عندي مشكلة زيادة في استهلاك البنزين ودخان اسود فيكترا 95

انا معايا فيكترا 95 اوتوماتيك 2000 سي سي بتاكل بنزين بطريقة فظيعة وحسبت كمية الاستهلاك لقيت ال 120 كم بتاخد من 35 ل 40 لتر بنزين وفي دخان اسود جامد والبوجيهات غيرتها 3 مرات في شهر واحد وكل مرة بتطلع مهببة في مسافة يومين بالكتير وال rpm بيعلى ويوطي وبحس ان العربية بترتل وبحس انها على طول متلتة والسحب طبعا في الضياع وللاسف اخوكم لايفقه شيئا عن ميكانيكا السيارات وللاسف كل ميكانيكي يقولي على حاجة غير اللي قبله بيقولها عشان كده انا لجأت للمنتدي ولاصحاب الخبرات فيه
ياريت تقولولي ايه المشكلة والاحتمالات وياريت الاسعار عشان مينضحكش عليا
وياريت لو حد من اسكندرية يدلني علي حد اكشف عنده بالكمبيوتر لاني روحت التوكيل في اسكندرية قالولي الجهاز بتاع الموديل ده مش موجود ورحت لواحد في سيدي بشر اسمه الزراني وده مركز خدمة سيارات كبير وقالي مش هتلاقي الجهاز بتاع الموديل ده في اسكندرية

اما حساس الميه (كولانت سنسور) او الماف سنسور

سيبك بقى من الفتاين دول علشان مش هتخلص

اول حاجه هتعملها

هتشيك على البوجيهات شوف حالتها ايه لو وحشه غيرها

تانى حاجه شيك على سيلك البوجيهات لو كله بيطلع شراره يبقى السلك سليم

لو السلك مش سليم او فى واحد منهم مش شغال جربه مع سيلك تانى لو نفس المشكلة يبقى المشكله فى الكويل

تانى حاجه هنبص عليها الحساسات حساس الشكمان وحساس الاكسجين وحساس الايدل وحساس tps

دول الحساسات المفروض انها مسؤله عن الكلام ده

تالت حاجه هتشوف الرشاشات ممكن تكون بتسيل او بترمى بنزين بزياده

لو فى معلومه خطأ ان شاء الله الشباب يصلحها علشان نوصلك للحل

AIR MASS sensor

حساس ماف
حساس شكمان او اكسجين ودة ااقرب حاجة للمشكلة دي عشان حصلت عندي بالظبط وكان هو السبب
حساس الكولنت بس انا مش حاسة كدة مستبعدة شوية

احتمال كبير ماف . استهلاك بنزين ار بي ام بيلعب تحس العربيه متلته ماااف استنا الموصنع للعربيه استاذ طناني ربنا يفك كربه .

اولا الف شكر على سرعة الردود
وثانيا انا مستبعد حساس الكولانت لاني غيرته استيراد ب 70 جنيه
كمان مستبعد البوجيهات لاني غيرتها برضه 3 مرات في شهر واحد وفي كل مرة كنت بغير النوع وانواع غالية وماركات محترمة
كمان مستبعد كابلات البوجيهات لان كل الصنايعية قالولي انها مفيهاش مشكلة
بالنسبة للحساسات الاخوة ذكروها ياريت حد يفيدني في اسعارها استيراد وجديد
زي حساس الماف والاكسجين وحساس الشكمان و الايدل وحساس tps
عشان انا كده مضطر اني اغيرهم واحد واحد لحد ما اوصل لحل المشكلة لاني معرفش حد عنده جهاز الكشف عندنا في اسكندرية زي ما ذكرت في المشاركة الاولى
وياريت كمان اسعار طقم الرشاشات
معلش يا جماعة تقلت عليكوا بس دا من العشم عشان اخوكوا اجدع واحد ينضحك عليه من الصنايعية وبتوع قطع الغيار

طب اقتراح
ركب سلوك بوجيهات استيراد و جرب و مش هتخسر حاجة و اوعى تنسى اوعى تنسى اوعى تنسى اهم سلك فى طقم السلوك هو سلك البوبينة طوله لا يزيد عن شبر و حصل معايا و كان بايظ و عمل نفس الاعراض دى لدرجة ان العربية بقيت بتعوق فى الدوارة و اخر مرحلة بطلت تشتغل من اساسه و قعدت مش راضية تدور حوالى تلات ايام و فى الاخر ميكانيكى فاهم جرب و وصل حته سلك من السلك الكهرباء بتاع البيت العادى دة - و من اول غمزة مارش العربية دارت زى العفريت
جرب سلك البوبينة و بلغنا بالاخبار

طيب اسعار الحساسات اللي قولت عليها كام جديدة واستيراد
ماف - اوكسجين - شكمان - ايدل - tps - وطقم الرشاشات بكام

ماااااااااااااااااااااااا ااااااااااااااااااااااااا اااااااااااااااااااااف
بس كده
كل ده منه
و لو كنت اعرف ان حضرتك قريب كنت بصيت عليه و حاولت اظبطه ليك قدر الأمكان

اقتباس:

---

المشاركة الأصلية كتبت بواسطة tananybasha

ماااااااااااااااااااااااا ااااااااااااااااااااااااا اااااااااااااااااااااف
بس كده
كل ده منه
و لو كنت اعرف ان حضرتك قريب كنت بصيت عليه و حاولت اظبطه ليك قدر الأمكان

---

بدور على ردك عشان اعرف الحل فين :) ربنا يكرمك على اللى بتعملو معانا :)

ياجماعة انا عندى نفس المشكلة تقريبا فى الفيكترا 98 1600 سى ىسى والعطل عندى فى حساس ال idl لانى جربت واحد من عربيية تانية والعربية تقريبا ظبطت بس انا لسه ما غيرتوش وراكن العربية لانى عايز اجيبه جديد واصلى ومش عارف اجيبه منين ومش عارف كمان سعره لان انا من جنوب سيناء ومشكلة قطع الغيار والصيانة هنا حاجة صعبة جدا لو امكن حد يدلنى على سعره ومكانه جديد واصلى