محتار جدا .. ارجو من جهابذة المنتدى الرد

**omar-007** · 18-06-2013 01:00 PM

السلام عليكم ورحمة الله وبركاته

نخش في الموضوع :d انا عاوز اجيب سيارة عائلية نمط سيدان تبقى استهلاك البنزين بتاعها منخفض جدا وقط غيارها رخيصه او متوسطه ومتوفرة ومعروفه .. يعني في ميكانكيين كتير بيفهمو فيها .. وشكلها كويس وثباتها كويس برده وتكون اوتوماتيك وفيها اوبشنز كتير... ديه اول مرة اشتري فيها عربيه .. انا كنت ناوي اشتري جديد (نيسان صني سوبر صالون الشكل الجديد 1500 سي سي) بس كنت عامل حسابي على 110 سألت عليها في السبع لاقيتها غليت وبقت ب 128 الف .. قولتله خليها عندك بقى .. المهم انا نويت اجيب مستعمل موديلها قريب يعني من 2010 وتكون فيها المميزات الي قولت عليها ديه وتكون في حدود 85 الف جنيه .. الواحد محتار . . وفيه عربيه داخله دماغي (بروتون بيرسونا ) بس مش عارف .. تنصحوني ب ايه؟ .. ولو نزلت في موديلها ممكن اجيب لانسر او النترا او ماتريكس .. لو انته مكاني هتجيب بروتون بيرسونا موديل قريب ؟ ولا هتجيب النترا او لانسر او ماتريكس موديل بعيد شوية؟ ولو عندك اقتراح لعربيه تانيه ممكن تفيدني وتقوله ليا .. اسف على الاطاله ومتشكر ليك على الاهتمام .

**diablo1978** · 18-06-2013 02:00 PM

بسم الله الرحمن الرحيم

أولاً ، انا معاك تماماً فى موضوع إرتفاع الأسعار الأهبل بسبب جشع التجار و ليس زيادة العمله ، يعنى إستغلال موقف أولاً و أخيراً

ثانياً : لو بتفكر فى البرسونا ، أنا أول واحد هشجعك ، السياره بسم الله ما شاء الله عليها ، عمليه ، إتزان هايل و ثبات ، تسارع رياضى رائع ، إستهلاك معتدل فى البنزين ، أوبشنز و دلع ، قطع غيار غاليه جداً ، بس الجميل أن معظم قطع غيار اللانسر و الدايو بيركبولها عاااااادى جداً

يعنى من الآخر حقيقى عربيه أصلاً مكسب ، و ربنا يوفقك للأحسن طبعاً ، أنا كنت مجرد بنقل وجهة نظر و تجربه شخصيه

**omar-007** · 18-06-2013 02:39 PM

المشاركة الأصلية كتبت بواسطة diablo1978

بسم الله الرحمن الرحيم

أولاً ، انا معاك تماماً فى موضوع إرتفاع الأسعار الأهبل بسبب جشع التجار و ليس زيادة العمله ، يعنى إستغلال موقف أولاً و أخيراً

ثانياً : لو بتفكر فى البرسونا ، أنا أول واحد هشجعك ، السياره بسم الله ما شاء الله عليها ، عمليه ، إتزان هايل و ثبات ، تسارع رياضى رائع ، إستهلاك معتدل فى البنزين ، أوبشنز و دلع ، قطع غيار غاليه جداً

، بس الجميل أن معظم قطع غيار اللانسر و الدايو بيركبولها عاااااادى جداً

يعنى من الآخر حقيقى عربيه أصلاً مكسب ، و ربنا يوفقك للأحسن طبعاً ، أنا كنت مجرد بنقل وجهة نظر و تجربه شخصيه

وعليكم السلام
متشكر على الاهتمام .. هوه حضرتك معاك العربيه ديه ولا مع حد تعرفه ؟ اصل العربيه ديه والجين تو يا الاقي حد يشكرلي فيها قوي يا حد يجيبهالي الأرض .. لغاية ما الواحد بقى بيلف حوالين نفسه

.. عندي بس سؤالين كمان لحضرتك معلش :) استهلاك البنزين فيها اقل ولا اكتر من اللانسر والالنترا ؟ وأحسن مكان اروح اكشف عليها فين لو هجيبها مستعمله؟ ومعلش صدعتك معايا

**truss** · 18-06-2013 03:30 PM

المواصفات و السعر اللى حضرتك ذكرتهم فى رأيى Elantra HD

**mhkorayem** · 18-06-2013 04:41 PM

يا باشا البيرسونا والجين تو عربيات كويسه واصحابها بيشكرو فيها
- عيبها تقفيلها اقل في المستوى شويه عن الالنترا واللانسر والماتريكس اللي حضرتك بتتكلم عليهم
- قطع غيارها بسمع من ملاكها انها غاليه شويه
- تقيله في اعاده البيع
لو الحاجات دي مش فارقه معاك تبقى تمام جداَ

مش هقدر انصحك تجيب ايه بس انا شخصياً من الحاجات اللي حضرتك طالبها في العربيه انا شايف ان اللانسر 1300 سي سي او تويوتا ياريس وده عشان توفير البنزين هيبقى اعلى من الباقي
لكن لو من الخيارات اللي حضرتك بتقارن بينهم يبقى الماتريكس
- عمليه جداً مساحتها الداخليه بسم الله ما شاء الله
- استهلاكها للبنزين معقول
- ارخصهم من ناحيه قطع الغيار
- لو فكرت تبيع عتبعها بمنتهى السهوله
بس عيبها الوحيد انها في التسارع بطيئه شويه يعني مش عاوزه واحد بيحب يجري ويشد والكلام ده

بس انا لو هشتري بالسعر ده هدور على لانسر شارك او مازدا 3
بس دول قطع غيارهم غاليه الى حد كبير ومش اي حد بيفهم في صيانتهم وخاصه المازدا

**abou-yahia** · 18-06-2013 04:44 PM

الاوبترا

**monamize4** · 18-06-2013 05:07 PM

المشاركة الأصلية كتبت بواسطة omar-007

سيارة عائلية نمط سيدان تبقى استهلاك البنزين بتاعها منخفض جدا وقط غيارها رخيصه او متوسطه ومتوفرة ومعروفه .. يعني في ميكانكيين كتير بيفهمو فيها .. وشكلها كويس وثباتها كويس برده وتكون اوتوماتيك وفيها اوبشنز كتير...

المهم انا نويت اجيب مستعمل موديلها قريب يعني من 2010 وتكون فيها المميزات الي قولت عليها ديه وتكون في حدود 85 الف جنيه ..

بص يا باشا ,, مفيش عربية فيها كل المميزات اللى حضرتك قلت عليها دى ,, لازم تكون حاجة ناقصة

ممكن تجيب النترا hd بس ثباتها فوق ال 120 مش مرضى و 85 الف يدوبك تجيبلك اول فئة اوتو 2010 و مفهاش اوبشنز خالص بس ف هتريحك ف باقى اللى انت طلبته و انا ارشحلك دى لانها اقل مصاريف تشغيل و سعر اعادة بيع عالى

ممكن تجيب لانسر تحت 2010 بس هى مش تبع العربيات اللى استهلاك البنزين بتاعها منخفض جدا و هتكون برضه اوبشنز قليل لكن فيها باقى اللى انت طلبته

بالنسبة للبيرسونا ,, بنزينها كتير و توكيلها وحش و اعادة بيع مش كويسة بس ممتازة جدا ف السفر و بدات اقتنع بيها اكتر لان سعرها بقى افضل من منافسين كتير

**abou-yahia** · 19-06-2013 09:47 AM

البروتون عربيه ممتازه بس يعيبها انها عامله ذي التكييف اليونيون اير

حظوظ فعلا

لاكن هيه كمعادله سعريه تكسب عربيات كتير في فئتها

اعيد نصيحتي ليك عن اقتناع بالاوبترا اختيار جيد جدا لطلب حضرتك

وتعتبر هيه من وجهه نظري ملكه الكوري طبعا مع اختها الكبيره الكروووووووووز

-

-

الموضوع: محتار جدا .. ارجو من جهابذة المنتدى الرد

LinkBack

أدوات الموضوع

عرض

-

-

-

-

-

-

المواضيع المتشابهه

هام جدا ارجو الرد من مالكى جين تو ومن وكل اعضاء المنتدى

الى خبراء المنتدى...ارجو الرد بسرعه

محتار يا رجاله ارجو الرد السريععع

محتار مع صيانه الالف الاخوه الخبراء ارجو الرد السريع

عاوز مساعدة ضرورى من جهابذة المنتدى

الكلمات الدلالية لهذا الموضوع

المفضلات

المفضلات

ضوابط المشاركة