الموضوع: اتخنقت بجد و ندمان فعلا انى اشتريت النوبيرا اتوماتيك

أنت متأكد ان المشكلة من الفتيس ؟!!

اولا / اسف على التأخير طوال هذه الفترة و لكن كلها كانت تجارب و الحمد لله كلها بائت بالفشل الزريييييييييييييييييييع و خلاص عاوز اجيب جاااااااااااز و اولع فى العربيه و الحمد لله
ثانيا : الرحلة بدات زى ما قولنا فى الأول بتغيير الفتيس و كانت نفس المشاكل موجودة ضعف فى السحب و لمبة power ما زالت على نفس الحال لحد مر غيرت الكنترول بتاع الفتيس و نوعا ما اللمبة انطفئت و لكن الفتيس كما هو نتشه ما بين الأول و الثانى المهم حططها على الأسكنر قالى حساس شكمان ثم حساس كامة ثم كنترول الموتور طبعا انا دماغى بقت بتلف لوحدها
اعمل ايه يا ربى المهم المهندس بتاع الكمبيوتر قالى نجرب الكنترول الأول علشان ظاهر عندى عيوب كتير قولت ماشى غيرته على تجربة نفس العيب قالى حساس الكامة قولت ماشى جبت استعمال نفس العيب قالى هات واحد تانى جديد قلت لاء و قررت الآتى :
حرجع كل حاجة زى الأول بالظبط رجعت الفتيس و الكنترول بتاعة و كنترول الماكينة و حساس الكامة و العربية زى ما هى بالظبط .
غيرت انا من نفسى كنترول الفتيس عيب لمبة البور راح خلاص ... الحمد لله
قولت اتعايش مع العربية و اسايسها و امشى بيها كدا لحد ما ابيعها و رضيت بالنتشه و بضعف السحب المهم جات انباح عملت حاجه غريبه جدا الفتيس رجع يعمل نفس المشكلة تانى و هى الرزعه الجامدة دى و ما يسحبش بس اللمبة مش بتنور المشكلة بقى ان الموضوع زاااااااااااااد جدا جدا جدا بمعنى ان المشكله تحصل كل ما ادوس فرامل بمعنى انى ادور العربية و بمجرد ما امشى و ابتدى اهدى تعمل كل يعنى لو حطيط رجلى على الفرامل كل متر تعمل كدا اضطر ابطل و ادور تانى فا مش عارف هل الفرامل ليها علاقة بالفتيس ولا اولع و اخلص

ربنا يعينك ويوفقك لطريق الصواب اعتقد الميكانيكي مش شاطر روح لحد تاني ومتخصص لا تياس.

ياباشا في ميكانيكية كتيرررررر شاطرين حاول تسأل علي حد كويس بيشكروا فيه

والله يا باشا ربنا يعينك بجد لأنى بعانى من نفس مشكلتك تقريبا وهيه الرزعه الجامده دى من ساعه ما جبت العربيه بس هيه مش
مستمره الحمد لله بتروح وتيجى وبتعااااااايش مع الوضع عادى والعربيه جايبها من 5 شهور لانوس 97 مواصفات خليجى ب 42 الف جنيه
المهم الراجل كان طالب 44 وقالى دى اوتوماتيك يعنى راحه ما بعدها راحه والله لو كنت اعرف عيوب الاوتو دى ما كنت جبتها
بس لازم نقول فى الاخر الحمد لله ... وعلى فكره شوف ميكانيكى شاطر عشان جزء من مشكلتك حساسات وربنا يديك خيرها ويبعد عنك شرها