محتاج مساعدتكم ونبي ياجاماعة شرخ عند المساعد الخلفي فيات 128 مرفق صورة توضيع

**ashraf_sms** · 24-06-2013 07:03 PM

المشاركة الأصلية كتبت بواسطة aw2100

ده عومان فى العربية وده اما من جلب المقصات خلفى مبوشة فبتخلى العجل يتحرك من مكانة او مقص مكسور وممكن تكون العربية عالية امامى او فية تبويش فى ركب العربية اوالأستبليزر او الأسكترا اوالبيضات او فية رولمان بيل امامى مبوش الخلاصة ان فية عندك عجلة مش مثبتة فى مكانها كويس وبتتحرك فى المطبات الجامدة وده اللى بيعمل حدفة والله اعلم !!

هو بتاع العفشة شاف العربية كلها وقالي مفيش حاجة غير المقصات الامامي والقنطرة عندي كانت متشرخة كذا شرخ ولحمهم وركب المساعدين

المشاركة الأصلية كتبت بواسطة zastaffa

أنت ظبطت زوايا بعد الشغل ده؟؟؟ ياريت ماتظبطش ألا لما تتاكد فعلا أن المساعدين دول كويسين مش محجرين أو ناعمين زياده عن اللزوم؟؟؟ أصلي بصراحة المساعدين الأستيراد دول كان ليا معاهم قصة قبل كدا....لبستهم ب150جنيه والراجل مكانش عاوز ينزل جنيه وفي الأخر العفشجي قالي دول مساعدين قدام وهوا ماليهم!!!! علي فكرة ملي المساعدين مش عيب ولاحرام بس الفكرة أنهم ولا بيملوها بالزيت المناسب ولا ليهم أويل سيلات أصلا في السوق...وبيقوم حاطتلك أي جلبة كاوتش رفيعه فوق الأويل سيل البايظ أل يعني منع تسريب خلاص ويقوم مجرب فمايجبش زيت أدامه....بس عشان هوا صنايعي كفتجي غبي حافظ مش فاهم...فمش قادر يقتنع أن ضغط أيده لتجربة تنفيس المساعد مش زي رزعته وهوا راكب في العربية وأمتصاصة صدمة المطب المحترم بكل وزن العربية...فطبعا بيبدأ المساعد ينفس الزيت اللي سعادته ماليه مرة علي مرة لحد مايتسرب نهائي ويبقي كأن المساعد مش موجود والعربية شغاله ع السوسته بس!!!!!

المشاركة الأصلية كتبت بواسطة zastaffa

وبصراحة ماتزعلش مني أنا مش مقتنع بموضوع العفشة الأستيراد ده....أل128 أهم واخطر حاجه فيها عفشتها الأدمانية....هات أي حاجة أستيراد في العربية ألا أجزاء العفشة الأمامية....بجد تستاهل الصرف عليها بسخاء ومراجعتها علي فترات قريبة بصورة دورية....مانت عارف أل28 بتتلكك عشان تفتح شاسيه مش عشان هي عربية وحشة لاسمح الله...أحنا اللي بلدنا وسخة وشوارعنا أشبه بمدقات الجبال والخواجه اللي عمل أل28 مكانش يعرف أنها حاتكافح وتطرش الدم في أماكن زي ديه

انا مقدرش ازعل منك ياكبير انا لسة مظبطش الزوايا عشان بصراحة مش راضي علي الكاوتش عندي عايز اغيره هو متبهدل بصراحة والنقشة اللي عليه ممسوحة ومقاسه رفيع اوي 13/80/155 تفتكر ممكن يكون الحوار بتاع الحدف ده من الكاوتش انا عايز اغيره ب 13/70/175 هيكون احسن صح

**aw2100** · 24-06-2013 11:46 PM

المشاركة الأصلية كتبت بواسطة ashraf_sms

هو بتاع العفشة شاف العربية كلها وقالي مفيش حاجة غير المقصات الامامي والقنطرة عندي كانت متشرخة كذا شرخ ولحمهم وركب المساعدين

انا مقدرش ازعل منك ياكبير انا لسة مظبطش الزوايا عشان بصراحة مش راضي علي الكاوتش عندي عايز اغيره هو متبهدل بصراحة والنقشة اللي عليه ممسوحة ومقاسه رفيع اوي 13/80/155 تفتكر ممكن يكون الحوار بتاع الحدف ده من الكاوتش انا عايز اغيره ب 13/70/175 هيكون احسن صح

طبعا الكاوتش لو ممسوح يعوم العربية ويضعف الفرامل واعرض مقاس مايعملش مشاكل عندك هو 165/60/13 والأصلى بتاعها 145/80/13 لكن 13/70/175 كبير قوى عليها وبراحتك !!

**ashraf_sms** · 25-06-2013 06:29 PM

المشاركة الأصلية كتبت بواسطة sam4ever2010

يعنى مقاس 165/60/13 احسن بالنسبة للعرض و لا 145/80/13 والمقاس الاول ميأثرش على العفشة ؟؟ وهل العرض بتاع الكاوتش بيفرق فى الثبات عالطريق

لا ال 13/60/165 اعرض والثبات بتاعه احسن بكتير من ال 13/80/145 ده رفيع اوي ووحش في الفرامل والثبات

**ashraf_sms** · 25-06-2013 06:30 PM

المشاركة الأصلية كتبت بواسطة aw2100

طبعا الكاوتش لو ممسوح يعوم العربية ويضعف الفرامل واعرض مقاس مايعملش مشاكل عندك هو 165/60/13 والأصلى بتاعها 145/80/13 لكن 13/70/175 كبير قوى عليها وبراحتك !!

انا بجد مش عارف اقولك ايه علي اهتمام با اسالتي تسلم بجد ياكبير بس المقاس ده حلو في الثبات وكدة ولا التاني احسن اللي هو 13/70/175 ده لو جبته هيبهدل الهفشة صح

**Abo-Yousef** · 26-06-2013 07:05 PM

انا عندى راكب فى العربية الكاوتشين اللى ورا 155/80/13 والاتنين اللى قدام تقريبا 135/80/13
بفكر اغيرهم الاربعة واجيب 4 فرد 165/60/13 يكون افضل بس هل الكاوتش اللى راكب ده ميعملش مشاكل فى العفشة ؟؟؟ هوا كده كده العربية مخنوقة جدا ومش بتجرى يعنى انا عالرابع كنت جايب 90 بالعافية وحاسسها تقيله حتى معرفتش انقل عالخامس ساعتها الفتيس عندى غلس شوية

**ashraf_sms** · 26-06-2013 09:48 PM

رفيع اوي المقاس اللي قدام ده احسنلك غيرهم انا عن نفسي في اقرب فرصة هغير بس مستني الكاشات انت عارف

**Abo-Yousef** · 27-06-2013 01:42 PM

رفيع اوى وصغير كمان ... منا زيك مستنى كاشات ... بس لوكشة كاشات عشان نعمل كل حاجة مرة واحدة ونخلص بقى

**aw2100** · 27-06-2013 03:40 PM

المشاركة الأصلية كتبت بواسطة ashraf_sms

انا بجد مش عارف اقولك ايه علي اهتمام با اسالتي تسلم بجد ياكبير بس المقاس ده حلو في الثبات وكدة ولا التاني احسن اللي هو 13/70/175 ده لو جبته هيبهدل الهفشة صح

الله يكرمك بص كلنا هنا اخواه ودى ميزة التيم ورك ان كل واحد بيفكر فى مجاله وبيساعد الباقيين وانا مقتنع بفكرة ان الأنسان لابد انه يكون حاجتين متخصص بمعنى يعرف كل شئ عن شئ ومثقف بمعنى انه يعرف شئ عن كل شئ !
بالنسبة للكاوتش انا فى خلال ال 14 سنة عشرة مع ال128 زاستافا كنت مركب المقاس 145/80/13 بريدجستون تيوبلس على جنوط استعمال بتوع رينو تقريبا مش بتوع ال 128 علشان اركب الكاوتش تيوبلس ومركبتش ابدا كاوتش 165/60/13 رغم انه افضل فى الثبات وفى الفرامل لية؟؟
علشان عفشة ال 128 والكبالن والشاسيهات ضعيفة لاتتحمل عزم التماسك بتاع الكاوتش العريض ومصممة على المقاس الصغير وكمان علشان وزن الكاوتش العريض اكبر بس كنت بركب بريدجستون علشان النقشة بتاعته بتخلى الكاوتش متماسك على الأرض واهم حاجة لثبات ال128 عدم تعلية العربية من الأمام نهائى وتعلى العربية من الخلف حوالى 2 سم عن الأمام وطبعا اهم حاجة المساعدين يكونوا 10/10 والفرامل الخلفية قوية لانها المسئولة عن زحف العربية وعومانها فى حالة الفرامل القوية وممكن تخلى العربية تلف حوالين نفسها تحياتى اخوك وليد!!

-

-

الموضوع: محتاج مساعدتكم ونبي ياجاماعة شرخ عند المساعد الخلفي فيات 128 مرفق صورة توضيع

LinkBack

أدوات الموضوع

عرض

-

-

-

-

-

-

المواضيع المتشابهه

صوت من المساعد الخلفي

بخصوص شراء فيات 132 ضروري ونبي ياجماعة

محتاج توضيع عن رشاشات النوبيرا (الجديدة )

محتاج مساعدتكم بخصوص مساعدين فيات 128

محتاج تفسير منكم في العربية (مرفق صورة)

الكلمات الدلالية لهذا الموضوع

المفضلات

المفضلات

ضوابط المشاركة