[overline]نزلت شارع نجيب الريحاني لإحضار فريون لتكييف العربيه ودخلت لأول محل أسأل عن سعر العبوه الكيلو تبريجاز أو أخوان رزق فجاب ليا عبوه غريبه وقاللي ده ب 60 جنيه و ده rb فعجبني السعر وقولت بتوع التكييف بيشتغلونا في سعر الشحن والمصنعيه ويقولوا إن ده فريون أمريكي أو إتحاد أروبي والواحد مش عارف هما بيحطولنا أيه ولكن قولت مستعجلش و أجيب من أول محل و ألف و اشوف ولكن لما لفيت لاقيت السعر إختلف خالص فلاقيت السعر 130 و140 جنيه فقولت ايه ده فشاهدت توكيل اخوان رزق في أخر الشارع فدخلت أسأل علي السعر لاقيته 100 جنيه للعبوه 1 كيلو فقلت للبائع ممكن اشوفها فجبها ولاقيت ان العبوه مختلفه خالص عن اللي شوفتها في أول محل وإفتكرت إن الأولي كان مكتوب عليها أولاد رزق أما الأصليه مكتوب عليها إخوان رزق وده من الغش التجاري الموجود بالسوق المصري انا حبيت أكتب هذا الموضوع لتحذير جميع الزملاء حتي لا يحدث أي ضرر لأي حد
و السلام عليكم ورحمه الله وبركاته [/overline]