عندي مشكلة زيادة في استهلاك البنزين ودخان اسود فيكترا 95

**ahmedkasem** · 21-06-2013 12:18 AM

انا معايا فيكترا 95 اوتوماتيك 2000 سي سي بتاكل بنزين بطريقة فظيعة وحسبت كمية الاستهلاك لقيت ال 120 كم بتاخد من 35 ل 40 لتر بنزين وفي دخان اسود جامد والبوجيهات غيرتها 3 مرات في شهر واحد وكل مرة بتطلع مهببة في مسافة يومين بالكتير وال rpm بيعلى ويوطي وبحس ان العربية بترتل وبحس انها على طول متلتة والسحب طبعا في الضياع وللاسف اخوكم لايفقه شيئا عن ميكانيكا السيارات وللاسف كل ميكانيكي يقولي على حاجة غير اللي قبله بيقولها عشان كده انا لجأت للمنتدي ولاصحاب الخبرات فيه
ياريت تقولولي ايه المشكلة والاحتمالات وياريت الاسعار عشان مينضحكش عليا
وياريت لو حد من اسكندرية يدلني علي حد اكشف عنده بالكمبيوتر لاني روحت التوكيل في اسكندرية قالولي الجهاز بتاع الموديل ده مش موجود ورحت لواحد في سيدي بشر اسمه الزراني وده مركز خدمة سيارات كبير وقالي مش هتلاقي الجهاز بتاع الموديل ده في اسكندرية

**فادى محمد** · 21-06-2013 01:24 AM

اما حساس الميه (كولانت سنسور) او الماف سنسور

**buddha** · 21-06-2013 01:34 AM

AIR MASS sensor

**Mamoud salah H** · 21-06-2013 01:46 AM

حساس ماف
حساس شكمان او اكسجين ودة ااقرب حاجة للمشكلة دي عشان حصلت عندي بالظبط وكان هو السبب
حساس الكولنت بس انا مش حاسة كدة مستبعدة شوية

**sunsonson** · 21-06-2013 02:28 AM

احتمال كبير ماف . استهلاك بنزين ار بي ام بيلعب تحس العربيه متلته ماااف استنا الموصنع للعربيه استاذ طناني ربنا يفك كربه .

**ahmedkasem** · 21-06-2013 05:32 AM

اولا الف شكر على سرعة الردود
وثانيا انا مستبعد حساس الكولانت لاني غيرته استيراد ب 70 جنيه
كمان مستبعد البوجيهات لاني غيرتها برضه 3 مرات في شهر واحد وفي كل مرة كنت بغير النوع وانواع غالية وماركات محترمة
كمان مستبعد كابلات البوجيهات لان كل الصنايعية قالولي انها مفيهاش مشكلة
بالنسبة للحساسات الاخوة ذكروها ياريت حد يفيدني في اسعارها استيراد وجديد
زي حساس الماف والاكسجين وحساس الشكمان و الايدل وحساس tps
عشان انا كده مضطر اني اغيرهم واحد واحد لحد ما اوصل لحل المشكلة لاني معرفش حد عنده جهاز الكشف عندنا في اسكندرية زي ما ذكرت في المشاركة الاولى
وياريت كمان اسعار طقم الرشاشات
معلش يا جماعة تقلت عليكوا بس دا من العشم عشان اخوكوا اجدع واحد ينضحك عليه من الصنايعية وبتوع قطع الغيار

**cayman69300** · 21-06-2013 06:38 AM

طب اقتراح
ركب سلوك بوجيهات استيراد و جرب و مش هتخسر حاجة و اوعى تنسى اوعى تنسى اوعى تنسى اهم سلك فى طقم السلوك هو سلك البوبينة طوله لا يزيد عن شبر و حصل معايا و كان بايظ و عمل نفس الاعراض دى لدرجة ان العربية بقيت بتعوق فى الدوارة و اخر مرحلة بطلت تشتغل من اساسه و قعدت مش راضية تدور حوالى تلات ايام و فى الاخر ميكانيكى فاهم جرب و وصل حته سلك من السلك الكهرباء بتاع البيت العادى دة - و من اول غمزة مارش العربية دارت زى العفريت
جرب سلك البوبينة و بلغنا بالاخبار

**ahmedkasem** · 21-06-2013 02:54 PM

طيب اسعار الحساسات اللي قولت عليها كام جديدة واستيراد
ماف - اوكسجين - شكمان - ايدل - tps - وطقم الرشاشات بكام

**tananybasha** · 22-06-2013 12:49 AM

ماااااااااااااااااااااااا ااااااااااااااااااااااااا اااااااااااااااااااااف
بس كده
كل ده منه
و لو كنت اعرف ان حضرتك قريب كنت بصيت عليه و حاولت اظبطه ليك قدر الأمكان

-

الموضوع: عندي مشكلة زيادة في استهلاك البنزين ودخان اسود فيكترا 95

LinkBack

أدوات الموضوع

عرض

-

-

-

-

المواضيع المتشابهه

اسباب زيادة استهلاك البنزين

هل يوجد علاقة بين طلمبة البنزين و زيادة استهلاك البنزين ؟؟؟

مشكلة زيادة استهلاك البنزين فى النوبيرا

زيادة في استهلاك البنزين

للتخلص من مشكلة زيادة استهلاك البنزين حتى تعم الفائدة

الكلمات الدلالية لهذا الموضوع

المفضلات

المفضلات

ضوابط المشاركة