فعلا انا عاجز ومحتاجكم

**amr.mohamed85** · 21-06-2013 06:03 AM

ارجوكم محتاج المساعدة لانى عندى مشكلتين مميتتين
العربية اوبل كورسا 95 1200 رشاش واحد
الاولى:
العربية بتاكل بنزين اخر حاجة رحت العين السخنة ورجعت بتفويلة يعنى 350 كيلو بـ45 لتر
كانت بتدخن دخنة سودا ورحت لمركز الصفا وبطلت تدخن بس لسه بتاكل بنزين وكنت لما ادوس بنزين مرة واحدة جامد تحس العربية مبتستجيبش وتدخن بقى اسود وكأنها شرقت
في حساس اسود تحت العمة في الجنب من ناحية قربة المياه داخل فيه فيشة ثلاثية الفيشة دى كان فيها قطع ومهربدة شوية فظبطها ولفيت عليها شريط لحام ابتدى الدواسة تستجيب بس لسه بتاكل بنزين ومن حوالى 4 شهور الطرمبة باظت ورحت لميكانيكى ركبلى طرمبة مكتوب عليها هونداى ونفس شكل الطرمبة بتاعتى وكل حاجى وصوت التكيهات عالى جدا وعلى فكرة جربت غيرت الرشاش والحساس بتاع الهواء اللى بيركب في صدر العربية وطلع العيب مش منهم وغيرت وحدة الكمبيوتر اللى في الصالون تحت التابلوه من الجنب وطلع برضو مش منها ياترى العيب من حاجة في دول ؟؟؟؟؟ ولاحاجة تانية

الثانية:
غيرت زيت 5000 كيلو وسرحت ومشيت عليه بتاع 6500 كيلو ومكانش ناقص بس كان خلاص لازم يتغير لحد مالقيت لمبة الزيت بترعش احيانا ومترعش احيانا رحت جرى غيرت زيت وفلتر وبرضو لسه بترعش بــــــــس مش اول ماادور لما الف كده شوية بالعربية او مثلا اكون في وسط زحمة تلقيها ابتدت ترعش ومتقفش الا لما اجيب الغيار التالت واخد سرعة

انا ركنت العربية لانى عارف خطورة الزيت وستنى تفيدنى ولكم فعلا جزيل الشكر لانى بثق فيكم لاقصى درجة
وأسف جدا على الاطالة

**medo111** · 21-06-2013 06:32 AM

كل الحاجات دي غيرتها ليه والزيت مش للدرجه دي متوهمش نفسك انو خطر لا عادي لو زودت عليه اذا كنت مضطر استني الناس هترد عليك وشوف ميكانيكي بيفهم في الاوبل وابقي اكشف كمبيوتر الاول

**فادى محمد** · 21-06-2013 10:33 AM

1- كولانت سنسور او موبينه ضعيفه
2-ساعه الزيت

**amr.mohamed85** · 21-06-2013 06:55 PM

المشاركة الأصلية كتبت بواسطة فادى محمد

1- كولانت سنسور او موبينه ضعيفه
2-ساعه الزيت

فادى باشا انا قاعد مستنى رأيك بفارغ الصبر لانى بثق فيك بطريقة رهيبة
حساس الكولنت ده اللى فين ؟؟؟؟ وايه حوار الموبينة ده وعلالقته بالبنزين ؟؟؟؟
موضوع الزيت انا خايف تكون طرمبة ومش عارف احدد