لان عربيتي القديمة ليجانزا موتورها ضرب في الاشاره واكتشفت ان مفهاش نقطة مياه وكان يووووووووووم))
وساعات اشيك بعد كل مشوار
مية حنفية الصراحه
خايف احط خضرا تقوم مخرمة الردياتير

فحضراتكوا بتزودوا كل اد ايه
وتقريبا كم الكميه
ومن القربه ولا من غطاء الردياتير علي طول

ارجو المشاركة
شكرا

**michohat** · 18-06-2013 02:17 PM

اشتريت عربيه هيونداي نيواكسنت 2008 من اسبوعين
بعد يومين من الشراء قولت ازود مياه لان كان واضح انها ناقصه شوية ولدهشتى العربية اخدت حوالي ثلاث لترات ماء اخضر عن طريق فتحه الريداتير و اللتر الباقي حطيته ف القربه
ومن ساعتها وانا عندي وسواس بانها بتسرب مياه
وراقبت مستوى المياه بعديها بيومين الحمد لله لقيته ثابت
ولكن اليوم لاحظت نقص ف القربة وهرجع تاني اراقب المياه بشكل يومي

**monamize4** · 18-06-2013 03:01 PM

مش شرط انها مستعمله يبقى بتسرب ميه ,,, عربيات مستعملة كتير مبتسربش

و المفروض تحط الميه المخصصة لعربيتك مش الميه العاديه عشان الراديتير ميصديش و تدخل ف حوار ,, و خلى بالك ان ميه التبريد دى انواع و لازم تعرف النوع المتوافق مع عربيتك و ع فكرة الميه دى مبتضرش , بالعكس دى بتسهل حركة اجزاء دورة التبريد و بتمنع تكوين الصدا

لو عندك تسريب من دورة التبريد يبقى لازم تعالج المشكله صح و ساعتها هتلاقى انك ممكن تقعد اكتر من سنة من غير ما تزود اصلا ,, بس دا ميمنعش ان بعد ما تصلح الامور ان شاء الله تبقى تبص على الميه كل يوم للاطمئنان خصوصا ف الايام الحر دى و خلى عينك دايما مع مؤشر الحرارة

المفروض ان الميه تتغير كل سنة عشان قدرتها ع التبريد بتقل و الافضل تغيرها مع بدايه كل صيف
متهيالى من الافضل انك تزود من القربة لحد ما الميه تبقى بين العلامتين h , l و حاول لما تزود الميه متكونش العربية سخنة و اوعى تفتح غطاء الراديتر و العربية سخنة

**romioromio** · 18-06-2013 08:25 PM

نتمني المشاركات

**dr.hazem** · 19-06-2013 06:05 AM

عربية صاحبي ما شاء الله موديل 2007 ومن وقتها مزودش ميه!!!

الماروتي مكنتش بزودها غير كل سنه مقدار كباية
اي عربيه في الكون طالما الدوره سليمه والميه مش حنفيه ولا مقطره يفترض انها متنقصش الا كل فين وفين...
وطبعا مش هنبه على ان تغيير الميه كل سنتين او 40 الف كيلو شئ اساسي....
تحياتي

Sent from my Xperia Arc S using Forum Runner