لوحد منكم شاف فلتر الهواء بتاع البومه هيلاقى الفلتر أساسه قماشه الفلتر اللى راكبه على شكل زيجزاج و أعتقد ان ده كافيه جدا لفلتره جميع انواع الأتربه لأن خامتها لو شوفتوها ممتازه ؛ نيجى بقه لقطعه صوف زجاجى مربعه مثبته امام هذا الزيجزاج مش عارف ايه لازمتها مع العلم انها مش موجوده فى موديلات لانسر تانيه زى الكريستاله و المكواه و الهواء بيتفلتر زى الفل و مفيش مشاكل.....المهم انى لاحظت و انا بنضف الفلتر بالهواء ان مقاومتها لمرور الهواء فيها كبيره و حسيت انها كاتمه الفلتر من غير فايده أو جايز حطينها عشان تكتم صوت الفلتر و فايدتها مش فى الفلتره(واللى خلانى ارجح الفكره ده انها مش محكمه مع الإطار الخارجى للفلتر و ممكن التراب يعدى من جنبها و الزيجزاج اللى قلتلكم عليه هو اللى بيشيل التراب كله وهى عباره عن قطعه صوف زجاجى لاطعينها على الفلتر من بره و فعلا كتماه) المهم أخذت قرار انى أشيلها و اجرب العربيه من غيرها و حسيت فعلا بفرق فى سحب العربيه بس صوت الموتور على حاجه بسيطه لما تكبس بنزين على الاخر فقط و لكن السحب افضل. (يا ريت اعرف رأيكم فى التجربه ده)