ياراجل يا طيب فى بنى سويف بنزينة التعاون عملة تسعيرة اللتر 92 ب 2 جنية ولا تقولى عداد ولا نيلة
وكل دا بسبب ولاد .......... الى خربو البلد وخلو الازمة بقت فى كل حاجة والناس هتولع فى نفسها
عرض للطباعة
ياراجل يا طيب فى بنى سويف بنزينة التعاون عملة تسعيرة اللتر 92 ب 2 جنية ولا تقولى عداد ولا نيلة
وكل دا بسبب ولاد .......... الى خربو البلد وخلو الازمة بقت فى كل حاجة والناس هتولع فى نفسها
للاسف النهاردة دفعت انا اصلا بمون 80 وسافرت للاسرة اول امبارح بنى سويف لانى قاعد فى القاهرة لوحدى
والعربية شطبت ومش فى بنزين فى البلد خالص
بيجى كل يوم فى بنزينة واحدة لو حصل وبالقتال وياتلحق يا متلحقش يعنى اخويا اول امبارح وقت ساعتين وفى الاخر شطبت
وعرف يمون امبارح بالعافية من بنزينة فى شرق النيل لو تعرف بنى سويف
وانا النهاردة واحد صحبى اتصل بيا قالى الحق بنزينة التعاون فيها الى فى الشرق
مع ان عارف انها بتغش البنزين
بس للاسف اضريت امون لانى راجع بكرة القاهرة ولازم امون واضريت احط 92
بس للاسف دفعت لانى كنت طهقان من الحر الى كنت فية والوقفة بالساعات
بس لما ببقى رايق مش بتدفع غير الى شايفة
فى مرة كنت بمون من البنزينة الى على طريق الاسماعيلية وانت راجع القاهرة ووقفت ساعتين انا وواحد صحبى كان معايا
الواد الى بيمون عمل حركة احنا صفين بيمون لعربية من هنا ويروح الصف التانى يمون التانية لان كان طرمبة واحدة الى شغالة
وبيكلم باسلوب وحش
خليتة فول وبيقول حسابة وطبعا فى حسنتة
اديتلة حساب العداد بس وقتلة علشان تكلم عدل مع الناس ولو مش عاجبك نديلى مدير الزفتة دى
بس لاقنا الى شد معاهم من شوية سكت ومش عرف يفتح بقة
للاسف معظم الي شغالين في البنزينات دول واسف في اللفظ اشكال وسخة مبيجوش غير بقلة الادب و الزعيق و الصوت العالي و انا المرة الوحيدة الي دفعت فيها فلوس زي ما قالو من غير ما اتكلم كان بسبب ان معايا والدتي وقلت بلاش اتخانق وهية معايا بس المرة الي بعدها طلعت ........ اهلهم ومسبتش حقي :nosmile:
اتصل بوزارة التموين واعمل شكوى رسمية هم ليهم رقم مختصر
وممكن تبلغ عليهم شركة التعاون للبترول لان دول وكيل ليها مش الشركة نفسها المحطات دي قطاع خاص
تحياتي
للعلم مشكلة عدم وجود البنزين مش لقلة البنزين فى المستودعات المشكله ان شركات البترول لها تحفظات على تجربة الكروت الذكيه الى حتحدد كل واحد استهلك كام طبعا برقم السيارة و ان البنزينه حتستلم بالكارت من الشاحنه و حتسلم المواطنين بالكارت و سيبكم من حكاية ال 5 لتر فى اليوم ده ما ينفعشى يطبق فى الوقت الحالى غير كده انتم لو تعلموا ان المتحكم فى سوق المحروقات فى مصر واحده ست من البنزين 95 الى البلاك الخاص بالاسفلت
عموما في اي بنزينة يفضل تنزل من البداية خصوصا فالايام دي
مفيش احسن من بنزينة الوطنية عشان تمون منها وانت مطمن
خد بالك لو كان متأكد من موقفه كان مستحيل يسيبك تمشي الا لما تدفع القيمه كامله لأن انت عارف مفيش شركه في مصر بتدفع تمن غلطه موظف وبالتالي مفيش موظف بيشيل عجز من زبون.
يا اما هما عارفين ان المكنه بايظه وهايصين في السرقه.
يا اما هما لاعبين فيها عن عمد وهايصين في السرقه برضه.
ولو الزبون كشف اللعبه يراضوه وقصاده 100 تانيين مش هياخدو بالهم.
الناس دي عايزه ثوره لوحدهم...