الموضوع: استفسارات بخصوص لانوس 2013

المشاركة الأصلية كتبت بواسطة madymoody

طبعا عند الاستلام بتشيك على الانوار كلها والانتظار والاشارات والاستبن وشنطة العدة فيها مفتاح العجل ورافعة الكوريك ومفك ومفتاح وتشيك على الزجاح وفتح الابواب وتفتح الكابوت وتطمن على اجزاء الموتور وان مافيش اى زيت او مياه بتخر وان شكل الموتور نظيف وان البطارية جديدة مش متغيرة وان لما تفتح الشنطة تحس انها فابريكة والاستبن موجود وجديد وتدور العربية وتشغل انوار التابلوه والصالون وتشيك على فرش الصالون والارضية وطبعا لاتنسى انك تاخد الضمان وكتالوج السيارة واوراق السيارة اللى تطلع بيها على المرور وبعد الاستم مباشرة هاتذهب لاقرب بنزينة لتموين السيارة وكذلك لضبط الكاوتش الامامى على 32 والخلفى على 30 والتليين اول 1000 كم تحاول ماتتجاوزش سرعة 90 كم او 100 كم على اصى تقدير وماتقرصش على العربية فى الفترة دى وفى ناس بتقول يستحسن ماتشغلش التكييف اول 1000 كم وطبعا فى الفترة دى بتراقب العربية زيت ومياه وخلافه والصيانة بعد 5000 كم دى اول صيانة وذلك فى حالة ان السيارة لم يحدث بها اى مشاكل واقرب توكيل ليك فى الكيلو 4ونصف طري مصر اسكندرية الصحراوى ده المركز الرئيسى بتاعهم الفرش الداخلى عادى انك تركبه الزينون ممكن يخرجك من ضمان ضفيرة الكهرباء من وجهة نظرى ان الاكسسوارات اللى بتتحط على مرايات اللانوس واكر ابواب اللانوس والمسطرة الخلفية بيظهروها الشوية وربنا يوفقك ويرزقك خيرها ويكفيك شرها ومبروك مقدما عليك

شكرا على ردك الوافى بس عاوزو اسال عن موضوع التكييف فى اول 1000 كيلو ح يحصل ايه لو شغلته فى الفتره دى ؟ اصلها صعبه اوى فى الجو ده وتكون العربيه مكيفه ومتشغلهوش

بالنسبه لموضوع الضمان انا سألت عليه وقالى فى المعرض ان اول ما بترخص بتجيلى بالرخصه وانا بجيبلك الضمان . الكلام ده مظبوط ولا غلط؟ بالنسبه للبنزين بيكون 90 ولا 92 ولا مش بتفرق؟
وبالنسبه للزينزن او الكاسيت ده ممكن يتركب فى التوكيل مادام التركيب بره ح يخرج من الضمان؟

الف شكر ليك

الف مبروك

المشاركة الأصلية كتبت بواسطة madymoody

بالنسبة لموضوع التكييف لما تشتريها من موزع رئيسى دائما يقولك كده ماتقرصش على العربية فى الغيارات ولا تتجاوز سرعة 90 او 100 كيلو فى او 1000 كم وحاول ماتشغالش التكييف وده تقريبا علشان الموتور يكون براحته خال اول 1000 كم طبعا الجو حر بس ماعلش نستحمل ان شالله او 500 كم حتى وبعدين ممكن تكلمهم فى رقم 16424 ده الرقم المختصر لشيفورليه وتخليهم يحولوك على اى حد مختص بالصيانة وهو يفيدك فى حتة التكييف اما بالنسبة للضمان ده انا متعجب شوية منه لانه مفروض بيكون كتيب كده رفيع ومختوم بختم الشركة وبيتكتب فيه رقم الموتور والشاسيه وده المهم وبعد كده بيتكتب فيه رقم الرخصة لما بتطلع وده لازم تستلمه مع السيارة واكيد اغلب الناس سوف تؤيد كلامى هذا وبالنسبة للبنزين علشان هى انجيكشن من الافضل بنزين 92 طبعا علشان تحافظ على الكاربيراتير والفرق بسيط جدا وبعدين 90 اصلا مابنلاقيهوش واما الكاسيت هى فيها كاسيت معقول بسى دى ماشى حاله مش وحش بس ممكن تسال فى التوكيل علشان حرام تخرج ضفيرة الكهرباء من اولها ياعنى اول 5000 هايعدوا هوا ان شاء الله

شكرا على الرد انا ح اكلم شيفورليه واسال على موضوع الضمان وان شاء الله يكون مفيش مشاكل وبالنسبه لموضوع الكاسيت هو الكاسيت اللى راكب فيها طبعا حلو بس مشكلته انه مفيهوش usb وده بالنسبه لى مهم بس طبعا مش اهم من ضمان ضفيره الكهرباء يعنى ممكن يستنى شويه

المشاركة الأصلية كتبت بواسطة إبراهيم المصرى

الف مبروك

الله يبارك فيك

المشاركة الأصلية كتبت بواسطة mmostafa81

الف مبروك يا باشا انا معايا اختها استلمتها من اسبوعين
اولا دور العربية في المعرض وخد بالك من اي اصوات غريبة مع مراعاة ان العربية صوتها عالي طبيعي
ثانيا العربية بتيجي متلينة من المصنع يعني تشغل تكييفك براحتك من اول يوم وتسوق بسرعتك اللي تحبها والدليل ان اول صيانة بعد ٥ الاف كيلو مش الف زي بقية العربيات
ثالثا الضمان بتروح تاخده من اي توكيل شيفورليه بعد ما بتطلع الرخصة
رابعا قبل ما تركب حاجة في العربية اسألهمةفي التوطيل علشان ماتخسرش الضمان مع العلم ان خدمة العملاء بتاعتهم زي الزفت في التليفون ومنتهى قلة الذوق
ربنا يديك خيرها ويكفيك شرها

شكرا ليك على ردك
كده فى اختلاف فى الرأى فى نقطه التليين والضمان فا يبقى اضمن انى اكلمهم واسال على النقطتين دول
وان شاء الله ح اقولكم نتيجه المكالمه