الموضوع: نصيحة لله

المشاركة الأصلية كتبت بواسطة abou-yahia

أحب اختلف مع حضرتك في نقطه محوريه

في مقارنه المستعمل بالزيرو

لازم اخد في اعتباري تكاليف التشغيل المتوقعه للعربيتين علي الاقل في السنه الاولي في مقابل الاداء المتوقع

يعني انا لما ادفع 60,000 مقدم في عربيه متوقع ان القسط الشهري بتاعها ميقلش عن 1,500 جنيه

لازم احط في بالي الحاله التانيه

هل مصاريف التشغيل والصيانه المتوقعه لعربيه موضع المقارنه كام شهريا

والقيمه المتوقعه ليها كنسبه من ثمنها الحالي بعد 5 سنوات كام

يعني انا متوقع ان كمان 5 سنين سعر الاوكتافيا حيقل من حوالي 10,000 الي 15,000 جنيه

وحتكون العربيه صرفت تقريبا قدهم في نفس الفتره

طبعا انا بفترض ثبات معدلات التضخم

هل في الحاله ديه العربيه الزيرو اللي احنا واخدينها كمقارنه حتصبح اختيار صح

بلأضافه الي

منحني الاداء في الاوكتافيا ممكن بقليل من الجهد والتكلفه انه يطلع ويفوق اداء الصني علي المدي القصير ويمكن الاحتفاظ بيه كذالك لفتره محترمه بتكاليف قليله

بعكس الصني

اتمني ان اكون قد القيت الضوء بشكل واضح عن وجهه نظري ديه

تقبلوا تحياتي

معلش انا مختلف معاك
الاوكتافيا اللي صاحب الموضوع بيتكلم عنها ماشيه على الطرق المصريه 13 سنه يعني اكيد فيها حاجات عايزه تتغير كتير وهتصرف (لو كان فيه الخير ما كان رماه الطير) وحاجات مش هتكون ظاهره ساعه الشراء مثلا (علبه دركسيون مساعدين بايظه تكيف بيسرب كوتش محتاج يتغير بطاريه شويه شغل في الكهربه الطنابير محتاجه تتغير بلي العجل مش تمام الكبالن الرادياتير الرشاشات ......الخ كل ده ساعه الشراء اللي بيبعلك بيعملك البحر طحينه وهيقولك انها هتتصلح بملاليم ولكن في الحقيقه ان الكلام ده ممكن يصرفله بتاع 10 ال 15 الف قطع غيار ومصنعيه ناهيك عن الوقفه عند الميكانيكي وتضيع الوقت وحرقه الدم والاعصاب وفي الاخر حاجه تتصلح وحاجه تانيه تبوظ وتفضل عايش في دوامه التصليح ممكن كل شهرين تلاته طيب في حين ان الصني لو تم الحفاظ عليها مش هيتصرف عليها مليم غير الصيانات العاديه تغير زيت وفلتر وتيل فقط اللي هما برضو هيتغيرو في الاوكتافيا ومش هيكون في اعطال ولا وقفه على الطريق
غير ان الصني سوبر صالون يعني اوتوماتيك وتكيف كويس راحه اكتر من الاوكتافيا طبعا ده ميمنعش ان ثبات الاوكتافيا ممتاز جدا ولا يقارن بالصني بس في وضع بلدنا انته مش محتاج ثبات لانك مش هتعرف تعدي ال100 في الزحمه اللي احنا بنعيشها انته محتاج اوتوماتيك وتكيف وعزل محترم وشكرا على كده.