الموضوع: عملت حاجه فى فلتر الهواء بتاع البومه حسنت اداء الموتور

ايه محدش علق على الموضوع يعنى لا بالموافقه اوبالتحفظ عليه و لا اى حاجه كأنى هوا بيتكلم!!! (انا أسف اذا كانت تجربتى مش مهمه بس انا حطتها عشان الكل يستفيد و خصوصا لو حد فكر فيها و عملها قبل كده يقولى حصل معاه ايه؟!!!!!)

انا لسه هتنزل اجرب
بس هيه فكره حلوه مبدئيا
بس احنا عايزين نعرف هل هيه ليها اضرار على المتور ولا لأ
انت بتقول ان صوت المتور على لما تكبس بنزين والحكايه ده بتحصل كمان لما تشيل الفلتر كله وتمشى منغير فلتر هواء
فانا اعتقد ان الفلترلما تشيل الطبقه ده مش هتحمى المتور كفايه ولا انت ايه رأيك

لما تشوف الفلتر هتعرف ان قطعه الصوف الزجاجى ده مش اساس الفلتر و استحاله ان تراب يعدى من الجزء الاساسى ده و فيه فلاتر عربيات انواع تانيه شبه فلتر الانسر ما فيهاش الجزء ده اصلا و اعتقد زى ما قولت نها محطوطه ككاتم لصوت الفلتر مش عشان التراب و الدليل على كده انها مش محكمه مع الاطار الخارجى للفلتر و انت يتنضف الفلتر هتلاقى القماشه الزجزاج هى اللى شايله البلاوى كلها

وعلى فكره صوت الموتور بيعلى حاجه بسيطه قوى فى الكبس فقط و متنساش اننا ما لاغيناش الفلتر عشان يبقه فيه خوف على الموتور و على فكره فلتر التكييف شبه فلتر لموتور الى حد كبير و مافيهوش القطعه ده

وعلى فكره بمناسبه فلتر التكييف كمان فيه حركه ممكن تسلكه اكتر و تخلى هواء التكييف اقوى؟!

انا تجربتى مع فلتر التكييف تبدأ لما بدأت اصمع صوت صفاره و التكييف شغال عرفت بعدها ان الصوت جاى من الفلتر ففكيته و نضفته بالهواء و الصوت راح و قوه الهواء رجعت كويسه المهم و انا باشوف الفلتر لاحظت انه مرشوش عليه ماده سوداء ليها ريحه عامله كده زى ريحه الورنيش بتاع الجزم بس الجامد مش السائل فعرفت ان الماده ده هى اللى بتشيل الروايح الكريهه و اكيد فيها كربون المهم شكلها زى مايكون زفت مطرتشينه على الفلتر و الريحه ده هى اللى بتشمها اول ما بتشغل التكييف و بعدين بتروح....
المهم انا قررت اغسل الفلتر بالميه كويس و غسلته بالدش التليفون عشان الميه تعدى منه كويس و تتغلغل فيه و نزل كميات سواد بهدلت البانيو من الماده السودا ده المهم بعد ما الفلتر نشف و ركبته لاحظت ان هوا التكييف بقى افضل حتى فى الفتحات الوسطانيه اللى الناس بتشتكى انها ضعيفه بقت افضل بكتير.....بصراحه الفلتر سلك جامد و بان التأثير.......طبعا انا بكده المفروض انى خسرت ميزه ان الفلتر يشيل الروايح الكريهه بس مش مهم قصاد الفرق الجامد اللى حسيته فى التكييف مع العلم ان الماده اللى نزلت ده ليها بواقى فى الفلتر ما نزلتش و لسه متبته فى الفلتر و بشم ريحتها لغايه دلوقتى بس درجه اقل بكتير يعنى بردوا ميزه ازاله الروايح ما راحتش بنسبه 100%

الظاهر إنت عندك عقدة من الفلاتر