استفسار هام بخصوص الاسترا ، برجاء الرد

**ahmed-elsayed** · 19-06-2013 08:05 PM

السلام عليكم

تحية طيبه وبعد

ليا فتره نفسي اجيب عربيه الماني ودائما كنت معجب بالاوبل استرا

بفكر اشتريها مستعمله ولقيت عند واحد معرفه اوبل استرا هاتش باك 2008 بيقول انه بيبعها علشان الشنطه ضيقة وعايز حاجه شنطتها اوسع ، هيا فابريقة ومش عامله كيلوهات كتير بتهيالي ممكن اعرف سعرها كام ؟

وثانيا واهم نقطه بالنسبالي ، دايما بسمع ان الاسترا بتسخن ايه رايكم في الموضوع ده وهل ليه حل ولا لا ؟ يعني هل هعاني منها في الصيف ولا ايه ؟ انا مستغرب ان الراجل اشتراها في الشتاء وبيبعها في الصيف ههههههههه

ثالثا واهم نقطه انا سمعت عن مشاكل كبيره جدا في الفتيش الايزي ترونيك ، سمعت ان كل شهر ونصف تقريبا هدفع ثمن فتيس جديد والافضل اشتري مانويل ، لاما اخد بالي جدا ومحرقش علي الفتيس سواء علي sport or manual بس انا اوقات احب اجري واحرق واوقات ممكن تسخن مني ، معني كده انها هتبوز كتير مني ؟

ياريت اعرف رايكم في الموضوع ده بالتفصيل لان انا محتار اوي بجد ونفسي اجيبها بس خايف من المصاريف ، لان لو كده طبعا المصاريف هتكون عاليه عليا ومش هقدر عليها فانا في انتظار ردودكم وشكرا

**ahmed-elsayed** · 19-06-2013 09:55 PM

يوم كامل منتظر ومفيش رد واحد

شكرا

**abou-yahia** · 20-06-2013 10:59 AM

حط استفسارك في قسم اوبل

هم الاجدر انهم يفيدوك

**mahmoud_anwar** · 20-06-2013 01:29 PM

متابع لي ان العربية دي شكلها عجبني وسعر النظيف منها مش غالي علي النت اقصها 60 الف
بس انا حاسس ان سعرها قليل لي غلو قطع غيارها
وكمان انا بخاف من الاوبل في الاتوماتيك والسخونية وربنا يستر

**ahmed-elsayed** · 21-06-2013 12:13 AM

المشاركة الأصلية كتبت بواسطة medo111

العربيه ملهاش غلاقه بالسخنيه مبتسخنش يعني والفتيس عباره عن فتيس مانيوال بدبرياج اوتوماتيك مش انت الي بتدوس دبرياج الكومبيوتر بيقوم بالمهمه دي علي حسب دوستك للبنزين والفتيس اكنو مانيوال بيتغير حاجات فيه زي المانيوال كل 100 الف كم مش كل كام شهر و100 الف كم دي مش قانون يعني ولو ان القانون معتش بيطبق اصلا ممكن يعني تقل وممكن تزيد وفي ناس مغيروش حاجه لمده 150 الف بس موديلات اوبل معتش فيها موضوع السخونه دا خالص الي يقولك كدا ميعرفش حاجه بيفتي واسعارها في المتناول وارخص الالماني

شكرا لمرورك وردك ، انا اتصلت بناس كتير معاهم العربيه

مشكلة السخونه مطلعتش حقيقية فعلا او مش مشكله كبيره يعني

بس سمعت عن مشاكل كتير في الفتيس مش عارف بصراحه

**ahmed-elsayed** · 21-06-2013 12:15 AM

نص الناس الي اعرفها ومعاهم استرا ايزي ترونيك قالولي عن مشاكل في الفتيس بيغيرو بلوف او حاجه كده مش فاهم اوي بس هما نصحوني ابعد عن الايزي ترونيك

والنص التاني قالي عادي جدا والايزي ترونيك جميل جدا وبيتوقف علي سواقة كل واحد والي يحافظ عليه هيعيش