المقابلة السادسة للتنين الصيني

**ahmedselaraby** · 26-06-2013 04:16 PM

أنا عندى فكره فل جووووووووووووون

ايه رأيكم نغير مكان المقابله نخليه في طابور بنزينة وطنيه اللى جنب الوفاء و الأمل ,, الطابور ده واصل لحد أبو رامى اللى فل سابع

اشطاااااط

أربع ,, خمس ,, ست عربيات بى واى دى ورا بعض كده حاجه تفرح و الله

و يا ريت لو حد يجيب معاه كراسى بحر من اللى بتنطبق و تتفرد ديه يبقى لوووووووووز عشان نعض بره فل هوا

و طرمس شاى و كوبايات و عبيلو و اديلو يا معلم

ديه حتبقى أحلى مقابله حصلت فى تاريخ المنتدى كله

مهزله و الله

ده احنا ممكن نحط صور المقابله ديه فل قسم الإجتماعى تحت عنوان "واحد فول تانك لسعدت البيه هنا و صلحه"

و قشطه الخميس سهرانين للفجر انا معاكم ان شاء الله حتى للساعه تلاته الفجر شغال و ادينى واقف فل طابور ,, حد عنده إعتراض

و اللى يتعب أو يزهق يخلع عاااااااادى

هااااااااااااه ايه رأى الاسطوات قصدى البهوات

و اديلو فى تانكاته ,, اه يا بى واى دى

اتنين و تسعين ,, اه يا بى واى دى

**bassem.naguib** · 26-06-2013 04:58 PM

أنا رأيي النهائي .. تتأجل لحين اشعار .. لحين تحسن الظروف .. حتى الواحد مالوش نفس .. ويكون عمرو كمان اشترى الكاوتش للعجلة علشان يعرف يجي .. ههههه

**Amr Axel** · 26-06-2013 05:27 PM

مااااااشي طب ايه رأيك بقي اني هاجي من غير كاوتش و من غير بدلات و جنزير كمان و متسألنيش ازاي هههههههههههه يعني معرفش اجي اللي فاتت و المرة ديه كمان انا حاسس ان ميعاد المقابلة هو السبب هههههههههه ايه رأيك تخلوها كل اول او تاني او تالت خميس من الشهر

**ahmedselaraby** · 26-06-2013 05:30 PM

المشاركة الأصلية كتبت بواسطة bassem.naguib

أنا رأيي النهائي .. تتأجل لحين اشعار .. لحين تحسن الظروف .. حتى الواحد مالوش نفس .. ويكون عمرو كمان اشترى الكاوتش للعجلة علشان يعرف يجي .. ههههه

ليه كده ,, ده انتم اللى كنتم هتهونوا عليا وقفة الطابووووووووووووووور

يالا مفيش مشكله

بس سؤال لجهابزة القسم ؟؟؟؟

ايه اروق وقت الواحد ينزل يحط بنزين فيه ؟؟ يعنى الساعه كام ؟؟ انا عن نفسى لو قولتولى الساعه 3 الفجر أو أربعه الفجر ,, حصدقكم و حنزل بس فعلا يبقى كلام مظبوط و انزل ملاقيش غير خمس عربيات بالكتير قدامى ,, أكتر من كده حدعى على اللى فاتالى الميعاد ,, ما انا مانزلش الساعه 3 أو 4 و لاقى طابور طويل و انام فل شارع بقه