عرض للطباعة
مساء الخير...
انا كنت عايز استفسر عن الفرق بين البنوك المصرية والبنوك الاجنبية وايهما افضل للادخار؟؟
انا كنت بحط في البوستة.. وبصراحة زهقت من التعامل في البريد..
داغير ان انا مضايق من الارتفاع المستمر في سعر الدولار..
وبصراحة كدة انا مش متفائل اقتصاديا للفترة القادمة..
وانا مش ناوي اسحب قريب ممكن يكون قدامي سنتين تلاتة...
انا عايز اعمل ايداع بالدولار في بنك محترم وموثوق فية ويكون الفايدة بتاعته كويسة بالمقارنة بغيرة من البنوك..
وشكرا مقدما..
لا توجد فوائد علي حسابات الدولار بالبنوك ، الفايدة سنوية متغيرة وتكاد تكون معدومة !
اكبر فايدة هي 3% لمبلغ 500 دولار في شهادة تتقفل 3 سنين !
اصرف نظر عن الادخار بالدولار طالما مرتبك مش بالدولار او معندكش مصدر دولاري ثابت
وممكن تحول مصري لدولار بس هتصبر عليه شويتين حلويين عشان تعرف تبيعة اكبر من سعر شراءة
لو الفلوس مش محتاجها و متاكد من كده اعمل شهاده فى البنك الاهلى ٣ او ٥ سنين بفايده ١٢.٥ ٪
طبيعي ان الفايده علي الدولار تبقي قليله .. 3% سنويا دي فايده كبيره كمان علي الدولار
علشان مفيش تضخم تقريبا بالعكس انت بتعتمد علي الفرق في السعر بين العملتين وده مكسبه بيبقي اعلي كمان من الفايده
بس معظم البنوك مش بتفتح حساب بالدولار بالساهل لازم الاول تودع بالدولار مفيش تحويل يعني فده ممكن يخسرك لو مش محسوب صح
اسمع كلام اخوك و سيبك من تكديس العملات الورقية فى بنك او بوسطة سواء جنيه او دولار او غيره كلها فترة بسيطة و الكلام ده هيبقى شوية ورق كوتشينة لا قيمة له امريكا ضحكت على العالم فى اتفاقية برايتون وودز سنة 1952 و خدت دهبه و ادلته شوية ورق اخضر حاليا الصين ممكن توع الدولار فى لحظةاقتباس:
المشاركة الأصلية كتبت بواسطة whatzup
و من غير تفاصيل كتير خلليك فى الحاجات اللى ليها قيمة و قيمتها بتزيد يعنى عقار او دهب انما الورق عبارة عن شوية كوتشينة
الجنية هيبقي ورق كوتشينة لو فضلنا علي حال البلد السىء دااقتباس:
المشاركة الأصلية كتبت بواسطة cameeron
والدولار هيحصلة بس بعد شوية لان اليورو نسبة زيادته اعلي من الدولار !!
ربنا يستر اختيار صعب بين انك تحط فلوسك في اصول الله اعلم هتعرف تبيعها ولا لا وبين انها تبقي معاك وقيمتها الله اعلم برررضو
طيب والحل ايه
بعد الاحداث لوهمية الخيالية بتاعة 30/6 الجنيه هيوقف نزول و يثبت شوية و على نهاية السنة هيبدأ في الارتفاع قدام الدولار .
لو معاك مبلغ كويس حاول تعمل مشروع صناعي صغير او متوسط و الافكار كتير و فيه موضوعات في المنتدى و ناس فاهم ممكن تساعدك .. لان اسعار العقارات هتنزل بعد ما وزارة الاسكان تعلن عن المدن الجديدة و كمية مشروعات الاسكان الكتيرة جدا اللي هتتعمل ( وزير الاسكان اول امبارح قال انه هيعلن عنها بعد اسبوعين ) .
او ممكن تعمل مشروع خدمي و ده هيكون برضه كويس .
خلى الفلوس فى البنك بنظام الوديعه انا عملت كده
والفايدة 12.5 %
مصر محتاجه 550 الف وحده سنويا مفيش الانخفاض الي بالك فيه تسهيلات ممكن لكن الشقه مثلا الي تمنها مليون هاتجيبها بعد كده 700 الف مثلا انسي كل مكان في مصر و ليه سعره علي حسب المستوي المعيشي الي في المكان و شوف مثلا في مدينه نصر حي السفارات و الحي العاشر فيه فرق كبير في الاسعاراقتباس:
المشاركة الأصلية كتبت بواسطة mazagangee
الفايدة على العملات في البنوك تكاد لا تذكر.. بس الفكرة في قيمة العملة نفسها و قوتها الشرائية..
يعني يا فرحتي مثلاً لما البنك يديك فايدة على الجنيه 20% و هو قيمته عمالة تنزل بـ50% فساعتها تاخد الجنيهات دي تلعب بيها في بنك الحظ أحسن..
ده البنك المركزي لو وارب الباب بس شوية في موضوع بيع العملات ده أنت هتلاقي الجنيه ده أنقرض و هنتحول للتعامل بعملة بديلة لها قوة شرائية أكبر "Dollarization" زي لبنان كده تعاملهم كله بالدولار الأمريكي..
لو معاك دولار بالفعل أربط بيه شهادة و لا وديعة لفترة في أي بنك و أنساهم لفترة.. بس خليك متابع على فترات كده أسعار الصرف وصلت لأيه..
الأصول الثابتة فكرة كويسة للتغلب على أضرار التضخم لكن يعيبها سيولتها قليلة جداً و مع الوضع الأقتصادي اللي بنعيش فيه ده أخاف أن يجي يوم متلاقيش طريقة لتسييل الأصل ده...
يا باشا متشكر علي اهتمام سيادتك ...انا مش عايز اعمل مشاريع لاني شغال بالفعل والحمد لله دخلي كويس ...اقتباس:
المشاركة الأصلية كتبت بواسطة mazagangee
انا معنديش مشكلة في الشغل.. وانا معنديش وقت اني ادخل في مشاريع
انا بسال بعد ماتعمل مشروعك ويبدأ يجيب لك الدخل الكويس تتصرف في الفلوس دي ازاي؟؟ في ضوء الظروف السياسية والاقتصادية الراهنة..
انا خايف يحصل انهيار اقتصادي في البلد وتعبنا يروح علي الارض دي كل الحكاية.. وربنا يخيب ظني.. انا مش بسال عن افضل طريقة للحصول علي الفوائد... انا بسال عن احسن طريقة للتامين ضد انهيار اقتصادي محتمل؟؟
لا انا معايا رصيد بالجنيه عادي ..تنصحني احول دولار ولا افضل جنية..انا ممكن اضحي بفرق البيع والشرا في سبيل ضمان عدم حدوث تغييرات كبيرة في قيمة الجنية( زي ما قل قدام الدولار في الفترة الاخيرة مرة واحدة حوالي جنية)اقتباس:
المشاركة الأصلية كتبت بواسطة dede_dodo88
شكرا يا باشا علي الرد..اقتباس:
المشاركة الأصلية كتبت بواسطة cameeron
بص انا كنت اشتريت دهب السنة اللي فاتت كان ب 305 الجرام 21 ومن يوميها نزل وموصلش ل305 الا مرة واحدة تقريبا.. الدهب مش مضمون برضو وممكن يخسر .. لولا ان انا ما احتاجتوش السنة اللي فاتت كان ممكن ابيع ب 280 او 290 زي مانتا شايف
وفكرة الشقة متعبة فالتدوير واعادة البيع وكدة ياريت لو عند حضرتك حل سريع واسهل يكون احسن...