السلام عليكم

النهارده حجزت عربيتى اللانوس وان شاء الله ح استلم يوم الخميس وليا الشرف ان اكون فى قسم الشيفورليه معاكم هنا بعد عشره حوالى 5 سنين مع قسم اليابانى

كنت عاوز اسال بخصوص العربيه الزيرو ايه اللى اخد بالى منه وانا بستلم العربيه يعنى اشيك على ايه اكتر وايه الحاجات اللى المفروض اعملها بعد الاستلام . التليين يكون ازاى بالظبط و مواعيد الصيانات الدوريه وياريت تقولولى مكان توكيل شيفورليه يكون قريب من الهرم . كمان عاوز اعرف ايه الحالجات اللى ممكن تخرج العربيه من الضمان يعنى بفكر اغير الكاسيت واركب زينون وفرش للكراسى

معلش انا بسال كتير بس عاوز احاول اكون عارف كل التفاصيل عن العربيه بقدر الامكان كمان عاوز اعرف ايه الاكسسوارات البسيطه اللى ممكن اركبها عشان تخلى العربيه شكلها احلى

شكرا ليكم :)