حساس ايدل لانسر بومة 2007

**salah_86** · 21-06-2013 10:54 PM

نصيحة منى ليك خد عربيتك بكرة بعد العصر واطلع على ورشة المتخصصون وهما هيقلولك محتاج ايه بالضبط انا فى مرة روحت عندهم ومكنتش عمرى نضفت الانجكشن خالص نضفوة وعملولى ريست للكمبيوتر وبعدين وانا ماشى فضلت العربية حوالى نص ساعة ال rpm عالى وبعدين كلمتهم فى التليفون قالولى شوية وهيظبط ولو مظبطش معاك هات العربية وتعالى تانى وفعلا ظبط لوحدة تانى
هما فاهمين كويس ومش غاليين زى التوكيل

**delaga** · 22-06-2013 01:38 AM

انا عندى ال rpm ثابت على 900 او 800 عادى جدا لكن ساعات لما بحيب ال n بينزل ل 600 كده ومرتين بس بطلت معايا ولما بنضف البوابة بتتظبط ييجى اسبوع او 10 ايام كده وترجع تانى فمش عارف ايه المشكلة بالظبط ومش عايز كل شوية انضف البوابة علشان غلط
هما فى المتخصصون قالولى حساس الايدل تعبان شوية والجديد الاصلى بحوالى 1800 جنيه والتايوانى ب 500 فمش عارف اعمل ايه

**salah_86** · 22-06-2013 01:46 AM

اعتقد ان الاصلى احسن اشترية من التوكيل لان التيوانى ممكن يبوظ بسرعة تانى وهما قالولك ايه عن التيوانى ؟

**delaga** · 22-06-2013 05:38 AM

المشاركة الأصلية كتبت بواسطة salah_86

اعتقد ان الاصلى احسن اشترية من التوكيل لان التيوانى ممكن يبوظ بسرعة تانى وهما قالولك ايه عن التيوانى ؟

قالولى شغال كويس وزى الفل بس الصراحة انا مش معايا فلوس دلوقتى لا لده ولا ده وانا مابحبش اجيب حاجة مش اصلى بالذات لو حاجة مهمة زى دى
علشان كده انا مأجل الموضوع ده شوية وهو الحمد لله مش مأثر على حاجة

**Amr_wael** · 22-06-2013 02:59 PM

المشاركة الأصلية كتبت بواسطة salah_86

نصيحة منى ليك خد عربيتك بكرة بعد العصر واطلع على ورشة المتخصصون وهما هيقلولك محتاج ايه بالضبط انا فى مرة روحت عندهم ومكنتش عمرى نضفت الانجكشن خالص نضفوة وعملولى ريست للكمبيوتر وبعدين وانا ماشى فضلت العربية حوالى نص ساعة ال rpm عالى وبعدين كلمتهم فى التليفون قالولى شوية وهيظبط ولو مظبطش معاك هات العربية وتعالى تانى وفعلا ظبط لوحدة تانى
هما فاهمين كويس ومش غاليين زى التوكيل

مكانهم فين يا باشا بعد اذنك ؟

**yoga** · 22-06-2013 06:21 PM

فيه مسمار صغير ف البوابه بيعلى البنزين وبيوطيه ممكن تحتاج توطيه بسيطه ويظبط معااااااك

**salah_86** · 23-06-2013 12:03 PM

المتخصصون دى ورشة فى الاميرية فى طريق السواح وانت جاى من عند كوبرى قصر الطاهرة رايح السواح هتلاقى على يمينك مصنع بسكو مصر بعد بنزينة التعاون تدخل ثالث شارع يمين هتلاقيهم على شمالك

**salah_86** · 23-06-2013 12:05 PM

اعتقد ان الاصلى فى موضوع حساس الايديل دا افضل بس هاتة من التوكيل

**tato2009** · 23-06-2013 07:29 PM

كانت عندي نفس المشكلة العربية 2007 خليجي اوتو
نظفت حساس الايدل عند ميكانيكي وراحت المشكلة ثم رجعت تاني
غيرت الميكانيكي فنظف البوابة والحساس
والحمد لله المشكلة اتحلت اول تدويرة يكون ار بي ام عالي لمدة ثانية او اتنين ثم ينزل
روح لميكانيكي كويس ينظف الحساس والبوابة