عندى مشكلة جديدة و يا ريت تساعدونى
العربية كانت قطعت بيا فجاة وانا ماشى قولت يبقى بنزين بس أستغربت قولت ازاى يعنى خلص المهم حطيط شوية و دورت دارت قولت تمام و روحت حطيط بنزين بليل و كلة تمام
سبت العربية كذا يوم و نزلت دورت دارت تمام مشيت حوالى 1 كيلو و ركنت و رجعت تانى دورت دارت عادى و ركنت تانى و رجعت أدور و حلفت بقى مهى دايرة صوت مارش بس الموتور مبيقومش المهم سبتها و قولت اكيد بنزبن تانى اكيد بيتسرب وانا معرفش
جبت بنزين و حطيط و بردة مبتدروش المهم سبتها تانى و رجعت بليل أجرب و اجرب و حطيط شوية بنزين دارت سبحان الله روحت ركنتها تحت البيت تانى يوم نزلت مافيش برضة قلت أكيد نزلت البنزين جبت بنزين و احط مفيش المهم فتحت الكربرتير و كونتكت ملقتش فى بنزين بيجى قولت يبقى طرمبة ودتها للمكنيكى قالى طرمية شاف الفيوز و السلك و كل حاجة قال كلة سليم دة موتور الطرمبة قولت ماشى
طبعا هنزل التنك لأنى معنديش فتحة تحت الكنبة و أعدما نفك التنك اد كدة و ننزل البنزين منة و طلع فية ولا بيتسرب ولا حاجة المهم نزلنا التنك طلع الطرمبة
فكينا الموتور و أخدة نجرب على البطرية لقينة أنة شغال قولتلوا دة شغال قالى أة بس بيفصل قولتلة أزاى مهو شغال أهوة و جربنا كذا مرة و شغال قالى برحتك ممكن يكون فشتة كانت مصدية
المشكلة أن عربيتى أمريكى 2500 cc قاللى هنجبلها موتور طرمبة الالنترا 1600 cc عشان تبقى نفس الضغط قلتلة ازاى يعنى 2500 هيركب 1600 قاللى هينفع قالى ب 220 جنية قةلتلة مش عارف قالى خلاص اركبلك دى و أبقى هات بقى زى بتعتها بظبط و أهى دى هتمشيك قولت تمام ركبناها تانى و حطينا بنزين و دورنا دارت قولت الحمد لله جربت و السحب تمام و كلة تمام و مشيت بليل نزلت مشيت 500 متر و ركنت جيت ادور تانى مبتدورش :( طبعا أتخنقت جدااااااا نزلت خبط على التنك شوية خبط كدة أشتغلت روحت ركنتها تحت البيت و طفيت و مبتدورش تانى قولت أسبها بقى تحت البيت و قولولى رأيكم فى اللى حصل
1/أية اللى بيشغلها و بيفصلها لوحدها
2/ ينفع بتاعت الالنترا فعلن
3/ينفع أركب طرمبة خارجية
4/ أعمل أية أنا بقى .... و شكرا و أسف للأطالة بس لازم أقول كل اللى حصل

الطرمبة كهرباااااااااااااااااء